الظاهر ان البطاريه قضت

[المنطلدز]

السلام عليكم

من العايدين

اليوم وانا بالبر كاشت يوم جيت امشي وجيت اشغل ولا مايشتغل الموتر بس انه يظرب بوري ومير يشركلي واحد من الشباب ويشتغل الموتر اتضح انه ناقص بطاريه او قاضيه مادري وش بلاه
الموتر فتك موديل 2006 مادري عن عمر البطاريه لاني شارريه لي سنه ومادري متى مركبه اللي قبلي


فا وش رايكم اتوقع ان البطاريه الكترونيه وش رايكم اغيره لجافه ووش النوع المناسب وكم سعره الله لايهينكم يالربع

[المنطلدز]

ناضرت البطاريه

طلعلي اللون الاسود يعني اشحن

وش رايكم اعبيه ولا اغيره لجافه وبكم اعبي البليه ذي

[فتك08]

و الله يالغالي أنا حصل لي ماحصل لك ليلة رمضان و في بر حتى الإرسال يالله يالله

كانت هنكوك إلكترونية طبعا مالاحظت عليها شي قبل تنتهي أبدا إلا قبل ماأحرك من

عند البيت يوم دقيت سلف كأن الدقة مش و لا بد الصوت حاس إن فيه ضعف....

و عليها عقب ماطفيت أبي أشغل و توهقت المراد كلمنا و وصينا واحد و كانت العين

على إف بي اليابانية العادية قيمتها 460تقريبا طبعا 80امبير لكن الرجال اللي وصيناه

كان مستعجل و لا حصل لازم يروح للصناعية و مشوار عليه و بنأخره فقلت له عطنا

أي شي أهم شي 80 إمبير و جاب اي سي ديلكو مع العلم إنها فاشلة طبعا بـ340

إلكترونية لكن الشكوى على الله نمشي الحال.....فنصيحتي لك العادية أفضل و تعيش معك

أطول وقت بشرط معايرة الماء دائما و أن يكون بين الخطين و يبين فيها الضعف بعكس

الإلكترونية((النكبة)):D خذلك هانكوك كورية أو اف بي يابانية...أو أي نوع يفتونك

فيه الإخوان...

[أبوصالح9]

لاتركب اكترونية

ركب عادية احسن بس اهم شي كل شهر افتح الكبوت الله لايهينك وشيك عليها اذا ناقصة زوده وكل ستة اشهر

فك اصابع البطارية وصنفر الاصابع واذا ركبت الاصابع بعد التنظيف رش عليها رشة بسيطة من بخاخ الصدأ

البرتقالي او اي بخاخ صدأ فيه نسبة زيت احسن من الشحم لان الشحم يمسك غبار واجد وهذا وجهي ان فضت

بطاريتك قبل سنتين - لي اكثر من 10 سنين هذي طريقتي والله يذكر بطارية موتري الاول اقسم بالله العظيم

انها جلست
خمس سنين كان معي فورد 2001 فاكة وكالة وغيرت البطارية شد البلد عام 2006 وغيرتها مجبور لان

الاصابع تحللت ولا البطارية جديدة بس خفت تنشق من عند الاصابع لان بلاستك الاصابع بدأ يتشقق واذا انت

بالقصيم رح لصناعية عنيزة ادخل يمين بعد المحطة همن اول شارع يسار لف معه بيجونك محلات الكناديس تلقى

محل بطاريات اسمه على ما اعتقد ( اطلس ) على يديك اليسار قدام محل الكناديس ( ابو ثلاث حفر ) والعامل

اسمه راجو قله ابي بطارية يابانية من القديمات الاصلية اذا عنده

انا مركب عنده بطارية عادية للجيب والحين لها سنتين وزيادة والحمد لله ما عندك بأزين منه مع العلم ان وقت

المخيم الله يجيب السيل كنت اولع لمبة الكبوت من بعد المغرب الين حزة النومة بس اهم شي

وانا اخوك الصيانة والمتابعة وان شاء الله بحاول اني احطم الرقم القياسي 5 سنوات

اهم شي لاتقرب الاكترونية

وانا اشوف انك تغير بطاريتك جديدة الشحن مهب عملي واشوف الشباب يمدحون بطاريات هانكوك الكورية لكن ماعندي علم عنها

انا مقتنع بشي واحد لو ان شاء الله بطاريتك بنغلاديشية وتحافظ عليها وتتابعها وتسويلها صيانة كل فترة تعيش معك اطول فترة ممكنة

موفق خير وانا اخوك

[الكلاسك]

ركب أي شي الا بطاريات AC delco
انحش منها .
ما يمدحها الا اصحاب المحلات
لانهم يغرونهم بالعموله وخذ يا مدح !!!

[المنطلدز]

عز الله انكم ماقصرتو يمال العافيه ابو صالح والباقين

ابو صالح انا من عنيزة وشكلي ابمر على اطس وابقوله يركبلي ذي اللي تقوله بس الله يجيب رابع العيد عشان يفتحون
سلطه البطاريه ماقضت الا ليله االعيد ههههههههههههههه

ابو صالح ماتدري بكم يركبه مع سعره اطلس البطاريه ولو تعطين اسمه بالظبظ

[ابو شدووو]

البطاريات الموجودة الان كلها ما تنفع

[كاشت بالبر]

بسيارتي وسيارات اقاربي

ما جربنا الا اسي ديلكو الإلكترونيه

عمرها تقريبا سنة أو سنه وشوي .. على حسب حظك وعلى حسب اهتمامك بالبطاريه


أهم شيء تأكد ان البطارية أصليه وتاريخ انتاجها جديد

[أصيل حجآ زي]

http://im.gulfup.com/2011-02-10/12973306271.jpg



زي ما تفضل به الشبآب / أبو صآلح
وفتك 8 0 وغيرُه


ركب بطآرية هآنكوك الكورية Hankook
http://www.up.t-kjool.com/upfiles/R3k40806.jpg



أو باقآدر اليآبـــــــــــــــــــــــآنيــــــــــــة .
http://img299.imageshack.us/img299/6968/kjkdr.jpg




أو بآنسونك اليآبآنية :
http://www.up.t-kjool.com/upfiles/a6k40806.jpg




وأحذر من أي سي ديلكو AC Delco المُعآد تدويرها بجدة .
فقط ينظفوها ويشحنوها ويلمعوهههههههها وينصبون على خلق الله .


أي سي ديلكو كآنت أروع بطآرية يوم كآنو يجيبوها من أمركا .

[المنطلدز]

ماقصرتو
لكن ممكن تعطونن كم اسعارهن عشان مااصير ضحيه النصب اللي بالمحلات

[أصيل حجآ زي]

ماقصرتو
لكن ممكن تعطونن كم اسعارهن عشان مااصير ضحيه النصب اللي بالمحلات




يأخينا الكريم :

أسأل عدة محلآت قبل الشراء عن الأسعآر .
وكآسرهُم في السعر .

وأهم شيء بعد ما تتفق معهُ على السعر .
تطلبهُ 50 ريآل قيمة الرجيع .

البطآرية القديمة يأخذوها رجيع بـــــ 50 ريآل لا ينصب عليك .
أو يخصمها من السعر للجديدة .
:good2:


موفق
وتلقى خير

[أبوصالح9]

المعذرة وانا اخوك لاهين بهالعيد بحاول اشوفها لك بكره واردلك خبر

احترن لاتيأس حتى لو اموت بوصيهم يعلمونك هههههههههههههه

الا منتب رايحن للحفير يالمنطلدز يقولون بوه مطامر والوعد هناك

[فتك08]

باقادر اليابانية 80 إمبير سعرتها ليلة رمضان

الإلكترونية بـ440ريال

العادية بـ460ريال

و أنصحك بالعادية سواء هي أو هانكوك أو ماأشاروا به عليك الإخوان

[العمده 0ون0]

وعليكم السلام ورحمة الله وبركاتة
كل عام انت والجميع بخير ومن العايدين والفائزين ان شاء الله 0
ياالغالي:
اكيد الافضل البطارية العادية التعبئة تعيش اكثر مثل ماذكر الاخوان وفيها ميزة تاريخها يبدأ مباشرةٌ بعد تعبئتها بالأسيد عكس الالكترونية ماتدري عن مدة تخزينها هذا اولا0

ثانيا:
تعيش فترة اكثر اذا حافظة على صيانتها0

ملاحظة بسيطة:

اكيد بقولك راعي البطاريات ركبها بعد ساعة حتى تمسك كهرباء في هذه الاثناء سوف تلاحظ اذا لمست البطارية من الجنب وجود حرارة بعد تعبئتها الافضل انك تتركها اكثر من ساعة قبل التركيب حتى تبرد البطارية تماما ثم ركبها تعيش اكثر عمراَا بإذن الله0


هذا والله اعلم0
:s

[أَبوابراهيم]

بخصوص AC Delco وقيمتها قبل اسبوع 290 ريال لاتفكر فيها لانها تصنع حاليا في السعودية وسيئة لابعد درجة عكس يوم كانت تجي من امريكا

انصحك بالبطارية التماتيك وانصحك بـ بانسونك 80 امبير ضمان سنه تجلس معك اكثر من سنه بالراحة حدود سنتين وجودتها فوق الممتازة مقارنة بالموجود في السوق ركبتها قبل اسبوع بنصيحة الوالد حكم انه مجربها من فتره ب300 ريال بعد الخصم و270 مع الرجيع

[المنطلدز]

الله يعطيكم العافيه ماقصرتو

ابو صالح ههههههه مهنا حفير الخطه ام حزم اقرب

ان شاء الله ابركب باقادر عاديه ماقصرتو

[أبو محمد 666]

فيه بطارية طيبة وسعرها طيب
yusa
55 امبير ب150 ريال مع الرجيع
80 امبير ب205 ريال مع الرجيع
طبعا الكترونية وعليها ضمان سنة

[أبوصالح9]

بالخيرات

جبت لك العلم يابعدي

بطاريتي قولدن اليابانية من الاولات بس تراها منقطعة اللي فيه الحين قولدن بس تايوانية رحت لعنيزة اليوم

علشانك ورحت لم اطلس اللي قلت لك عليه لقيته مسكر يقول الهندي اللي جنب محله يفتح بكرا يعني يوم الاربعاء

ورحت محل الغشام لقيت عنده بطارية ( اكسيد ) كورية يقول سعرها 350 ريال وعليها ضمان سنة ونص ضمان المحل بس

تراها اكترونية وانا ضد البطارية الاكترونية

وعنده بطارية باقادر عادية مهب اكترونية صناعتها يابانية سعرها 480 ريال بس اللي لحس مخي انه مكتوب عليها 65 ويقولي هذي 80 امبير

وعنده هانكوك كورية بس اكترونية ماعنده عادية ولا راح اطيل الكلام فيها لاني متعصب للعادية اكره ما اشوف الالكترونية

فيه نقطة مهمة وانا اخوك اذا الله كتب واخذت بطارية عادية انتبه يلعب عليك ويركبها على طول اقل شي خله يعبيها واتركها عنده 6 ساعات

واذا تبي شوري لاتركبها الا ثاني يوم خلها يوم كامل عنده خذ عليه فاتورة وارجع له بعدين واذا منتب مطول خلها 12 ساعة بالضبط

اسم المحل ( جملة البطاريات ) للغشام لوحته حمراء قبل محل الغشام حق قطع الغيار

اهم شي لاتركب اكترونية وعليك بالصيانة والمتابعة وراح تدعيلي

وتراي سألت اخوي ويقول الظاهر انهم متواعدين بنقرة ( عشرة عشرة ) وفالك النوافير هههههههههههه

[المنطلدز]

يمال العافيه ابو صالح احرجتنا يابعدي

لكن وش صفت عليه اي بطاريه عاديه وش النوع باقادر ولا وش اعذرنا ابلشانك

[المنطلدز]

ابشركم ركبت بطارية

رحت لم اطلس يابو صالح يقول ماعندي بطاريه جافه خير شر

ومير ادوج بهالمحلات وكلهن ضماناتهن على ست اشهر
ومير القى بطارية NBC المانيه جافه وعليه ضمان سنه وثلاث اشهر مادري احس اننه زينه ههههههه ومير اشريه
طلعت علي مع الرجيع بـ 280 80 امبير مقاسه

وذا رابط الشركة حقته اللي تجيبه http://www.battariat.com/ar/Products/ProductDetails.aspx?ProductID=2


وماقصرتو الله يعافيكم ياالاجواد