السلام عليكم ورحمة الله وبركاته.................لم يحل

[الخامسي1]

بسم الله الرحمن الرحيم

السلام عليكم ورحمة الله وبركاته

كم انا مشتاق لكم والتمس العذر منكم

ومن الجوال ارسل هذه البيوتات رمز محبه وشكر

والقادم افضل بإذن الله


سلام يا اهل الوفاء والوفاء كار
...... لأهل القلوب الطاهرات النقية
انتم لكم عندي معزه ومقدار
...... وأبعدت عنكم والدواعي خفية
خير×ً على ماقيل يا أطوال الأعمار×
........ والحمد لله يا الرجال الوفيه
عدنا وشاركنا لوافين الاشبار
...... في خيمة الالغاز ×بأجمل هديه
التهنيه بالعيد وترحيبنا الحار
........ بالكل ترسل ×من خوي الخويه
مضمونها سلام يانسل الاحرار
......... يالمبدعين الصادقين الوفيه
غبنا ووفيتو ومشهود ما صار
......... وقفة وفاء جتني سوات العطيه
مشكور يالرايق ابن عم مع جار
........ كفؤ لك البيضاء هناك وهنيه
بادرة ثم بعدك غدا الجو مدرار
........ والكل شارك قدر ماهي حميه
وافين ثم وافين اعضاء وزوار
....،. وصلت مشاعركم كما المزهريه
والكل عندي إكبار او كانو اصغار
......... دعواتهم والشكر جتكم هدية
دله حوة بنن وهيلاً ومسمار
......... ودله لسواقن خذا الاولويه
و دله لمن ضيع دليله ومحتار
........ ودله غلامك وأحتسب له مطيه
تجمعت في قلب ماهاب الإخطار
....... صاحت وناحة واشتكت من آذيه
تجتازه يا شيخ لا درت الأفكار
.......... لاهيب لارسلان ولا شاذليه
بالمختصر أنشدك عنها بالامصار
.......... خويها بالفظ يصبح سميه
اربع حروف أطوال لوكانت اقصار
........ سلطانها يمسك حبالن قويه
نسمة هواء من دونها يصبح إعصار×
........ ومن دونها تضرب خلا المهميه
لاشلت راسه عن معزبه ستار
....... والا نباتن وسط ارضن خليه
وان راح ذيله واضحن مابه أسرار×
....... نعمه من الله ما خذاها وصيه
درسن درسته بين نارن مع غار
......... في موقفن معدومه الجاذبيه
مضرب مثل في ماذكر ماله أسوار×
........... رمعه تجيبه في شراك المنيه


أخوكم ابونايف الخامسي
من الجوال يهديكم السلام والحمد لله عدنا
وبالمشاركة سعدنا،،،

واعذروني لو تأخرت عن الرد لانشغالي ومحاولات لتفريغ نفسي قدر المستطاع للرجوع لاخوان احبهم في الله ويستاهلون ان اكون معهم قلباً وقالبً
دمتم بخير وإلقاء قريب ان شاء الله

[torrjom]

اخوي ابو نايف


الحمد لله على السلامه


يشهد الله اني توي خالص من كم بيت


وكنت راح انزلها مع لغز اخونا ابومهند


لكن يوم جيت اذا حضر الماء بطل التيمم


والله مابعد قريت ولا حرف قصيدتك


استلم




راح الشهر وانا انتظر رفيق غايب ومعذور
راح الشهر وانا انتظر يرجع وباله مستريح
راح الشهر وانا انتظر منه البشاره في سطور
راح الشهر وانا انتظر يالله للكربه تزيح
راح الشهر وانا انتظر فرحه يخالطها سرور
راح الشهر وانا انتظر الشر ينزاح مايزيح
راح الشهر وانا انتظر كلمته راجع لي حضور
راح الشهر وانا انتظر بالعامي اوبالفصيح
ماغير اسلي خاطري ياكوده ايسجل مرور
والصبر قدم لي عذر يقوال انا منك استميح
ياابومهند طالبك والعلم عندك ومخبور
الخامسي ويش أخره بشر عسى وضعه مريح







راجع اقرا البيوت

[ناصر العلي]

وعليكم السلام ورحمة الله وبركاته
حياك ربي يالغالي
والحمدلله على السلامة
بشرنا عنك ياأبونايف وعن الوالد
عسى كلشن تمام
دمت بألف خير

[ابوالفهد33]

وعليكم السلام ورحمة الله وبركاته

صح لسانك وعلا شانك وبيض الله وجهك على البيوت الجزله

وتقبل الله من الجميع الصيام والقيام وصالح الاعمال

[ا لجوا ل]

وعليكم السلام ورحمة الله وبركاته
وحياك الله وسلامات الاسفار
غانم وسالم انت واللي معك ان شاء الله

حللت اهلا ونزلت سهلا

[فهد الهلالي]

صح اسانك يابو نايف والحمدلله على السلامه
عوداً حميد
بشر عنك وعن الوالد ان شالله بخير
ماتغيب من شر يابونايف
ارجوا ان تكون انت وافراد اسرتك بخير
دمت بخير

[تميمي.1]

هلا ثم هلا ثم هلا وسهلا
الحمدلله على السلامه يابو نايف
بشرنا عن الوالد عساه بخير ان شاء الله
اسفرت وانورت من غير قصور بالربع كلهم
يشهد الله اني فرحت يوم شفت معرفك
ياهلا وياغلا مرة ثانيه
تحياتي

[ابو ماجد 2]

هلا . هلا . هلا
هلا ومليووووون هلا ومايكفون
اسفرت وانورت
افرحنا وجودك يابو نايف
وبشرنا عن صحة الوالد
وحنا مقصرين معك والبركة بابو مهند هو من يطمنا عنك الله يجزاه خير
لم اتمعن اللغز ولكن وجودك دفعني لارحب فيك اولاَ
ولي عوده بمشيئة الله

[صقر السديرات]

ياهلا ويا مرحبا
حيا الله ابو نايف
الحمد لله على سلامتك
ارجو من الله في هذا اليوم الشريف المبارك ان تكون انت ووالدك ومن تحب في تمام الصحة والعافية
واعذرنا على القصور يا الغالي
الخامسي في قلوبنا
دمت بصحة وعافية

[torrjom]

ابونايف صباح الخير


وصح السانك مليون


وبشرنا عن الوالد بعد مابشرتنا عن نفسك


ونرمع على هالمزيون


اخوه


والـ خوه<< ستر وستيره بن الخويا


والـ خوه <<نبات


اخو<< بمعنى اخوك وهو نعمه من المولى


كل الوووووووووووووود

[ابو الشبرميات]

وعليكم السلام ورحمة الله وبركاته
اسفرت وانورت واستهلت وامطرت
حيّا الله الخامسي
هذي الساعة المباركز اللي نتطمن فيها عليك
والله ان لك فقده
جعلك ما تفقد غالي
وبشرنا عنك وعن الوالد والاهل كلهم
...

[ابوماريا]

وعليكم السلام ورحمة الله وبركاته
حياك ربي يالغالي
والحمدلله على السلامة
أنا مثلك منقطع منذ مبطي والحمد الله اللي جمعنا على خير
وكل عام والجميع بصحة وعافية
تقبل فائق تقديري واحترامي

[المزيدي4]

أهلا وسهلا عد همال الامطار
لا صب ودانه وهل ابرديّه
يا الشيخ أبو نايف ذرى الضيف والجار
سعد الرفيق اللي عزومه قوية
لك عندنا حب ومعزّه ومقدار
تستاهل التقدير من طيب نيّه
شاعر فحل لا جت مجالات الاشعار
أبيات شعره تزدهز لؤلوية
وأنا فرحت بحاجتينٍ بهن صار
العيد عيدينٍ ونفسي رضيه
الأوله سلامة الوالد البار
أبو حمود اللي علومه عذيه
والثانية عودتك من عقب مشوار
الله عساها عودةٍ سرمدية
هذي مشاعر بو سعد واقبل أعذار
لعل تلقى عندكم قابليه
واختامها صلوا على سيد الاطهار
نبينا المختار خير البرية

[ا لجوا ل]

اهلا وسهلا ومرحبا بالخامسي

واللغز نرمع له بالرحمه

[النبهاني]

وعليكم السلام ورحمة الله وبركاته
حياك الله يابو نايف
والحمد لله على السلامه
وعساك انت والوالد بخير وعافيه

[ال-رايق]

وعليكم السلام ورحمة الله وبركاته
الله حي اخونا/ابو نايف
وارحب تراحيب السيل والبدو والحضر للوسم بعد طلعة سهيل
ويالله عسى علومك خير ..عن نفسك ومن يعز عليك ووالدنا /بشرنا عنه
والاعذار مسموح ,,لكن حنا اللي واطين المحضور ومقصرين يابو نايف.
على العموم اسمح لي في اللي ماهو حقك والله ما اقدر مثل مايقولون احك راسي..ورمضان الله يشرفه الفرغه فيه بالمنقاش.

يامرحبا والخيمة ازدادت انوار=وازدانت في حله وطلعه بهيه
يامرحبا والأنجم الليله أزهار=زحل عطارد من شعاعه لضيه
يامرحبا نور مثل نور الاقمار=ياحي شوف البدر ياحي حيّه
يامرحبا بالصوت فرحه وتبشار=يامرحبا عيد تقدم سميّه
ترحيبة تسوى ثلاثين مليار=بالخامسي يوم انه اعلن مجيّه
ومن مربط الخاطر عسفنا له مهار=هدو(ن)قلايدها سلام وتحيه
هذا وترخص له جزيلات الاشعار=والقاف له كنه موصى وصية

[الخامسي1]

اخوي ابو نايف


الحمد لله على السلامه


يشهد الله اني توي خالص من كم بيت


وكنت راح انزلها مع لغز اخونا ابومهند


لكن يوم جيت اذا حضر الماء بطل التيمم


والله مابعد قريت ولا حرف قصيدتك


استلم




راح الشهر وانا انتظر رفيق غايب ومعذور
راح الشهر وانا انتظر يرجع وباله مستريح
راح الشهر وانا انتظر منه البشاره في سطور
راح الشهر وانا انتظر يالله للكربه تزيح
راح الشهر وانا انتظر فرحه يخالطها سرور
راح الشهر وانا انتظر الشر ينزاح مايزيح
راح الشهر وانا انتظر كلمته راجع لي حضور
راح الشهر وانا انتظر بالعامي اوبالفصيح
ماغير اسلي خاطري ياكوده ايسجل مرور
والصبر قدم لي عذر يقوال انا منك استميح
ياابومهند طالبك والعلم عندك ومخبور
الخامسي ويش أخره بشر عسى وضعه مريح







راجع اقرا البيوت





ارحب ياابوعبدلعزيز


راح الشهر والحمدلله بيننا مابه سحور
........... اليوم عيد وفرحته ردي على شيخ مديح
طرجم ابو عبدلعزيز تاج ً على مر الدهور
........ معرفته هي راس مالي والعذر منه استبيح
وأبشرك مرت عوافي والزمن غصبن يدور
........ ساعات تصفي وساعة الشده رفيقك ما يطيح
متحزمن بأهل العقيدة والتقاء والعلم نور
........... ومتؤكلن على الولي وما يصح الا الصحيح
ياسيدي مازال بي هاجس مقيدني شهور
............ خير عسى خيرك كثير والمجتمع اصبح شحيح
نزرع بأرض العارفه سلعه ولاضني تبور
.......... لعلها تنبت خزامى مع نفل مع ريح شيح
هذي هي إخباري كذا بالمختصر بين السطور
.......... شهرن كبس كل المعادن الثمينة والقبيح

[الخامسي1]

وعليكم السلام ورحمة الله وبركاته
حياك ربي يالغالي
والحمدلله على السلامة
بشرنا عنك ياأبونايف وعن الوالد
عسى كلشن تمام
دمت بألف خير


ارحب يا اخوي ناصر وعميد الطيب وعميدنا الفاضل
الله يسلمك وكل عام وانتم بخير
أنا بخير والوالد اطلع على دعواتكم وزاده سرور وفرح بصحبتي لكم وذكركم الطيب
وصحته طيبه وعنده في بيته في الرياض ومبسوط ومرتاح وصحته الحمد لله تمام
دمتم غالين وفي القلب موجودين

[الخامسي1]

وعليكم السلام ورحمة الله وبركاته

صح لسانك وعلا شانك وبيض الله وجهك على البيوت الجزله

وتقبل الله من الجميع الصيام والقيام وصالح الاعمال


ارحب اخوي ابوفهد
صح بدنك ومشكور على كلامك الطيب
وكل عام وانتم بخير

[الخامسي1]

وعليكم السلام ورحمة الله وبركاته
وحياك الله وسلامات الاسفار
غانم وسالم انت واللي معك ان شاء الله

حللت اهلا ونزلت سهلا


ارحب اخوي الجوال
الله يحيك ويبقيك ويسلمك
اشكرك من كل قلبي
كل عام وانتم بخير

[الخامسي1]

صح اسانك يابو نايف والحمدلله على السلامه
عوداً حميد
بشر عنك وعن الوالد ان شالله بخير
ماتغيب من شر يابونايف
ارجوا ان تكون انت وافراد اسرتك بخير


دمت بخير



ارحب اخوي فهد
الحمد لله في خير ونعمه والوالد بخير وطيب والامور تمام والاسره والجميع بخير ابشرك
كل الامور على ماتحب والحمدلله
لكم مني جزيل الشكر والتقدير والاحترام
ولا يستغرب منكم جميعاً الطيب وانتم اهل الطيب
وانا سعيد بالعوده لكم وان شاء الله نكون عند حسن الضن
دمتم بخير وكل عام وانتم بخير

[الخامسي1]

هلا ثم هلا ثم هلا وسهلا
الحمدلله على السلامه يابو نايف
بشرنا عن الوالد عساه بخير ان شاء الله
اسفرت وانورت من غير قصور بالربع كلهم
يشهد الله اني فرحت يوم شفت معرفك
ياهلا وياغلا مرة ثانيه
تحياتي


ارحب يا اخوي التميمي
وابك البقاء والغلا وافي
الله يسلمك والحاضرون من كل شر
وفرحتي اكثر بالرجوع ومشاركتكم هنا
وكل عام وانتم بخير

[الخامسي1]

هلا . هلا . هلا
هلا ومليووووون هلا ومايكفون
اسفرت وانورت
افرحنا وجودك يابو نايف
وبشرنا عن صحة الوالد
وحنا مقصرين معك والبركة بابو مهند هو من يطمنا عنك الله يجزاه خير
لم اتمعن اللغز ولكن وجودك دفعني لارحب فيك اولاَ
ولي عوده بمشيئة الله



ارحب يا اخوي ابوماجد
الله يسلمك ومرحبً باقي
والنور والله وجودك ووجود شرؤاك هنا
مثلكم مهما أبعدنا تبقون في القلب قبل الذاكرة
ولن اقبل اي اعتذار لأنكم وفيتو وكفيتو سؤالكم ودعواتكم دين
لن أنساها طول العمر وانتم معي ومع غيري اهل طيب ووفاء
وإخوان وما جاء منكم الا كل علمً طيب يعتذر غيركم والا خيمة
الألغاز ومن فيها كانت معي خير رفيق طيلة الفتره اقرب من بعض
المقربين
لكم مني جزيل الشكر
وابومهند أنا ما استغرب منه المبادره دون قصور في الباقين لحكم
العلاقة والقرب بيننا وهو اخو وابن عم ورفيق في المنتدى وخارج المنتدى
مشهود له بذلك وبستاهل وكفووو ولا عليكم زود
دمت غالين وإخوان لابونايف يحتفظ بمعرفتكم وعلاقته معك واكرر
شكري وشكر الوالد والإخوان على مواقفكم ودعواتكم التي كانت
بلسم لي في غيابي أتصفحها يومياً واتذكركم بها وتسلي خاطري
في غيابي عنكم ولو كان الوقت والحال يسمح لتواصلت معكم ولاكن
مثلكم يعذرني ويقدر غيابي والحمدلله مرت بسلام والامور تمام التمام
لكم مني جزيل الشكر والاحترام والعرفان وكل عام وانتم بخير

[الخامسي1]

ياهلا ويا مرحبا
حيا الله ابو نايف
الحمد لله على سلامتك
ارجو من الله في هذا اليوم الشريف المبارك ان تكون انت ووالدك ومن تحب في تمام الصحة والعافية
واعذرنا على القصور يا الغالي
الخامسي في قلوبنا
دمت بصحة وعافية


ارحب اخوي صقر
وابك البقاء وافي وما جرا قصور
والحمدلله أنا والوالد والجميع بخير وكل الامور على ماتحب
وانت تقول الخامسي في قلوبنا وانا اقول الله يجزاء مكشات ومن فيه
بالخير اللي عرفونا عليك وعلى الاخوان نخبة رجال أتشرف بتواجدي معهم
دمت بخير وكل عام وانتم بخير

[الخامسي1]

ابونايف صباح الخير


وصح السانك مليون


وبشرنا عن الوالد بعد مابشرتنا عن نفسك


ونرمع على هالمزيون

اخوه


والـ خوه<< ستر وستيره بن الخويا


والـ خوه <<نبات


اخو<< بمعنى اخوك وهو نعمه من المولى


كل الوووووووووووووود



اكرر الترحيب بك ياابوعبدلعزيز
ابشرك بخير وصحه وعافيه وحنا في بيته ومعه ويسلم عليكم ويشكركم جزيل الشكر
والامور تمام

والرمعه مالك لوااا
دمت بخير وكل عام وانتم بخير

[الخامسي1]

وعليكم السلام ورحمة الله وبركاته
اسفرت وانورت واستهلت وامطرت
حيّا الله الخامسي
هذي الساعة المباركز اللي نتطمن فيها عليك
والله ان لك فقده
جعلك ما تفقد غالي
وبشرنا عنك وعن الوالد والاهل كلهم
...







ارحب اخوي ابو الشبرميات
حياك الله ومشكور
وأبشرك بخير وصحه وعافيه
ويشكركم ويسلم عليكم
وجعلك ماتفقد غالي أنا موجود معكم وانتم في القلب قبل المنتدى
وكل عام وانتم بخير

اكرر شكري وتقديري لشخصك الكريم وباقي الاخوان

[الخامسي1]

استاذنكم ولي عودة ان شاء الله لاحقاً
لاستكمل الردود
والمشاركة في رمع الألغاز كم أنا مشتاق لكم ولمشاركتم هنا

[الخامسي1]

أهلا وسهلا عد همال الامطار
لا صب ودانه وهل ابرديّه
يا الشيخ أبو نايف ذرى الضيف والجار
سعد الرفيق اللي عزومه قوية
لك عندنا حب ومعزّه ومقدار
تستاهل التقدير من طيب نيّه
شاعر فحل لا جت مجالات الاشعار
أبيات شعره تزدهز لؤلوية
وأنا فرحت بحاجتينٍ بهن صار
العيد عيدينٍ ونفسي رضيه
الأوله سلامة الوالد البار
أبو حمود اللي علومه عذيه
والثانية عودتك من عقب مشوار
الله عساها عودةٍ سرمدية
هذي مشاعر بو سعد واقبل أعذار
لعل تلقى عندكم قابليه
واختامها صلوا على سيد الاطهار
نبينا المختار خير البرية





صح السانك وبيض الله وجهك
ابوسعد ماقصرت وصلت اتصالاتك ورسايلك
وافي

ولا قصرت واعذرني لعدم المجارات والرد لضيق الوقت

اكرر شكري وتقديري لشخصك الكريم

[الخامسي1]

اهلا وسهلا ومرحبا بالخامسي

واللغز نرمع له بالرحمه


اكرر ترحيبي اخوي الجوال
والرمعه
مالك لواااا

[الخامسي1]

وعليكم السلام ورحمة الله وبركاته
حياك الله يابو نايف
والحمد لله على السلامه
وعساك انت والوالد بخير وعافيه



ارحب اخوي النبهاني
الله يحييك ويسلمك من كل شر
ونحن بخير جعلك بخير وعلى ماتحبه
اشكرك جزيل الشكر والتقدير

[الخامسي1]

وعليكم السلام ورحمة الله وبركاته
الله حي اخونا/ابو نايف
وارحب تراحيب السيل والبدو والحضر للوسم بعد طلعة سهيل
ويالله عسى علومك خير ..عن نفسك ومن يعز عليك ووالدنا /بشرنا عنه
والاعذار مسموح ,,لكن حنا اللي واطين المحضور ومقصرين يابو نايف.
على العموم اسمح لي في اللي ماهو حقك والله ما اقدر مثل مايقولون احك راسي..ورمضان الله يشرفه الفرغه فيه بالمنقاش.

يامرحبا والخيمة ازدادت انوار=وازدانت في حله وطلعه بهيه
يامرحبا والأنجم الليله أزهار=زحل عطارد من شعاعه لضيه
يامرحبا نور مثل نور الاقمار=ياحي شوف البدر ياحي حيّه
يامرحبا بالصوت فرحه وتبشار=يامرحبا عيد تقدم سميّه
ترحيبة تسوى ثلاثين مليار=بالخامسي يوم انه اعلن مجيّه
ومن مربط الخاطر عسفنا له مهار=هدو(ن)قلايدها سلام وتحيه
هذا وترخص له جزيلات الاشعار=والقاف له كنه موصى وصية







ارحبوووووووووووو
هلا وغلاء انت بالذات دون قصورً بالإخوان ماقصرت وعلمك غانم ووافي
ولا استغربه منك وانت ياابومهند اخو ومن الروح وغالي وطيبك معي ومع
غيري مايستغرب انت نعم الصديق والأخ للجميع لك مني ومن والدي والإخوان
جزيل الشكر والعرفان يشهد الله ان ماكتبت وكتبه الاخوان كان محل اعتزاز وفخر
لنا ومعروف وطيب منكم جميعاً تقبل الله دعوتكم وعاد الا صحته وافضل بفضل الله
ثم صادق دعائكم له الحمد والثناء والشكر على نعمه ومن هذه النعم ان عرفنا عليكم
في هذا المنتدى المبارك الذي اجتمعنا فيه من جميع المناطق والأقطار وكأننا نعرف بعض
من سنين دمت بخير واكرر شكري وعرفاني لك خاصه ولجميع الاخوان على جميع ما قمتم
به من سؤال ودعوات وهذا لايستغرب منكم واعذرني عن مجارات الأبيات لضيق الوقت
صح السانك وبيض الله وجهك ووجيه الحاضرين جميعاً وشكرً

[ال-رايق]

ارحبوووووووووووو
هلا وغلاء انت بالذات دون قصورً بالإخوان ماقصرت وعلمك غانم ووافي
ولا استغربه منك وانت ياابومهند اخو ومن الروح وغالي وطيبك معي ومع
غيري مايستغرب انت نعم الصديق والأخ للجميع لك مني ومن والدي والإخوان
جزيل الشكر والعرفان يشهد الله ان ماكتبت وكتبه الاخوان كان محل اعتزاز وفخر
لنا ومعروف وطيب منكم جميعاً تقبل الله دعوتكم وعاد الا صحته وافضل بفضل الله
ثم صادق دعائكم له الحمد والثناء والشكر على نعمه ومن هذه النعم ان عرفنا عليكم
في هذا المنتدى المبارك الذي اجتمعنا فيه من جميع المناطق والأقطار وكأننا نعرف بعض
من سنين دمت بخير واكرر شكري وعرفاني لك خاصه ولجميع الاخوان على جميع ما قمتم
به من سؤال ودعوات وهذا لايستغرب منكم واعذرني عن مجارات الأبيات لضيق الوقت
صح السانك وبيض الله وجهك ووجيه الحاضرين جميعاً وشكرً


الله عليك يابو نايف,,,,,,,,,,نسيت انك راع الأوله ..ومن قدمت السبت لقى الأحد.
---------------------
على العموم انت اللي ارحب ..ويعلم الله مانرضى عليك ولا من يعز عليك مثل غزة الشوكة .
ولا من يقرأأأأأأأأأأأأأأأأأأأأأأأأ
والحمدلله على السلامه للجميع واعياد مباركة .

[الخامسي1]

الله عليك يابو نايف,,,,,,,,,,نسيت انك راع الأوله ..ومن قدمت السبت لقى الأحد.
---------------------
على العموم انت اللي ارحب ..ويعلم الله مانرضى عليك ولا من يعز عليك مثل غزة الشوكة .
ولا من يقرأأأأأأأأأأأأأأأأأأأأأأأأ
والحمدلله على السلامه للجميع واعياد مباركة .


وافي
والله ياابومهند
ومشكور جزيل الشكر

[ابوماريا]

وعليكم السلام ورحمة الله وبركاته
حياك ربي يالغالي
والحمدلله على السلامة
أنا مثلك منقطع منذ مبطي والحمد الله اللي جمعنا على خير
وكل عام والجميع بصحة وعافية
تقبل فائق تقديري واحترامي

اعرف انك ما شفت ها لمشاركة
واعرف انك وافي وما يجي منك الا ألوفا

كل عام وانت بخير يا وجه الخير

[ابو اسامه 2]

الله الله
ما شاء الله تبارك الرحمن

ابداع من شاعر متألق

كتبت فابدعت يا شاعرنا

وكما عهدناك مبدع مبدع

لله درك وصح لسانك وبنانك وما خطته يدك وما فاض به فكرك

اسجل اعجابي بهذه المعلقه

وانا مثلك مشاركاتي الاخيره بالجوال

ماعندي رمعه حالياً

وجاري التفكير يا الغالي

تحياتي وتقديري لك

[الخامسي1]

اعرف انك ما شفت ها لمشاركة
واعرف انك وافي وما يجي منك الا ألوفا

كل عام وانت بخير يا وجه الخير


اقسم بربي غير ذا اليوم ماشفت
....... مشاركتك والسبب من نعاسي
وافي وانا مقصر وشرؤاك ماعفت
...... رده علي واجب وهو تاج راسي
وابشر بحق واطلع الضلع كالفت
....... وارفع لك الأعذار ما اقول ناسي
هذا ابو فائز ولو رحت ثم طفت
........ شيخ ً مثالي وسط قلبي اساسي
واعرف بانك واثق ً جيت ثم ضفت
......... لفت النظر والشك وإبليس خاسي
ارحب تراحيب المطر ما تخلفت
......... ذكرتني والعذر طير عماسي
مثلك لعذري يقبله او توقفت
...... حتى أجي راس ً رزينن وراسي
واقبله واطلبه يسمح ولو شفت
....... منه القبول ارتاح ويزول باسي
مثله كفو التقدير واجب وانا خفت
....... ان العذر يقصر يترجم احساسي



يشهدالله أني مستعجل على الردود والحمدلله انها جت معك لأني واثق انك تتفهم
الوضع وأنها جات صدفه بين الردود ولم انتبه الأبعد تذكيرك لي الله يذكرك الشهاده
اكرر عذري ياابو فائز وانت بالوفاء والطيب فايز

[الخامسي1]

الله الله
ما شاء الله تبارك الرحمن

ابداع من شاعر متألق

كتبت فابدعت يا شاعرنا

وكما عهدناك مبدع مبدع

لله درك وصح لسانك وبنانك وما خطته يدك وما فاض به فكرك

اسجل اعجابي بهذه المعلقه


وانا مثلك مشاركاتي الاخيره بالجوال

ماعندي رمعه حالياً

وجاري التفكير يا الغالي

تحياتي وتقديري لك






ارحب ياابواسامه
اشكرك جزيل الشكر على مرورك وكلامك الطيب واعجابك وسام افتخر به
وانتظر رمعتك بكل الشوق
اكرر ترحيبي وشكري لشخصك الكريم

[ابوماريا]

اقسم بربي غير ذا اليوم ماشفت
....... مشاركتك والسبب من نعاسي
وافي وانا مقصر وشرؤاك ماعفت
...... رده علي واجب وهو تاج راسي
وابشر بحق واطلع الضلع كالفت
....... وارفع لك الأعذار ما اقول ناسي
هذا ابو فائز ولو رحت ثم طفت
........ شيخ ً مثالي وسط قلبي اساسي
واعرف بانك واثق ً جيت ثم ضفت
......... لفت النظر والشك وإبليس خاسي
ارحب تراحيب المطر ما تخلفت
......... ذكرتني والعذر طير عماسي
مثلك لعذري يقبله او توقفت
...... حتى أجي راس ً رزينن وراسي
واقبله واطلبه يسمح ولو شفت
....... منه القبول ارتاح ويزول باسي
مثله كفو التقدير واجب وانا خفت
....... ان العذر يقصر يترجم احساسي



يشهدالله أني مستعجل على الردود والحمدلله انها جت معك لأني واثق انك تتفهم
الوضع وأنها جات صدفه بين الردود ولم انتبه الأبعد تذكيرك لي الله يذكرك الشهاده
اكرر عذري ياابو فائز وانت بالوفاء والطيب فايز

ضنك في جاء بمحلة يابونايف
نعم والله ما لحقني فيك شك ويغيب الشيطان
وصح لسانك مليون على الأبيات الرائعة
اللي أثلجت صدري وجعلتني افرح انك نعست وما انتبهت لمشاركتي
لجل أفوز بأبيات رائعة من شاعر رائع ومميز

لك كل ودي واحترامي

[حايلي 999]

صح لسانك يابونايف
اسأل الله ان تكون ومن تحب بصحه وعافيه
الحمدلله على السلامه
والحمدلله على سلامة الوالد الله يطول بعمره على الطاعه
وكل عام وانتم بخير

[الخامسي1]

صح لسانك يابونايف
اسأل الله ان تكون ومن تحب بصحه وعافيه
الحمدلله على السلامه
والحمدلله على سلامة الوالد الله يطول بعمره على الطاعه
وكل عام وانتم بخير


ارحب يا بعد حئي
ارحب اخوي الحايلي
الحمدلله الامور تمام وخير وعافيه
اشكرك على مرورك وكلامك الطيب
وكل عام وانتم بخير