((((((أم خمس القديمة ( تراث ) ))))))

[الجدي2010]

السلام عليكم ورحمة الله وبركاته
تقبل الله منا ومنكم صالح الأعمال وجعلنا من عتقائه من النار
الله يصبحكم بالخير / ويمسيكم
يالربع شاركة بالموضوع مع الصور أبي رايكم وخبرتكم :
1. مانوع البندق هل هي هندية
2 . كم تسواى
مع العمل بأن البندق فيها كسر في الخشب والدرج الذي على منشاف غير موجود حق المسافة أما المنشاف الأصل موجود الذي فيه الفرض
والبندق لجدي رحمه الله ومعها كم طلقه وبالرمي حالتها ممتازة معليها أي خلاف


تقبلو تحياتي وإحترامي


نتركم مع الصور
http://img04.arabsh.com/uploads/image/2012/08/15/0e3e444b6cfb02.jpg


http://img02.arabsh.com/uploads/image/2012/08/15/0e3e444b6cfb0c.jpg
http://img03.arabsh.com/uploads/image/2012/08/15/0e3e444b6df106.jpg
http://img02.arabsh.com/uploads/image/2012/08/15/0e3e444b6df707.jpg
http://img04.arabsh.com/uploads/image/2012/08/15/0e3e444b6df700.jpg
http://img04.arabsh.com/uploads/image/2012/08/15/0e3e444b6df70d.jpg
http://img04.arabsh.com/uploads/image/2012/08/15/0e3e444b6df403.jpg
http://img02.arabsh.com/uploads/image/2012/08/15/0e3e444864f60d.jpg
http://img02.arabsh.com/uploads/image/2012/08/15/0e3e444864f506.jpg

[انا ابو بندر]

ماوزر صناعه تركيه

(العصملي ) وفي ناس يسمونها ( انقره)

عيارها 8x57 Mauser بالوقت نادر جدا لانه يفرق عن الماوزر العادي اللى هو 8 ملم العادي حق البرنو والصليب وغيرها
تاخذ خمس رصاصات

كافي انها تحفه اسلاميه رائعه ونادره لان السلاح التركي كان يصنع بالدوله العثمانيه بترخيص من مصانع المانيا

تقبل مروري

[طنخه 717]

ماشاء الله

[عاشق اكستريما]

بصراحة تراث

[الجدي2010]

ماوزر صناعه تركيه

(العصملي ) وفي ناس يسمونها ( انقره)

عيارها 8x57 Mauser بالوقت نادر جدا لانه يفرق عن الماوزر العادي اللى هو 8 ملم العادي حق البرنو والصليب وغيرها
تاخذ خمس رصاصات

كافي انها تحفه اسلاميه رائعه ونادره لان السلاح التركي كان يصنع بالدوله العثمانيه بترخيص من مصانع المانيا

تقبل مروري
هلابك أخوي وبيض الله وجهك
فعلا فيه ناس قلولي أنها عصملي مثل ماقلت بس أول مره أعرفه أنها تركية
بس كم تسواى وخاصه عند أصحاب المتاحف لأنها لصيد صعب أنك تحصل رصاصها وشكرا

[الجدي2010]

ماشاء الله
بارك الله فيك وأشكرك على سرعت الرد

[الجدي2010]

بصراحة تراث
بارك الله فيك أخوي وبيض الله وجهك
تراث وبس صنعت سنة 1312 جاء بعدها أجيال ههههه

[الجدي2010]

اللي له نظر يشري والله يبارك له

[تميم2222]

هذا رد على الناس اللي تحقر الصناعه التركيه ....يمكن يقتنعون ؟؟ بعض العرب .... الله يعطيك العافيه

[الجدي2010]

هذا رد على الناس اللي تحقر الصناعه التركيه ....يمكن يقتنعون ؟؟ بعض العرب .... الله يعطيك العافيه
ههههههههههههه ويعافيك ويسلمك

[راجي السيل]

اللي له نظر يشري والله يبارك له


كم حدك فيها

[Cyber]

نصيحة اعرضها على اصحاب التراث
هم الي يعطونك سعرها صح

[ابو تركي 502]

بندق روعه اتوقع تجيب سعر غالي لانها تراث والتراث الحين غالي في المشترا

[الجدي2010]

كم حدك فيها


ياغالي ماني حادها وهي معروفه والظروف نوب تحد الواحد

[الجدي2010]

نصيحة اعرضها على اصحاب التراث
هم الي يعطونك سعرها صح
الله يعطيك العافية وبيض الله وجهك ونصيحتك مقبوله
بس وين أحصل أصحاب التراث وإلا عارف أنها تجيب خير

[الجدي2010]

بندق روعه اتوقع تجيب سعر غالي لانها تراث والتراث الحين غالي في المشترا
الله يجزاك خير ويرفع مقامك وكل من شارك ورد علي وللي ما رد
هي غالية عندي قبل غلها في السوق بس مالي حاجه فيها وقلت أبيعها فيه ناس تبحث عن التراث وهي بالرمي مافيها أي شيء

[فيتل]

الله يرزقك بزبون الصامل

[الجدي2010]

الله يرزقك بزبون الصامل
الله يجزاك خير ويرفع مقامك

[abuamjad555]

الله يحفظك انت تقول انها لجدك لازم ماتفرط فيها *** انا اتمنى لو عندي اي شي يذكرني بجدي اللي ماعرفته غير بالسوالف والقصص عنه من ابوي الله يرحمهم جميع ويرحم اموات المسلمين

[SHEDET36.GM]

السلام عليكم ورحمة الله وبركاته
ماشاء الله تبارك الله على التحفه اللي عندك بس وراك تبي تبيعها هذي الله يسلمك ما يفرط فيها شوري عليك اذا ودك تاخذ الشور هالنوع من السلاح يصك عليه في البيت ولا ينباع يكفي انها ورث من جدك الله يغفر له واموات المسلمين .
اما نوع البندق ماوزر صناعة تركيه وانا فريت اليوتيوب ولا حصلتها بس حصلت وحده نفسها ام اصبع واقف مو معكوف والظاهر انها مصنوعه عقب اللي عندك ولو تسمع الرجال اللي يشرح راح يتكلم عن مكان الصناعه وراح يوضح لك شعار تركيا وهو الهلال محفور على بيت النار
http://www.youtube.com/watch?v=7EM3QtKf_Ec&feature=related
اسف على الاطاله

[الجدي2010]

بيض الله وجه الجميع وماقصررتم

[ابو عبدالله05]

شريت ب1000ريال

[الجدي2010]

شريت ب1000ريال
كل عام وأنتم بخير وصحه وسلامة
وأعاده الله علينا وعليكم والمسلمين أجمعين باليمني والبركات
بيض الله وجهك أخوي وماقصرت سومه طيبه من وجهٍ طيب
ب1000 لا يمكن أبيع ولا 15000 هذي بندق قديمه تراث
تقبل تحياتي وإحترامي

[ارحبو2012]

ماشاء الله كم هي تراثيه وجميله لكن اخوي خشبتها معيوبه ولا احد يقدر يستخدمها بالرمي لأنها هي كذا شبه منتهيه وصدقني اللي سامها منك ب1000عطاك القيمه والله يربحك يرزقك تقبل مروري.

[ابو عبدالله05]

الله يرزقك من فضله وكل عام وانت بخير
اشكرك علي حسن اخلاقك الله يبارك لك

[alswaah]

السلام عليكم ورحمة الله وبركاااته

يالغالي هالبنادق معروفه ام خمس وفعايلها تدل عليها

بس لاتاخذ مقلب انها راح تجيب لك سعر يالغالي ولد عمي اشترى وحده نظيفه ب 4500 ريال

ترى اسعارها طااااااااااااايحه وماعمري شفت ام خمس اكثر من 5000 ريال

هاذا الي اعرفه عنها

ولايغرك توراث ولا موب توراث اصلن ام خمس كلها قديمه وماراح تلقاها اكثر من 5000 النظيفه بشحمها

[رعد سدير]

حلوه والغريب انها صناعه تركيه ..

[برق البشاير]

اصح تفرط فيها :no2:تراث لا يقدر بثمن ومما يزيد في قيمتها أنها بندق الجد !! وبعض محبي الثراث للأسف يبخسون السلع أثمانها الحقيقية . يستغلون حاجة الناس وجهلهم بقيمة التراث .
وإن كنت ملزم على البيع اعرضها على أحد أبناء الجد أو أحفاده ربما يعطيها قيمة وفي نفس الوقت لم تذهب بعيدا .:no2:

[الجدي2010]

أشكر الجميع على التفاعل وبيض الله وجيهكم علمكم غانم
والبيع ماعدلي لي شف البيع راح أخليها بمكانها عندي مدامها ما تجيب قيمة مستحيل أفرط فيها بسهوله والبيع. ياأخوان هونت عنه بس يبقاء الموضوع للإطلاع وإذا رأيتم ليسى لديه فائدة أرجو من الأخوان حذفه أفضل من بقائه وأعتذر من عدم التنسيق لأن لرسال حررت من الجوال

[االصياد1404]

انا عندب لجدي قريب منها


الله يوفقك اخوي لصالح

[R3d1]

الله الله هذي ماوزر الشهيره بس اصدار تركي وهي بالاصل المانييه الصنع ومن اشهر قناصات العالم ولها اصدارات كثيره
والي معك قطعه اثريه ثمينه اتمنى منك الحفاظ عليها واعاده تجديدها بالكامل وراح تحصل مليان مقاطع باليوتيوب تبين لك كيفيه اعاده تجديد اخشاب البنادق وغيره

[ابوفهيدان]

بعت ب 3000 ريال
واعذرنا علي السومة ان ماجازت لك

[أبو معاذ 2006]

هذا رد على الناس اللي تحقر الصناعه التركيه ....يمكن يقتنعون ؟؟ بعض العرب .... الله يعطيك العافيه



:good2::good2::good2::good2:

[الجدي2010]

أشكر الجميع وبيض الله وجيهكم كلن بأسم


وأخوي أبو فهيدان بيض الله وجهك ولا تعتذر وأنت ما أخطيت وهذا يدل على حسن خلقك
والبيعه وأنا أخوك مالي نظر فيها مدامها ما تجيت لي قيمة والكلام للجميع لا أحد يسوم هونت عن البيع كنت مأمل على قيمه بحكم أنها تراثية
تقبلوا تحياتي وإحترامي