عندي استفسار لأهل الخبره

[Abu Hamad2]

السلام عليكم ورحمة الله
شريتلي تبع فرخ شيهان جبليه وحش ( اول مره اجرب الشيهان ) بس عليها وحاشيه تروع ما لان راسها الا بعد مده
شي بسيط يعني ما تنقز الا بعد ماتاخذ وقتها تلفت يمين ويسار وان سمعت صوت هونت
احيان ترجف اذا نقلتها احيان
العض تدبست يدي ما ني قادر المسها بس احاول مع العلف من يدي وكنها اشوى بس
ما اظمنها . عظها سم اعوذ بالله
لها الحين حول اسبوعين ومافي استجابه . اللي تغير فيهامن وحاشه التنقيز تنقز وصعوبه
انقلها تهدا بس خايفه
التجويع ما جاب حل
عطونا من خبرتكم الله يجزاكم خير مع اني سمعت الطير اللي وحاشه زايده ياخذ وقت وصعب تعليمه هل هذا صحيح ؟

[هاووي الطير]

وعليكم آلسلآم ورحمة آلله وبركآته
مآشآء آلله تبآرك آلله
تآكل من صيدهآ آن شآء آلله
وعسى آلله يبآرك لك فيهآ
يفيدونك آهل آلخبره آن شآء آلله
وكل عآم وآنت بآلف خير

[صقارعزاااام]

انقل الطير بستمرار لمده 5 ايام او اكثر وخاصه فى الايام الثلاث حتى السهر اسهر معها ولاتخليها تنام واذا تعبت خل احد غيرك ينقلها واذا ماعندك احد ضع الراديو شغال بصوت عالى بجنبها حتى يطيح راسها ونسرها تنسير بسيط على اليد كل فتره وان شاء الله تستجيب

[Abu Hamad2]

ابا ابدابها من اليوم
والله يجزاك خير

[طاسان]

خلها تفرس حمامه عندك بالسبب كذا مره ويطيح مافي راسها

[خيال سهيل]

اول شي مبروكه وتاكل من صيدها بأذن الله
الثانيه انت شنذرتها او لا
الثالثه وشلون صنعتها
الرابعه وش كثر نقلتك لها

شف يالحبيب انا ماني اخبر واحد في المنتدى لاكن بعطيك العلم الي عندي ولو انه قليل

بادي الأمر شف وزنها اذا هي صنيعه شنذرها
هم نقلها بوجود الناس حتى تالف على الأوادم وتعلفها وهم عندك و لا تشبها يعني نسر واحد وخش العلف
وخلها تشوف يدك وفيها النسر على شان تعرف ان اليد ذي وراها علف
واقصر عليها مره مره مره خلها تنزل وتحتاج وتعرف ان العلف عن طريقك
ولا شفتها لانت حطها بالأرض والجرير مربوط بالدس ووحط يدك ابعد من وضع منسرها على الأرض يعني شبر او اقل
واذا طاتك عطها النسر وخلها على يدك وخش النسر ثم لا خذت مثل دقيقه او اكثر كرر العمليه ولاكن ابعد شي بسيط و وزود نقلتها بعد كل تزويد المسافه الين تامنك

الحين شف جرب من الوكر وخلها المسافه متر ان جات ولا لا تقرب المسافه ابد حتى في ما سبق لا تقرب خلها اما تجي ولا تقعد على جوعها وكرر العمليه كل شوي
جرب طريقتي وانشاء الله تفيد

[Abu Hamad2]

انقلها ساعتين او ثلاث
ما فظيتلها والله
وصنعتها زينه تقدر تقول
وبالنسبه للشنذره ماشنذرتها

[طيرالحمــــاد]

عليك بالنقل والمساهر ترى السهر ايطيح راسه بسرعه واذا تعبت من النقل برقع وخل وكره قريب من التلفزيون
وخل التلفزيون شغال على راسه 24 ساعه بصوت مقبول متوسط
حل مبدئي
والحل الثاني اعتقد مايخفاك
تقبل تحياتي

[ابوميلاف]

انقل الطير بستمرار لمده 5 ايام او اكثر وخاصه فى الايام الثلاث حتى السهر اسهر معها ولاتخليها تنام واذا تعبت خل احد غيرك ينقلها واذا ماعندك احد ضع الراديو شغال بصوت عالى بجنبها حتى يطيح راسها ونسرها تنسير بسيط على اليد كل فتره وان شاء الله تستجيب


:good2::good2::good2::good2::good2:

[Abu Hamad2]

الله يجزاكم خير

[شرمان99]

اما الشنازر مع احترامي لرأي اخوي انا اقول تشنزر الوحش غلط ومايحتاج وبعدين هذي فرخ خلها عند التلفزيون واي قناه فيها سوالف مثل العربية بالليل يوم انت تنام واذا صنعتها زينه لاتنسرها خلها بالبرقع يومين ورا بعض واليوم الثالث فك برقعها ورها العلف من قريب راح تنقز خلها تاخذ نسر بسيط وردها للوكر وبعد المسافة راح تجيك على طول عطها كبر الابهام علف وبرقعها وخلها بالبرقع لين اليوم الثاني ونفس الطريقة سوها بها وشف كيف راح تجي على طول واستمر بعلفها كبر الابهام مدة ثلاثة ايام وبعدها زدها شوي واهم شي خلها ببرقعها دايم ولاتفرع فيها بالبيت وتخليها مرررة ولاتصيح عليها بصوت عالي انتبة صح عليها باسمها بصوت خفيف على شان ماتستاحش وانشالله اسبوع ونص وراح تدعيها بدون سبب

[THE SNIPER H]

اول شي مبروكه وتاكل من صيدها بأذن الله
الثانيه انت شنذرتها او لا
الثالثه وشلون صنعتها
الرابعه وش كثر نقلتك لها

شف يالحبيب انا ماني اخبر واحد في المنتدى لاكن بعطيك العلم الي عندي ولو انه قليل

بادي الأمر شف وزنها اذا هي صنيعه شنذرها
هم نقلها بوجود الناس حتى تالف على الأوادم وتعلفها وهم عندك و لا تشبها يعني نسر واحد وخش العلف
وخلها تشوف يدك وفيها النسر على شان تعرف ان اليد ذي وراها علف
واقصر عليها مره مره مره خلها تنزل وتحتاج وتعرف ان العلف عن طريقك
ولا شفتها لانت حطها بالأرض والجرير مربوط بالدس ووحط يدك ابعد من وضع منسرها على الأرض يعني شبر او اقل
واذا طاتك عطها النسر وخلها على يدك وخش النسر ثم لا خذت مثل دقيقه او اكثر كرر العمليه ولاكن ابعد شي بسيط و وزود نقلتها بعد كل تزويد المسافه الين تامنك

الحين شف جرب من الوكر وخلها المسافه متر ان جات ولا لا تقرب المسافه ابد حتى في ما سبق لا تقرب خلها اما تجي ولا تقعد على جوعها وكرر العمليه كل شوي
جرب طريقتي وانشاء الله تفيد

كلام مظبوط 100% ولكن لي تجربه شخصيه لعلاج العض في الطيور
خلي دائما في يدك مفتاح واحد فقط وضعه بين السبابه والابهام وخلي رأس المفتاح فقط ظاهر وقرب يدك بهدوء من صدر الطيروإذا حاول العض وجه رأس المفتاح الي منسار الطير وخليه يعضه وستلاحظ ان الطير سيحاول ان يبحث عن يدك ليعضها فوجه المفتاح مره اخري الي منسار الطير وستلاحظ انه سيتوقف عن العض
حذاري ان تسحب يدك بسرعه لان الطير سيتعلم ان غضته تؤلمك
كرر الموضوع وخلال ايام سيقلع عن هذه العاده
هذه طريقه مجربها انا شخصيا مع طير وكري ونجحت والحمد لله
هذا ما اعرفه والله اعلم
( وما اوتيتم من العلم إلا قليلا )

[وكري الشمال]

افادوك الاخوان

[قرناس حوران]

افادوك الاخوان