قصيدة رثاء

[عابر الموج]

سبحان من بيديه حسن التدابير
كل الملا في رحمته مستكنه
اللي خلق خلقه وقنن لها سير
ومن كمل المشوار لله خذنه
من انتهى يومه غزته المقادير
مثل الوحش من السما حولنه
مافيه تقديما ولافيه تاخير
تشخص عيونه والمنايا ازرقنه
حكم القدر لاصار مافيه تحذير
امر الولي ونفوسنا مرجهنه
والعبد ماصابه من الله تطهير
تطهير والله يمسح الذنب عنه
في شاية الله كل ماجاه تكفير
مؤمن صبر يوم البلاوي بلنه
يالله عسى قبره رياض ونواوير
منزل نعيم ويقطف اثمار جنه
ياعل روحه ماتجيها حواشير
ملايكه عن العذاب ارفعنه
ابو رجاء ريف الرجال المسايير
تشهد دلاله كل ماحاف بنه
الياجوله زحول الرجال الخطاطير
رجل الكرم والطيب طبعه و فنه
يلقون عنده للوناسه تعابير
في مجلسا تلقى الشكاله مغنه
فيه السوالف لنشاما تسامير
تعللتا والهرج مافيه لنه
امدله الجيران والضيف والغير
ولد رجاء كل الفعول اهلنه
له عادتا يوم القسى يفعل الخير
كم واحدا لاجاه ماخاب ضنه
والياعطى عطاه ماهو امثيبير
يعطي بليا حساب من دون منه
نعما ببن حشحوش مافيه تقصير
كان الركايب بيت راجي نصنه
عند القبايل له مقامن وتقدير
جمايله وقتن مضى شرفنه
وعند القرايب له معزه وتوقير
يضرب حسابه والعلوم اقبلنه
طرق المراجل حاشها والمعابير
فعايله يوم اللقا جملنه
جده جنب للبل يفك المصاغير
اباعره عشب الخلا يرتعنه
الياهد مع ربعه براسه زعاطير
يوم المواقف والنخاوي دعنه
يوم السلاح إيعوز بعض المناعير بالكون سلح ناس والفعل شنه
فقيد ربعه من كبار المخاسير
مواقفه وقت اللزوم اثبتنه
البل عليه امن الحزن حنت اعصير لجا عليه وبالحنين افقدنه
والطير ضاق وخاطره فيه تكسير عاف الوكر مار السبوق اقضبنه
يذكر مهداته بذيك الدعاثير
على الحباري والعدن يشعفنه
من عند قمرا وعنز وسهال اباامغير
ياما ارجوله في زمانه مشنه
وناستا ماجربوها المثابير
اللي عن ادروب المراجل امكنه
ريف الخوي لاطولو بالمشاوير
مهما يطول الوقت ماضاق منه
تاريخ اخو رجوى عنه قلت تقرير
ببيات طرق القافيه حكمنه
عليه دمعي من عيوني محادير
عيون تبكي شايبا فارقنه
اقفى وخلابي امن الحزن تأثير
حزنا ضلوعي بالصدر يكتمنه
اقفى بطريق اهل الفعول المشاهير
دربا مشوبه حق والموت سنه
وحنا وراهم سايقين المظاهير
كل(ن) حصانه للمسابق يعنه
سبحان من يبقى وغيره مداوير
يسمع اصواتا بالدجى سبحنه
وصلاة ربي لنبي خير تذكير
اعداد حرفا باليدين اكتبنه
الشاعر عيد بن راجي الغضوري العنزي
هذا صديقي توفى والدة الله يرحمة قبل عشرة ايام وكتب قصيدة رثاء بوالدة الله يغفر له ولجميع المسلمين

[قوافي ( أم نهار )]

حياك الله اخوي
قصيده تتناثر حروف الحزن على اسطرها
رحمه الله وغفر له وادخله فسيح جناته
وعظم الله اجرهم وجبر مصيبتهم وإنا لله وإنا إليه راجعون
صح لسان الشاعر ومشكور اخوي عابر الموج على طرحها
تحياتي وتقديري واحترامي
اختك
..قوافي..

[ذراع الذيب]

السلام عليكم ورحمة الله وبركاته..
مسيت بالخير يابونبيل..

هلا بصقارنا الكبير والخبير والله يعطيك العافيه ويبارك فيك
وانشهد ان هالقصيده ظاهره من قلب ورحم الله الميت واسكنه فسيح وجناته والله يعوض على اهله..
وهالقصيده زادت اوجاعي لاهنت وتحياتي لك..

[ال-رايق]

صح لسان صديقك ياخونا/عابر
ورحم الله والده..وأموات المسلمين..والله يعظم اجره..والبقاء في راسه وباقي اخوانه.
شاعر كبير ..وايمانه قوي ..عرف يبتدي بالواجب وهو ذكر رب العالمين.
والله يلوم اللي يلومه..اذا كان والده ...فكيف به اذا سمعته طيبه بين ربعه.
-----------------------------------
وانت الله يجزاك خير...صديق ووفي ....ووفاءك شملنا بنقل هذه القصيدة الطيبة بالحيل.
تحياتي وتقديري لشخصك الكريم.

[عابر الموج]

حياك الله اخوي
قصيده تتناثر حروف الحزن على اسطرها
رحمه الله وغفر له وادخله فسيح جناته
وعظم الله اجرهم وجبر مصيبتهم وإنا لله وإنا إليه راجعون
صح لسان الشاعر ومشكور اخوي عابر الموج على طرحها
تحياتي وتقديري واحترامي
اختك
..قوافي..

شكرا لك قوافي على مرورك الكريم

[عابر الموج]

السلام عليكم ورحمة الله وبركاته..
مسيت بالخير يابونبيل..

هلا بصقارنا الكبير والخبير والله يعطيك العافيه ويبارك فيك
وانشهد ان هالقصيده ظاهره من قلب ورحم الله الميت واسكنه فسيح وجناته والله يعوض على اهله..
وهالقصيده زادت اوجاعي لاهنت وتحياتي لك..

لاباس اخوي ابو ناصر وشكرا لك على مرورك الكريم وكل عام والجميع بخير

[عابر الموج]

صح لسان صديقك ياخونا/عابر
ورحم الله والده..وأموات المسلمين..والله يعظم اجره..والبقاء في راسه وباقي اخوانه.
شاعر كبير ..وايمانه قوي ..عرف يبتدي بالواجب وهو ذكر رب العالمين.
والله يلوم اللي يلومه..اذا كان والده ...فكيف به اذا سمعته طيبه بين ربعه.
-----------------------------------
وانت الله يجزاك خير...صديق ووفي ....ووفاءك شملنا بنقل هذه القصيدة الطيبة بالحيل.
تحياتي وتقديري لشخصك الكريم.

لاهنت ياالرايق وشكرا لك على مرورك الكريم وكل عام وانت بخير تقبل تحياتي