مشكلة بكابرس 2008 حساس الكرنك + مشكلة السيارة تطفي , ارجو الحل يا اخوان !!

[Mr-Glahm]

السلام عليكم ورحمة الله وبركاته

تكفون يا جماعة الخير , شوفو لي حل مع السيارة , قسم بالله اني بديت أكرهها


عندي كابرس أل أس موديل 2008 ,,,, 6 سلندر

الكابرس كل شوي يطفي علي امشي عليه طبيعي , وتجيني نتعات احسه بيطفي وانا امشي
واذا وقفت عند اشارة يطفي , وارجع اشغلها من جديد وتطلع لي علامة شك انجن

المهم مالكم ب الطويلة

فحصته كمبيوتر , وطلعت لي 4 اكواد , خطأ
وفيه رابط " عن اكواد اخطاء سيارات جي أم "


http://www.edgeproducts.com/product_images/customer_support_article-pdf-40.pdf

الاخطاء من نفس الرابط :



P2190 Sys Too Rich at Idle Bank2
P0222 Throttle Pos Sensor/Switch B Circ Lo Input
P0122- Throttle Pos Sensor/Switch A Circ Lo Input
P0334 Knock Sensor2 Circ Interm (bank2)



وهذي صورة نتيجة الفحص

http://up.black4berry.com/up8/13451490501.jpg

http://up.black4berry.com/up8/13451490502.jpg
قال لي المهندس ماعليك من أول خطأ يقول عادي
اما رقم 2 و 3 يقول هذي تنظيف دعسة البنزين الخارجية , يبي لها غسسسيل
وسألت واحد قال لي تنظيف البخاخات

والاخيره غير " حساس الكرنك "

غيرت الحساس

ورحت بترومين , وقلت ابي تنظيف بخاخات + طرمبة , حطو لي محلول وحسيت بفرق بسيط عن اول , المشي صار طبيعي لكن مازالت تطفي

ي شباب والله ارتفع ضغطي , منها , صرت ما احب اروح عليها , تفشلني كل شوي تطفي

بليز ابي حل لهالمشكلة تكفون http://www.assayyarat.com/forums/images/smilies/main/blue.gif

[Mr-Glahm]

وين أهل الخبره ؟

معقولة ولا رد !!

[ملك الفكتوريا]

يالغالي ترمجمتها بقوقل

وهذي الترجمه


تغذية غنية تقليم خلال تسكع / تباطؤ
خنق موقف الاستشعار الدوائر فولت 2 ادنى
العمود المرفقي موقف الاستشعار إشارة مجموعة / الأداء


الله العالم ان الاولى لها علاقة بالبنزين بخاخات او طرمبة والله مدري


والثاني والثالث بالثروتل وحساس الدعسه اسمه بالفحص حساس اياك iac sensor مو كذا


والله العالم انه سلك بواجي او احد الحساسات اللي بانتيك الهواء

والاخير كرنك

وترى السيارة تطفى فجأة بسيارتك الغالب اسلاك البواجي والبواجي




والله يعينك وانا ما اقول كلامي صح ومعليش التف راسي

[Mr-Glahm]

الله يعطيك العافيه

انا دخلت السيارة الوكالة وقالو لي اليوم الكمبيوتر حق تشغيل السيارة خربان الي اسمه
EMC

لازم تغيره قلت ليش قال الفني لانك غيرت حساس عمود الكرنك وكل مانسوي فحص ب الكمبيوتر يطلع لنا حساس الكرنك وهو جديد. لذلك فهو يقرا خطاا ويحتاج تغيير حتى ينظم الهوا وكمية الوقود


وسالته عن سعره. قال لي تقريبا ب الوكالة ب ٢٣٠٠ وتركيبه وبرمجته ب ٦٠٠ ريال


وش تنصحوني ي شباب

[SAS2]

انصحك تبيعة هولدن استرالي ما ينفع كتبت عنه من 3 سنوات بهذلني بحساساتة

وانت بدا يعوكس معك خلاص زانت قلعتة (( الي كان عندي رويال 2004 )) وبالتوفيق

[mekshaat]

اعرف شكل الكمبيوتر العطلان ومكانه بالضبط واذا أنت بالرياض برسلك
لكهربائي فاهم يصلح الكمبيوترات وعنده خبره بمثل هالمشاكل وتفاهم معه
وان شاءالله يحل مشكلتك.

[(((.ابوتميم .))))]

انا صارت معي وغيرت حساسين عامود الكرنك وراحت المشكله

[Mr-Glahm]

انصحك تبيعة هولدن استرالي ما ينفع كتبت عنه من 3 سنوات بهذلني بحساساتة

وانت بدا يعوكس معك خلاص زانت قلعتة (( الي كان عندي رويال 2004 )) وبالتوفيق

هذا مو حل مناسب ي الغالي

لين متى وحنا مانعرف نحل المشاكل

[Mr-Glahm]

اعرف شكل الكمبيوتر العطلان ومكانه بالضبط واذا أنت بالرياض برسلك
لكهربائي فاهم يصلح الكمبيوترات وعنده خبره بمثل هالمشاكل وتفاهم معه
وان شاءالله يحل مشكلتك.

الله يسعدك يالغالي

مكان الكمبيوتر
وانت واقف قدام الموتر فاتح الكبوت يجيك جنب المكينه يسار تحت علبة الفيوزات

وانا ب المدينه المنورة يالغالي

ياليت لو تعطيني رقم صاحب الورشة استفسر منه اكثر واشوف لو يقدر يصلح مشكلتي ارسل له الموتر


لاهنت

[Mr-Glahm]

انا صارت معي وغيرت حساسين عامود الكرنك وراحت المشكله

طيب انا غيرت الحساس بس الظاهر مو اصلي

ماركة اي سي ديلكو

تتوقع منه ؟

لانه ماضبط

[qwertyu987]

انصحك تبيعة هولدن استرالي ما ينفع كتبت عنه من 3 سنوات بهذلني بحساساتة

وانت بدا يعوكس معك خلاص زانت قلعتة (( الي كان عندي رويال 2004 )) وبالتوفيق

بصراحة الكابريس سيارة جباره , والهولدن شركة استرالية معروفة , وإذا كنت إنت كتبت موضوع عن هولدن فهذي وجهة نظرك ولنا الخيار في تقبلها , وأنا أستخدم كابريس من عام 2006 والحمد لله من أفضل مايكون , وموضوع الرجال بسيط جدا
pcm بس أنا أستبعد , أو برمجه , أو تغيير أسلاك , أنصحه يمر الوكاله أفضل

[SAS2]

بصراحة الكابريس سيارة جباره , والهولدن شركة استرالية معروفة , وإذا كنت إنت كتبت موضوع عن هولدن فهذي وجهة نظرك ولنا الخيار في تقبلها , وأنا أستخدم كابريس من عام 2006 والحمد لله من أفضل مايكون , وموضوع الرجال بسيط جدا
pcm بس أنا أستبعد , أو برمجه , أو تغيير أسلاك , أنصحه يمر الوكاله أفضل



يالغالي انا كتبت من باب النصيحة مهوب حب في الكتابة والا محد شرا هالموتر الا انا بس

سالفة كل ورشة تعطيك راي وهذا حساس وهذا فرغ الشكمان وهذا غير البواجي والليات لين

ادفع 4000 وانا ما استفدت شي تراها تقهر .... والا تدري الموتر مسكت بس يمكن ما عرفتله انا

[Mr-Glahm]

مشكورين لاهنتو

[ls1.5700]

اتوقع عندك الاتماس في الظفيره الاماميه
مسوي للكمبيوتر لخبطه
حاول تفحصه عند كهربائي فاهم
وشيك على حساس القزوز وجميع الكتاوتات او بدلهم
قد يكون الخلل منهم - اهم شي الظفيره تاكد منها
هذا والله اعلم
ارجو اني افتك

[Mr-Glahm]

راح اسوي فحص للظفيرة وارد لك خبر

لاهنت يالغالي

[Magellan]

ياجماعه الرجال بلشان بموتره ماله داعي بهالوقت تنصحونه ببيعة الموتر
مثل اللي يشتكي من وجع رجله ويقول اقطعها،،،
نرجع لمحور الحديث
شوف يامستر غلاهم هي وحدة من ثنتين بدون طولة كلام او فلسفة
1- افحص ضغط الطرمبة والسيارة شغالة اذا كان فوق ال50 psi او حولها فالطرمبة كويسة اذا كان تحت ال30 فغيرها،،،
2- اذا كان الضغط للطرمبة كويس فغيّر كمبيوتر من التشليح مع الضمان على الاقل يومين
وبس

[mekshaat]

اذا الكمبيوتر يقرا خطا معناه الخراب منه لأنها صارت معي قبل سنه تعطل
كمبيوتر السياره واذا فحصناها يعطيني قراءه خطأ وصارت المشكله منه
وقبل شهر تقريبا واحد أعرفه معه جيب همر الصغير طلعت عنده مشكله
بالقير مايرجع نمره وتبهذل معه وداه لورش وقالو بلف بدي ثم وداه للوكاله
وقالو الفحص يقول مشكله تتعلق بالكرنك المهم مااقتنع وطلعه من عندهم
وداه لورشه فحصوه وحاولو فيه وجابو كمبيوتر يجربونه عليه وضبط يعني
الكمبيوتر حقه كان يعطي قراءه خطأ جرب تغير كمبيوتر يمكن يضبط.