شوزل بيكال

[عاشق المقناص6]

السلام عليكم ورحمة الله وبركاته

كيف حالكم

كل عام وانتم بخير

ياعيال وش رايكم بشوزل بيكال ام خمس وشاريها 7500 من السوق وش رايكم في قيمتها

ابي ميزاتها وابي اضرارها

[عاشق المقناص6]

ماصورتها 30 ومزوده 32

[عقيد حرب]

وانا خوك لاتسئل انت بالموسم السنه الجايه شرط ان تزود سعرها اشوف سسعرها زين اذا هي نظيفه ولاهي خشاب

[شاهين12]

الله يعطيك خيرها ويكفيك شرها.
البيكال جيده وزينه
واذا كانت جديده كل بعد كم رميه نظفها لين تنظف من الشوائب والاوساخ اللي داخل المكينه .
وحاول ترمي بفشق 36جرام لين تمرن المكينه.
وانصحك تركب تشوك 690وبيكون رميها جيد.

وكل عام وأنتم بخير

[أبوصالح9]

قبل ماترمي بها يفضل تنضيفها من الشحم والمواد اللي فيها بالقاز وبخاخ مستر ميكانيك همن زيتها تزييت خفيف جدا

عشان تمرنها يبيلك ترمي اقل شي ربع صندوق ضغط 36 وركب لها تشوك 690 ترولوك الاصلي وانتبه تركب الوصلة المقلدة وان لقيت تشوك مخرق افضل

بعد التمرين سولها تنظيف مرة ثانية بالقاز وبخاخ مستر ميكانيك تلقاه عند محلات السباكة او العدد اليدوية همن زيتها تزييت خفيف جدا ولا تكثر من الزيت شي بسيط جدا مسح خفيف على المخزن والمجرى حق المكينة - اذا كثرت الزيت تراها بتمسك غبار همن تبدأ تعلق معك بالرمي

شف عند الرماية زيت خفيف جدا اسمه ( يوستا ) خفيف جدا ولا تحط زيت الطعام تراه يجمد ويمسك انتبه

واهم شي لاتلعب بضغط الغاز ولاتسمع كلام احد يقولك فره يمين ولا يسار خله على شد البلد واذا تبي شوري لاتتجاوز ضغط 40 وتعيش معك 1000 سنة ترا بضغط 40 تطرح الكرك بس الصيد يبي سعة صدر وركادة ولو تحط ضغط 66 وانت مطفوق وصعفقة ما تطرح ولا عصفور فوق راسك



اشدد على مسألة الوصلة لاتاخذ وصلة تقليد وايضا اشدد على مسألة الغاز لاتلعب فيه ابد ومفتاح وزن الغاز خله بكيسته مع الوصل اللي معه لا تفكها

استخدم تشوكين فقط 690 الاصلي + تشوك الفل اللي يجي راكب بالماصورة فقط وهذا تستخدمه اذا اذا تبي رش كثير ومسافة قريبة --يعني الاستخدام الغالب % 99 تشوك 690

بالنسبة للسعر اذا هي جديدة وفيبر تعتبر جيدة مقارنة بالسوق واتوقع سعرك هذا 7500 انها خشاب والله اعلم


وفالك الدسم

[juba111]

لله يعطيك خيرها ويكفيك شرها.

[مقلب الشعيب]

كل عام وانتم بخير
سعرها طيب:good2: الله يعطيك خيراها ويكفيك شرها

[رعد سدير]

مبروووك والله يعطيك خيرها ويكفيك شرها هاذي صيده لان اسعارنهن الحين نار ..البيكال ميزتها انها تتحمل وقويه ..وعيبها كل اربع دستات لازم تنظف ..وايضاً رميها بآآرد وماتطرب ...جرب التشوكات الي ذكروها لك الشباب ..

[فرخ قطا]

لا ابشرك سعره طيبشكله بارودك مموهه وماصورته٢٨
واحد اخذن مثله روعه

[اقوى الرجال]

وش الفرق بين التشوك العادي والتشوك المخرق

[البديوى]

يعطيك خيرها ويكفيك شرها وفالك الدسم

[عاشق المقناص6]

جزاكم الله خير

البندق خشب ماهي فيبر

[قناص مهداوي]

انا شاريها قبل العام أخت الجديدة فيبر 30 ما صورتها ب7700 واتوقع انك صايدها رخيصه