قصيده مهداه من سحاب نجد - راعي شقراء لخوي الغالي ال رايق

[سحاب نجد راعي شقراء]

اول شي عيدكم مبارك يا وجيه الخير الله يسعدكم جميع دنيا ودين ويحفظكم من كل مكروه اللهم امين خل اعلمكم بعد تراي اكتب بصبع واحد بس ما اعرف اكتب بصابعي كلهن والله العظيم شفتو الدجاج الا قام يلقس العيش تراي مثله بالظبط ههههههههه تراي صادق


هذي يالغالين حبيت اهديها لانسان حبيته ونتم والله العظيم كلكم حابكم بس هو كاتب لي قصيده ترحيبيه وهو راعي الاوله وراعي الاوله ما ينلحق وقلت انزلها ذا اليوم علشان قباله عيد وفرحه للمسلمين ان شاء الله


وبي افرحه الله يوفقه وكل مسلم

اعذروني يالغالين اذا فيه قصور


بــــعض البشـــر لـو تــقــعـد ســنــيــن ويــاه


عــنـدك غــريــب وأنــت عـــنـده غـــريـبـــي


وبـــعض البشــر لـو ســاعـتـن شـفـت مـبـداه


عــنــدي يــســاوي بـالــغــلا لـــو قــريــبـــي


قـــصـرك يــا ال رايق بـالـخــفــا زاد مبــنــاه


بــيــن الـمـــحـانــي مــعـــتــلي يـا رفــيـــقــي


و غـرسك يــاالرايق بالحشــا طـاب مـجنـاه


لآوا هـــنـي الــقــلـب بــمـثــلــك صـــديقــــي


بـالـمـرجــلـه و الــطـيــب يــا زيــن مـمــشـاه


هــذي الحـقـيـقــه مـــا عـلـيـهــــا مــزيــــدي


الــحــب مــا يــشـاور تــرا الــقـلــب لـو جــاه


و حــب الشـــرف مــافــيـه شــكــن وريــبـــي


حــلـــفــت لــو شــــفــتــه لــقــبــل مــحــيــاه


وحـــبـن مــن الرحــمـــن مــافــيــه عـــيــبـي


يــاالـــله طـــلــبـتـك تــســعــــده دوم يـــاالــله


يــاالله جـــــب لــــي دعــوتــي لاتــخــيــبــــي


يــامــرحــبـا بــك عــد مــزنــن نـــثــر مـــــاه


و عــداد مــا هــب الهـــوى و فـــاح طــيـــبـي


ســـبــحــان ربـــن يــأمـــر الــعــبـد و ينــــهاه


عــد المـــطــر وعــداد شــمـســن تـــغـيـبـــي


تـــمـــت و بــاقــي واجــــدن مــا ذكـــرنـــــاه


عــجـزت حـروف الـقــاف وعــجـز القصيـدي



اخوك سحاب نجد - راعي شقراء

[ال-رايق]

تسلم وصح لسانك ..وسلم بنانك/اغليت من يغليك حيل ..عساك تبطي حي وغني.
-------------
واسمح لي بعد ان اهنئك بالعيد ..ان اهنيء اخواني المكشاتية كل باسمه
وتفضل الرد المتواضع عبر المجاراة التي لاترتقي لمستوى قصيدتك ..والعذر من الله ثم منك ..عساها تعجبك ,,من غير قصور باخواني:

لاهنت ياللي نقصر مانقدم خطاه=مثل الحصان اليعربي العريبي
ياذخر من حده زمانه على اقصاه=واصبح قريبه مع زمانه حريبي
ياعون من كفّو عن الشغل يمناه=خذواحقوقه واصبح أمره صعيبي
واليوم فكري عن تواجدك ماتاه=الواقي الله لازم ان يستجيبي
بأمري يتل دلي معناه برشاه=فرز كما عذب المطر من قليبي
وكم واحد قلبك من البعد خاواه=وشوق عليه يتلك سلك السبيبي
وكم ذيب خاوا ذيب وجاوب اعواه=وذيب المشاعر يمك يقنب قنيبي
وقالوا:كم اخ لأمك ماقال ياياه=وانت مثل خالد شقيقي وحبيبي
وسلامي بن من يمن زين منقاه=حمسه على جمر الغضا له لهيبي
ودقيته بنجر من سمعه لاحاه=ثم طبخته وسط صافي الربيبي
ماها من (العبّ)في شقرا محلاه=طرق الحماده طعمه سكّر عذيبي
وفي قلب عسافيّة فوق مركاه=من فوق نفس جمرا الغضا والشعيبي
زليت دم ادميّة لغف ارطاه=ماجاها طرد عقبه صارت صويبي
والهيل والم أخضر الهند منشاه=وشوي مسمار معه بتخضيبي
وصبيت فنجال يشرفني اعطاه=سحاب نجد جعل فاله يطيبي
عساه يحقق دايم الدوم امناه=واسع بنايد ماهو شخص كئيبي
ويالله طلبتك دايم الدوم ترعاه=ياواحد من فوق خلقه رقيبي

أخوك..وأخو الجميع/ال-رايق
وسلامتكم

[سحاب نجد راعي شقراء]

تسلم وصح لسانك ..وسلم بنانك/اغليت من يغليك حيل ..عساك تبطي حي وغني.

-------------
واسمح لي بعد ان اهنئك بالعيد ..ان اهنيء اخواني المكشاتية كل باسمه
وتفضل الرد المتواضع عبر المجاراة التي لاترتقي لمستوى قصيدتك ..والعذر من الله ثم منك ..عساها تعجبك ,,من غير قصور باخواني:


لاهنت ياللي نقصر مانقدم خطاه=مثل الحصان اليعربي العريبي


ياذخر من حده زمانه على اقصاه=واصبح قريبه مع زمانه حريبي
ياعون من كفّو عن الشغل يمناه=خذواحقوقه واصبح أمره صعيبي
واليوم فكري عن تواجدك ماتاه=الواقي الله لازم ان يستجيبي
بأمري يتل دلي معناه برشاه=فرز كما عذب المطر من قليبي
وكم واحد قلبك من البعد خاواه=وشوق عليه يتلك سلك السبيبي
وكم ذيب خاوا ذيب وجاوب اعواه=وذيب المشاعر يمك يقنب قنيبي
وقالوا:كم اخ لأمك ماقال ياياه=وانت مثل خالد شقيقي وحبيبي
وسلامي بن من يمن زين منقاه=حمسه على جمر الغضا له لهيبي
ودقيته بنجر من سمعه لاحاه=ثم طبخته وسط صافي الربيبي
ماها من (العبّ)في شقرا محلاه=طرق الحماده طعمه سكّر عذيبي
وفي قلب عسافيّة فوق مركاه=من فوق نفس جمرا الغضا والشعيبي
زليت دم ادميّة لغف ارطاه=ماجاها طرد عقبه صارت صويبي
والهيل والم أخضر الهند منشاه=وشوي مسمار معه بتخضيبي
وصبيت فنجال يشرفني اعطاه=سحاب نجد جعل فاله يطيبي
عساه يحقق دايم الدوم امناه=واسع بنايد ماهو شخص كئيبي
ويالله طلبتك دايم الدوم ترعاه=ياواحد من فوق خلقه رقيبي



أخوك..وأخو الجميع/ال-رايق


وسلامتكم

الله الله الله
ماشاء الله ما شاء الله ما شاء الله

وش اسوي خفت عليك

اقول ترا الشرف لي بخوتك يالغالي

جزله من رجالن جزل الله يحفظك من عيون خلقه

بصراحه فرحتني بها القصيده الرائعه
الله يفرح ويسعد قلبك
دنيا ودين

[محمد الظاهري]

صح لسانك ياراعي سحابه
والله يديم المحبه بين الاخوان
ولا يستغرب الطيب منك ولا من ابو مهند
صحت ابدانكم
وكل عام وانتم بخير
تحياتي

[البواردي05]

مبدعين الله لا يحرمنا من هالإبداع
والله يديم هالمحبة
صحت السنتكم
وكل عام وانتم بخير

[سحاب نجد راعي شقراء]

صح لسانك ياراعي سحابه

والله يديم المحبه بين الاخوان
ولا يستغرب الطيب منك ولا من ابو مهند
صحت ابدانكم
وكل عام وانتم بخير

تحياتي


هلا وغلا ومرحبا ومسهلا

شرفتني يالغالي ولا عليك زود واشكرك من كل قلبي على مداخلتك الطيبه

[سحاب نجد راعي شقراء]

مبدعين الله لا يحرمنا من هالإبداع

والله يديم هالمحبة
صحت السنتكم
وكل عام وانتم بخير


ما عليك زود يالغالي شرفتني شرف الله مقدارك دنيا ودين

[يوسف الخليفة1]

حياك الله أخي العزيز نجد سحاب

[سحاب نجد راعي شقراء]

حياك الله أخي العزيز نجد سحاب


الله يحييك وي يبييك يالغالي وكل عام ونت بخير

[ال-رايق]

الله الله الله
ماشاء الله ما شاء الله ما شاء الله

وش اسوي خفت عليك

اقول ترا الشرف لي بخوتك يالغالي

جزله من رجالن جزل الله يحفظك من عيون خلقه

بصراحه فرحتني بها القصيده الرائعه
الله يفرح ويسعد قلبك
دنيا ودين
[/center]


هههههههههههههههه....تذكر الله ....والله من طيبك.لاعدمتك
ويلوموني فيكم -يالطيبين-ماعلي من الحكي انت ..واقطع ذراعي كان ماصار كلامي صحيح :
(انت وارث من شيبانك الاولين والتالين=الدين/الشعر/العياره/طبعا المرجله)اللي ما اضمن انك ورثته(المال)وهذا مايظهر الرجال كثر اللي ذكرته...وادري ان المدح في الوجه ماكل يحبه ..لكن على قولة المصريين ((اهي قت كدا)).
تحياتي ..............والشك زايل.
واذا انت جزل ومدحت قصيدي,,,زين علمتني اروح اشتري لي طاقية تقد على راسي..وعلى طاري الطاقية فيه واحد عندكم يقول حظي في التجارة -نعال- تكرمون,,,,,,,,,لو ابيع طواقي ولدوا العالم بدون روس ههههههههههه.

[فهد الهلالي]

صح السانك اخوي سحاب نجد
قصيده طيبه
وابومهند يستاهل من يقول فيه معلقات وكفو
وانت بعد تستاهل حبة على الخشم على هذه الجزاله
وماشاءالله على الرايق على هذا الرد الجزل والجزل مايجيب الا الجزل
وتستاهل يابو نوره الرد والتوجيه من الرايق
انتم شعار ونتطلع الى حرفكم الذهبي والسعاده تطوف ارجاء القلوب
دمت بصحه وعافيه والله يحفظكم

[سحاب نجد راعي شقراء]

هههههههههههههههه....تذكر الله ....والله من طيبك.لاعدمتك

ويلوموني فيكم -يالطيبين-ماعلي من الحكي انت ..واقطع ذراعي كان ماصار كلامي صحيح :
(انت وارث من شيبانك الاولين والتالين=الدين/الشعر/العياره/طبعا المرجله)اللي ما اضمن انك ورثته(المال)وهذا مايظهر الرجال كثر اللي ذكرته...وادري ان المدح في الوجه ماكل يحبه ..لكن على قولة المصريين ((اهي قت كدا)).
تحياتي ..............والشك زايل.

واذا انت جزل ومدحت قصيدي,,,زين علمتني اروح اشتري لي طاقية تقد على راسي..وعلى طاري الطاقية فيه واحد عندكم يقول حظي في التجارة -نعال- تكرمون,,,,,,,,,لو ابيع طواقي ولدوا العالم بدون روس ههههههههههه.


ما عليك زود يالغالي

وراعي التجاره ما كذب ظعيف من شين يشوفه هههههههههههههههه

اجل انا لو يزيد مالي قامت القيامه ههههههههه بس على قولتك يالغالي المال ما يجيب راحه البال والله سبحانه وتعالى يقول بما معناه المال والبنون قتنه =انما من اموالكم وااولادكم فتنه= الله لا يفتنا ولا يلهينا عن طاعته صحيح هي زينه الحياه بس ما يشري السعاده انا كنت عند واحد من كم يوم يملك نص الرياض وصابه مرض وهن العظام يعني الاجا ينزل من درج او سياره على طول تتكسر عظام الساق ويقسم انه يتمنا ان يكون عامل بلديه ويشفا من هذا المرض ماسرته مئات الملايين
وخذ هذي ونت اعرف مني بعد بس ابا اقولها شفت الواحد في صحته كافي علينا هذي النعمه العظيمه وما زاد فهو زود من الله وكرمن منه جلا في علاه ماتدري لو فلوسي وااااجد وش ابا اصير جالس اسوي هههههههههه وبليس ما مات هههههه فربما قل المال رحمه من الله بعبده
سبحان موزع الارزاق اقول الله يعرفنا زين بس هذا الصحيح ههههههههه

[سحاب نجد راعي شقراء]

صح السانك اخوي سحاب نجد

قصيده طيبه
وابومهند يستاهل من يقول فيه معلقات وكفو
وانت بعد تستاهل حبة على الخشم على هذه الجزاله
وماشاءالله على الرايق على هذا الرد الجزل والجزل مايجيب الا الجزل
وتستاهل يابو نوره الرد والتوجيه من الرايق
انتم شعار ونتطلع الى حرفكم الذهبي والسعاده تطوف ارجاء القلوب

دمت بصحه وعافيه والله يحفظكم

ماعليك زود يالغالي ونا تراي ما بعد وصلت لمستوا شاعريه اخوي الغالي ابو مهند وهذي حقيقه لا غبار عليها فا ابو مهند ما شاء الله عليه عنده سعه في الخيال وهذا واظح الله يحفظه من كل شر ونا بصراحه هذي الصفه افتقدها وهي اهم مقومات الشعر
شرفتني شرف الله مقدارك دنيا ودين