مطلوب نتافة طيور

[مروض الصعبة]

السلام عليكم ورحمة وبركاته
بعد التحية حبيت اوضح تفاصيل الطلب واللي هو نتافة طيور تكون جديدة او نظيفة وحجمها مناسب للحمام وجزيتم عنا كل خير
رجاء تكون ببريدة سواءً عند محل أو شخص يبي يبيع اللي عنده وشكراً للجميع.

[محامي وراط]

يا ليت تحددون اسعارها بالرياض عشان تعم الفايده ...

الله يرزقك باللي تبيه

[شرق المغيب]

يقولون موجودة عند السنيدي

[عاشق اكستريما]

ما أنصحك بها
سبق واستخدمتها
لاتصلح ابداً

[abo.-h]

اللي عند السنيدي هذه عندي والله ما استفدت منها
خسارة بخسارة
لكن وانا اخوك بالنسبة للحمام والسمان
خل عندك قدر فيه ماء يغلي وحط الطير بالقدر بحيث تمسكه مع أرجل الطير
وغطه غطه ماهي طويلة وبعدها أفرك الطير راح تشوف العجب العجاب
بلا نتافة بلا خرطي
ولا يبقى ولا ريشة على الطير
كلامي للطيور الكبيرة مثل الحمام البلدي والسمان البري
من واقع تجربة
دعووووووووووووووواتك

[مروض الصعبة]

الله يجزاكم خير ما قصرتوا ولكن بالنسبة للطريقة اليدوية ما تنفع لأن عندي كميات كبيرة والعامل ماهو فاضي وحتى اذا سواها مرة والا مرتين راح يمل .
ارجوا الافادة حتى ولو بالمستعمل او تصنيع محلي وشكرا للجميع

[مواطن]

فيه محل عند سوق الحمام الي بالعزيزية يبيع نتافات
اذا تبي الوصف راسلن على الخاص