حراره الفتك مشكله غريبه

[متعب العطاوي]

السلام عليكم ورحمة الله وبركاته

مساء الخير يامكشاتيه اتمنى اجد الحل عندكم سيارتي فتك 2004 المشكله الحراره بالسياره مع الوقوف ترتفع واذا مشيت تنزل تحت الربع قلت افك البلف وارتاح فكيت البلف نفس الحراره ماتغيرت امشي تحت الربع واذا وقفت تحتر ؟؟؟؟؟؟؟؟؟

ركبت رديتر وليات جديده وقربه وتماتيك مروحه ومروحه من الوكاله نفس الشي ماتغير شي الحراره مع الوقوف تحتر توصل النص واذا مشيت تنزل تحت الربع بشرطه وانا فاك البلف ؟؟؟؟

فحصت كمبيوتر السياره سليمه ماتبين شي

[sgl2002]

اذا وصلت الحرارة النص رح امسك الخرطوش العلوي وشف هو محجر مره والا ينضغط عادي

والقربة شف الماء يفيض فيها والا بمستواها الطبيعي

اذا الخرطوش لين والماء بمستواها الطبيعي على خط الماكس فمعناه ان العداد هو اللي خربان

بعدين شف رديتر المكيف هل تشوف الرديتر من وراه

او بخ عليه بالهواء حق البنشري وشف يطلع الهواء والا مسدود لانه اذا انسد يحجب الهواء مايدخل

[abo_Majed]

جوانب الرديتر فيه سفنج وحده يمين وحده يسار بين غطاء المروحة والرديتر اذا ماهن فيه ركب بدالهن سفنج .. وهذا وظيفة مايرجع الهوى الحار الى المكنيه ويسبب لها ارتفاع الحرارة وهي تفيد فقط في حالة وقوف السياره
اما اذا كانت الحراره اثناء المشي فتجاهل ما قلته لك

تقبل تحيتي

[متعب العطاوي]

اذا وصلت الحرارة النص رح امسك الخرطوش العلوي وشف هو محجر مره والا ينضغط عادي

والقربة شف الماء يفيض فيها والا بمستواها الطبيعي

اذا الخرطوش لين والماء بمستواها الطبيعي على خط الماكس فمعناه ان العداد هو اللي خربان

بعدين شف رديتر المكيف هل تشوف الرديتر من وراه

او بخ عليه بالهواء حق البنشري وشف يطلع الهواء والا مسدود لانه اذا انسد يحجب الهواء مايدخل


الخرطوش محجر من يوم شريت السياره قبل ست شهور الى الان محجر تقول بينفجر

الحراره بالوقوف بس خصوصن مع المكيف اذا مشيت تنزل تحت الربع بشرطه بعدين انت اذا شلت البلف حق الحراره تنزل الحراره ولا زي ماهي لاني فاك البلف ومغير القطع اللي ذكرتها وكاله كلها
وغسلت رديتر المكيف يوم اغير الرديتر والمراوح اللي قدام شغاله سرعتين

[متعب العطاوي]

جوانب الرديتر فيه سفنج وحده يمين وحده يسار بين غطاء المروحة والرديتر اذا ماهن فيه ركب بدالهن سفنج .. وهذا وظيفة مايرجع الهوى الحار الى المكنيه ويسبب لها ارتفاع الحرارة وهي تفيد فقط في حالة وقوف السياره
اما اذا كانت الحراره اثناء المشي فتجاهل ما قلته لك

تقبل تحيتي
ركبت اسفنج جوانب الرديتر ماتغير شي اقولك شي يبلف العقل

[abu-nasr]

تأكد من غطا الاديتر لازم يكوم نفس الرقم حق شد البلد لان كل واحد وله رقم

[متعب العطاوي]

تأكد من غطا الاديتر لازم يكوم نفس الرقم حق شد البلد لان كل واحد وله رقم


اخوي الرديتر وغطاها والقربه وغطاها والمروحه والتماتيك حقها واليات اللي فوق واللي تحت كلها من وكالة الحمراني جديده وكاله

[sgl2002]

طيب الموتر في تفتفه؟

[متعب العطاوي]

طيب الموتر في تفتفه؟


الموتر صافي مافي تفتفه ولاتقطيع ؟؟؟؟؟؟؟؟؟

[الاشعلي111]

شي غريب

لعلك تاكد من التماتيك حق المراوح هل هو شغال او لا
لانه احيانا يعلق وماتشتغل او تدور دوران خفيف

[abu-nasr]

اخوي تحصل في الموضوع رد اصيل حجازي يمكن يفيدك
خصوصا انك تقول ان الخرطوش محجر في موترك
مع تمنياتي لك بالتوفيق

http://www.mekshat.com/vb/showthread.php?t=285809&referrerid=122708

[متعب العطاوي]

يعني مشكلتي بالمكينه ؟؟؟؟؟؟؟؟؟؟؟؟؟؟

[الكلاسك]

دام الخرطوش محجر كنه بينفقع معناته عندك تسريب للماء الى داخل الاسطوانات وبالتالي الماء عندك ينقص وبنفس الوقت ضغجط الاسطوانات يتجه للخراطيش !!

[متعب العطاوي]

دام الخرطوش محجر كنه بينفقع معناته عندك تسريب للماء الى داخل الاسطوانات وبالتالي الماء عندك ينقص وبنفس الوقت ضغجط الاسطوانات يتجه للخراطيش !!

الماء ماينقص الا اذا زادت الحراره وطولت يبدى يفور اذا طفيت السياره من اللي الزايد واذا شغلت وقف

[محتاااااار]

شف يالحبيب هاذي المشكلة كانت معي بسيارتي الكابرس
اذا وقفت ارتفعت الحراره ولا ترتفع على الاخير لا ترتفع وتنزل وترتفع
اذا مشيت نزلت الحرارة واذا وقفت ارتفعت
مافية محل بالصناعية الا رحتله
وروح لواحد يمني قالي هاذي مدري وش اسمها تجي بالكنداسة اللي بنص السياره سماها نسيت اسمها ويقص الماصوره اللي بنص السياره ويطلعلة حاجات نسيت اسمها يمكن الاخوان يعرفونها ويحذفها ويرجع يلحم الشكمانات مره ثانية المهم ماطلع منها وخرب الشكمان حسبي الله علية
وروح لواحد ثاني قالي صيخ الاديتر وينزل الاديتر ويصيخه ويغير الطبات ونفس المشكله حسبي الله علية
وروح لواحد قالي غير المراوح المهم المراوح شغالة قلتلة ماراح اخسر عمري وغيرها وهي شغالة قالي لا يا اخي يمكن التماتيك خربان المهم طنشته
ورحت بالصدفة لواحد سوري قالي الله محييك يا ابو سعود شوف هيدي السياره انا عرفت علتها طبعاً بعد ماكشف عليها اعطيني 100 ريال وراح اصلحها لك ب 10 دقايق لكن هاه لاتقولي لا
قلتله يالله صلحها اهم شي نفتك انا جاية بعد صلاه الظهر بعز الصيف قالي ياخيو الان الوقت شوووب روح جرب مع الدائري وشغل المكيف وشوف
المهم بعد ماصلحها طلع القفيز حق المروحة محترق والاسلاك حقت المروحة اللي شابكة بالظفيره احياناً تشتغل واحياناَ تطفي
غير الظفيره الصغيره وشبك الاسلاك اسلاك المروحه والحمد لله من يومها الى الان قبل سنه وهي شغالة
انا حبيت اذكر تجربتي يمكن تكون سيارتك نفس المشكلة ويمكن تكون مشكلة ثانية
بالتوفيق اخي العزيز

[تميم2222]

واحد من ربعي عنده نفس المشكله لاند كروزر 2006يقول كاشي سزينخه حتى راس المكينه مسحته ولابه فايده .... اذا لقيت الحل عطنا خبر كان ماعليك كلافه نفيد ونستفيد تقبل مروري

[ابوسند9]

اخوي
انت تقول ترتفع سواء بالبلف راكب او مفكوك
اذا كان مفكوك فشي طبيعي اذا كنت واقف راح ترتفع واذا مشيت تنزل
واذا كانت ترتفع والبلف راكب احتمال كبير ان البلف عندك عطلان ويقفل ويتاخر ما يفتح فا انت جرب بدله بجديد وجرب و لازم اصلي علما ان بلف الفتك المفروض يتبدل كل 3 سنوات
فا البف ضروري جدا وجرب وما انت خسران وقيمته 70 ريال وبداء بالاسهل ولا تقرب المكينه وخليها اخر الحلول

[sgl2002]

افتح غطاء الرديتر والسيارة بارده وانتظر لين تحمى وشف الماء يطشر او فيه فقاعات ماتروح

فاعرف ان المشكلة بالراس او الوجه

[متعب العطاوي]

طيب يالغالي ممكن وصف ورشه السوري خاص او رقمك لو سمحت

[alwali]

السلام عليكم
شيك على طرمبة الماء ما تدفع خربانه

[أبو تركي82]

اذا صرت واقف واحترت السياره خلها بالفاضي وخلق داعس بانزين شوي اذا نزلت تكون المشكله من طرمبة الماء

[فتك08]

ياخوي متعب غاب عن البال نقول لك تشيك على دبة التلوث اللي تحت السائق

طبعا في الأساس بها مادة رصاص و وضيفتها تمنع إنبعاث أول أكسيد الكربون

أو تقلل منه فمع الوقت تتسكر و دايم الناس يفرغونها لأنها تسبب إرتفاع للحرارة

إذا تسكرت.....

[تمنيتك لي]

تأكد من غطاء الرديتر ( القربه ) لازم يكون آصلي وله رقم معين بآلوكآله

وغير المآء حق الرديتر حط حق ألمآني [ المرسيدس - BMW ]

[abdu79]

السلام عليكم ورحمة الله

الموضوع قديم لكن صار معي زي راعي الموضوع

وش طلع علة سيارتك

[اورنس الشمري]

ركبوا مراوح كهرب وريحوا بالكم

[ateeq7]

كيف تعرف كلتش المروحة لا يعمل افتح غطاء المحرك و انته راجع من مشوار و راقب دوران المروحه خلي صاحبك يطفي المحرك اذا توقف دوران المروحة يعني كلتش شغال اذا ظلت المروحه تدور على الفاضي مدة يعني الكلتش ضعيف او خربان لازم تغيره
اذا الكلتش شغال و الحرارة عند تشغيل المكيف ترتفع عند توقف السيارة فوق النصف خصوصا النيسان الكندسر المكيف الفتحات التي فيه مسدودة بفعل الرمل و الغبار يا تغيرة بواحد جديد او تحاول تنظفة بس بحذر حيث الفتحات التي بين الريش تعمل حائط صد و تمنع مرور الهواء و وصولة لراديتر و لما تمشي يكون مرور الهواء قوي فيدخل من جوانب المحرك و يصل للراديتر فتنزل الحرارة