الفزعه يا راعي البترول

[abu sadem]

السلام عليكم ورحمة الله وبركاته

عندي بترول 94 توني شاريه

شريت بواجي يوم جا يركبها لقي البواجي الاوله كلها راكبه علي ثلاث ارباع السنه
او نص السنه ( يعني مهيب داهله كلها )
قالي السنه اللي بالمكينه معدومه يبيلها خرط

الموتر نظيف واذاا بخرط لازم افك راسها وبتكلف

هل الموتر يفرق بالعزم لو افك الراس واخرطها والا ماله دخل
الموتر اتوقع واصله كهرب زين لانه صافي

والا اخليها ؟؟

ابي الحل لاهنتم

[sgl2002]

لا وش دخلها

العزم يفرق اذا انمسح الراس بزيادة

المهم ركب البواجي واذا لقيت تفتفه قوية فمعناه لازم تفك الراس وتضبط مكان البواجي

واذا ركبت البواجي وماتفتف الموتر فهو بخير ولاعليه خلاف

[abu sadem]

الله يبيض وجهك

[mekshaat]

كان معي ددسن شاريه مستعمل وبعد استخدامه بفتره رحت وشريت له بواجي أصليه وركبتها وبعد مامشيت عليه
لاحظت السياره فيها تفتفه أو تقطيع وديتها لواحد سوداني فاهم فك البواجي يشيك عليها لقاها متكسره قال البساتم
تدق بالبواجي وتكسرها والسبب ان المكينه اللي على السياره استعمال ياباني وبوجي السعودي طويل عليها ويخش جوا
ويدق بالبستم قلت شف لي حل راح وجاب لي بواجي جديده وجاب معها وردات وركب على كل بوجي كم حبه عشان مايخش
البوجي كامل المهم نجحت فكرته وكان السوداني يقدر يركبها بدون وردات لكن طريقة الوردات أفضل عشان يشد البوجي
على كلامه وممكن مكينة سيارتك نفس سالفتي من ناحية البواجي ماركبت كلها كامله أكيد راعيها الأول عنده مشكله مثل
مشكلتي اختلاف بين مقاس البوجي والسنه حقت المكينه اضطر يركبها بالطريقه هذي.