عداد البنزين لليوكون 2008.

[بوكوارة]

السلام عليكم ورحمة الله وبركاته:
وكل عام وانتم بخير وتقبل الله منا ومنكم صالح الأعمال.
انا معي يوكون 2008 وارد الجميح ومحافظ عليه بالصيانه الدورية،ماشي 130000 امس لاحظت امبير البنزين على الفل وما يتحرك والكمبيوتر يقول المتبقي 463 المهم لان فيه بنزين بس مهب فل معبيه قبل ثلاثة ايام ، وديته لمركز اي سي ديلكو فرع الجامعة بالرياض وقالوا لي هذي العوامة قد تكون خربت ويبغى لها تغيير جبها لنا بعد العيد نغيرها لك. سألته هل لها علاقة بخراب في طرمبة البنزين قالي لا.
السؤال:
هل هذا مؤشر على تغيير طرمبة(مضخة)البنزين؟مع العلم اني استخدم بنزين 95 ودائما اعبي البنزين على النصف او الثلث ولو عمر مرة خليته الى ان تولع لمبة البنزين.

ارجو الإفادة من اهل الخبرة خصوصا اني ثاني العيد ابسافر لعنيزة.

http://www.mekshat.com/vb/images/misc/progress.gif

[بوكوارة]

لا زلت انتظر رأي اخواني الخبراء.........

[بدوي جنوبي]

عليكم السلام
صحيح ممكن تخرب العوامه. والطرمبة ما تخرب
فما يعطيك قراءة البنزين
والوكاله ما راح يبيعو لك العوامه لحالها
لانها تجى مع الطرمبة. وسعرها فوق ال ٢٠٠٠ على ما اذكر

[ابو ودع]

من واقع تجربه عوامة التاهو ٢٠٠٨و ( ويمكن نفس عوامة اليوكن ) الاسياخ اللي تعلق الطرمبه
مثبته ببلاستك في اعلى جرم العوامه فمع المطب القوي او اي صدمه تنفصل الطرمبه عن الجرم
ثم تلعب داخل التانكي يعني اذا لاحظت ان العداد يتغير موقعه بين فتره واخرى فهذا دليل على
انفصال الجزء السفلي من الطرمبة عن العلوي ولازم فك التانكي ومحاولة تلحيمها مع بعض باي طريقه
وتقدر تستخدم السياره وهي بهاالحاله ولا عندك مشكلة بس حاول تفلل السياره وتصفر العدار ولا تمشي عليها اكثر من ٢٥٠ كيلو
احتياط علشان ماتقطع بنزين بسبب عدم ثبات العوامه

[بوكوارة]

اخوي بدوي جنوبي....الله يجزاك خير وما قصرت.

اخوي ابوودع.....الله يطمن قلبك مثل ما طمنتن وبيض الله وجهك.

تقبل الله منا ومنكم.