ارجوا الدخول بخصوص موتري الدينالي 2012 . قدر الله وماشاء فعل

[tiger.anas]

السلام عليكم شباب ..
وكل عام وانتم بخير ..

شباب حبيت استفسر من ذوي الخبرة وانشالله ماتقصرون معي ( ماخاب من استشار)
انا معي يوكن 2012 والحمد لله على كل حال جته صدمة مع الوجهية وتأثر الشاصي اوله فقط ..

ولازم يقص اوله ويتزبط من كلام اكثر من ورشة .. والقص بيكون حوالي 20سم اول الشاصي الي شايل الرديترات والصدام...الخ

اقترح علي صاحب الورشة وقال غير الشاصي كامل جديد تحصله بالتشاليح 3500 الى 4000ريال وانا اوفره لك .
وراح يزبط الموتر 100%

السؤال هنا ؟
هل اذا غيرت الشاصي راح يرجع كل شي سليم بالموتر حيث انه لازم يفك من تحت وينزل كل شي من دفرنس ومساعدات واذرعة ومقصات وتانكي بنزين ...
وهل يؤثر اذا بدلته بالموتر من ناحية القربعة والاصوات وغيرها...

الميكانيكي اكد علي انه بيرجع كل شي ولا راح تحس بفرق لانه كله فك وتركيب.


الله لايهينكم الي له تجربه لايبخل علي انا بين نارين يا اقصه واعدله او اغيره ولاكن الخوف من فك اجزاء السيارة ...

[alwali]

الحمدلله على السلامة وخطاك السوء
بس اعتقد الشاصي يجي ثلاث قطع
خلفي ووسط وامامي اسأل الوكالة
اسأل الله لك التوفيق

[مضارب سيارات]

الله يعوضك خير نصيحة اخ لا تصدق كلامهم

الموتر الله ويعوضك اصبح مصدوم مهم فعلت خله يعدل الشاص ولا يضر ولا تفكك موترك وتخسر زيادة

[المنيعي1]

أذا على كلامك المتضرر من الشاص فقط الي شايل الرديتر والصدام
فأنصحك تقصه تسمكره تشوفله حل
أما تغير شاص كامل علشان المقدمة كلام غير سليم وأحتمال يطلع أنواع الأصوات من الربلات والتوصيلات الرابطة لشاص بعد التركيب

[abu-nasr]

انا اشوف انك تقص الجزء اللي متضرر وتعدله احسن لان مستقبلا اذا تبي تبيع يكون واضح ان الموتر ماجاه الا الجزء هذا وتم تعدياه وان شاء الله يبي ينقص من سعره شي بسيط لكن اذا تبي تغيرر الشاص كامل يبي يشك المشتري ان الموتر جاية شي كبير ويطيح سعره

[Bader-M]

لا تنسى ان رقم السيارة محفور على الشاص

موفق

[الا سير]

ابي اسألك ياخوي الصدمه اثرت على وقفت السيارة ولالا؟
كم ورشة قالت لك لازم تغير الشاصي ؟
لو فية امكانية صور الصدمة

[أبويزيد010]

الحمدلله على السلامة ومعوض خير
عدل الشاص عند فني واسمحلي اللي شار عليك بتغيير الشاص غشيم , وهوفيه شاص سليم بالتشليح
شوفلك ورشة لها خبره .

[ابوراكان تبوك]

لو يعطيك الشاص الجديد بلاش لا تركبه
بيفكون السيارة مسمار مسمار ومستحيل ترجع مثل الوكالة لأنه يفك البودي والديكورات وينزل المكينه والقير وغيره وغيره بلاوي لليل
ان لقيت مثل سيارتك بالتشليح قص الشاص المتضرر ولحم مكانه وصله من التشليح وخله يلحمه زين ويحكه بالصاروخ مع شوية معجون ولا كأن السياره فيها شيء
اصلا المكان المتضرر ماعليه ثقل ولا منه خوف
والحمد لله ع السلامه يا اخوي

[الكلاسك]

كلام فاضي تغيير الشاص !! للأسباب التاليه :
1. وين تحصل شاص سليم بالتشليح أكيد معفوط ومسمكره زول هناك.
2. هياط راعي الورشه من كلامه :كلها فك وتركيب وخلاص توته توته خلصت الحدوته !! ربلات واسلاك وشكمان وكردان وبنزين ومساعدات يووووووووووووووووو قصه طويله راح يطلع موترك موديل 1979!!
3. الخراب عندك بسيط قاعدة اديتر شي ما يأثر على الكفرات ولا وزنية الاذرعه .
4. سيارتك تعتبر في نظر المشتري الجديد مصدومه مهما غيرت شاصات ما راح يتعدل الوضع
5. كل الشباب متفقين على ان التصليح افضل شي
6. بالتوفيق وهل تقدر تعمل صوره لها وكم كلفتك ليستفيد الجميع .

[tiger.anas]

الله يعطيكم العافية شباب وبيض الله وجيهكم لتفاعلكم بالموضوع...

انا شكلي اقتنعت انه غلط اغير الشاصي ، وهذا الي انا افكر فيه الآن اني اصلح الشاصي ...
لاكن الله يعوضني خير ، والله لايوريكم مكروه..

لاكن ياشباب الشاصي حق اليوكن يجي قطعه وحده ولا ٣ قطع زي ماذكر اخوي alwali

[الكلاسك]

الله يعطيكم العافية شباب وبيض الله وجيهكم لتفاعلكم بالموضوع...

انا شكلي اقتنعت انه غلط اغير الشاصي ، وهذا الي انا افكر فيه الآن اني اصلح الشاصي ...
لاكن الله يعوضني خير ، والله لايوريكم مكروه..

لاكن ياشباب الشاصي حق اليوكن يجي قطعه وحده ولا ٣ قطع زي ماذكر اخوي alwali

:p الله لا يهينك افصخ شماغك وطل تحت الموتر ولا خلاص :D