قصيده سحاب نجد -راعي شقراء -البيت ونتي مثل جسمن وروحه

[سحاب نجد راعي شقراء]

هلا بالغالين يالله انك تسعدهم وتصلح لهم ذرياتهم وهل بيتهم جميع

هذي القصيده كتبتها في ام المدام احم احم بعد ما طلعت من المستشفي وذا الكلام من سنه نوح عليه السلام ونا كاتبها ابي اتميلح عند المره لعلها تغلط وتقولي كلمه توسع الخاطر بس قظا عمري ما سمعت شي يوسع الخاطر يا عنك انه ملعوب علينا من مبطي مدري وش بس يقنعهم

ههههههه تصدقون انها مرتن سمعتني اقول يالله بالجنه والحور العين يوم زعلت وقالت ونا بعد يالله بالجنه وحوري عيني تبي تحرني وقلت انا متا بس ونا الي ازفك له يبي يبحلونا حتا في الجنه ولكم القصيده ونا مسندها لبو حرمتي جعله في الجنه هماي اقول لكم من سنه نوح ذا القصيده



يــا خــال أنــا اســمع حــمــامـن سـاجـعـن صـوتـه



و مـن زود فــرحـه فــــوق جــــو الســمـــا حــــام



هـــــو لاقــيــــن غــــــادي أو لاقــيــــن قــــــوتـــــــه



مــاهـــي عـــوايـــدك الـفـــــرح يـــا ذا الحـــمــام



مــن غـــاب راعـــي البــيــت غــابــت مـــزوحـه



يـــا كـــود نــســمــع نــوحـــهــا مــثــل الـيــتــام



و اليـــوم أشـــوف الــوقــت مــشفــي جـــروحـه



و تغـــيـرت حـــالـــه مــع الوقــــت بــانـــعــــام



و نــشــدت أنـا طـيــر الفـــرح عــن فـــروحـــه



قـــال الـلـــذي غـــايــب رجــــع والســعــــد دام



حـــتـــى حــمــام البـــيـــت مـــثــر بــروحـــــه



يــــامـــن غـــيـــابــك مــا تـــداويــــه الأيـــــام



أنــــور عـــلـيـنـا البـيــت و للـطــيــب فـــوحــه



واشــرق ســمــانــا ونــجــلــى مــنــه الـغــمــام



الـــبــيـت و أنــتــي مثـــل جــســمــن وروحـــه



وجــســمـن بــليــا روح وش فـــود الأجـــســام





سحـــــــــــــــــــــاب نجـــــــــــــــــــــــــد

[Sweetheart]

الله يديم المحبة .. وقصيدة رائعة

[ال-رايق]

الـــبــيـت و أنــتــي مثـــل جــســمــن وروحـــه*وجــســمـن بــليــا روح وش فـــود الأجـــســام/وفيه مثل صحيح بالانقليزي (ذا لايف ويذاوت وايف لايك زيرو ويذاوت فايف)=(الحياة بدون زوجة مثل الصفر بدون خمسة هههههههههههه)
صح لسانك ..............ذهب واغلى من الذهب..ولوك قايلها فيني وانا حرمتك/ذبيت الذهب اللي عندي في شقك............وحرّمت بالطلاق ماعاد يرجع.
,,,,,,,,,,,وصدقت ياخيي اذا قلت لها كلمة زينة قالت غريبة وان صقت عليها قالت عوايدك ماعمرك قلت لي كلمة طيبة.
------------------------------
وتسلم اعنك انك قلت ابيات جزلة المعاني/مؤثرة واجتماعية /الله يوفقك
وعيدك مبارك

[سحاب نجد راعي شقراء]

الله يديم المحبة .. وقصيدة رائعة

هلا وغلا شرفتني يالغالي

[سحاب نجد راعي شقراء]

الـــبــيـت و أنــتــي مثـــل جــســمــن وروحـــه*وجــســمـن بــليــا روح وش فـــود الأجـــســام/وفيه مثل صحيح بالانقليزي (ذا لايف ويذاوت وايف لايك زيرو ويذاوت فايف)=(الحياة بدون زوجة مثل الصفر بدون خمسة هههههههههههه)


صح لسانك ..............ذهب واغلى من الذهب..ولوك قايلها فيني وانا حرمتك/ذبيت الذهب اللي عندي في شقك............وحرّمت بالطلاق ماعاد يرجع.
,,,,,,,,,,,وصدقت ياخيي اذا قلت لها كلمة زينة قالت غريبة وان صقت عليها قالت عوايدك ماعمرك قلت لي كلمة طيبة.
------------------------------
وتسلم اعنك انك قلت ابيات جزلة المعاني/مؤثرة واجتماعية /الله يوفقك

وعيدك مبارك


هلا ومليون غلا بالغالي

شهادتك وسام شرف وفتخر فيه

وكل عام وعيدك مبارك وصحه وسعاده

اقول كان نبيهم يقولون لنا كلمه طيبه فعز الله ما سمعنا ها

الله الهادس الا سواء السبيل

في حفض الرحمن الرحيم

[هيف راعي كيف]

صح لسانك وحلاة هالقصيدة انها قديمة

وماعليك من هالحريم بعضهن جحود لاتنفع وجه ولاقفاء هههههههههه

والله يرزقني وياك بالحور العين ومن يقراء

[قوافي ( أم نهار )]

حياك الله اخوي
قصيده جميله ورائعه بارك الله بك
تحياتي.اختك
..قوافي..

[سحاب نجد راعي شقراء]

صح لسانك وحلاة هالقصيدة انها قديمة

وماعليك من هالحريم بعضهن جحود لاتنفع وجه ولاقفاء هههههههههه

والله يرزقني وياك بالحور العين ومن يقراء

هلا ومرحبا ومسهلا

والله انك صادق ان بعضهن مثل العصبه لا تنفع لا طبخ ولا شوي

الله يجزاك بالجنه يالغالي اللهم امين الله يحقق دعوتك
بس ظنك نبي نلقا ربعنا فيذاك الله لا يقوله ههههههه انا مابيهم من هلحين هههههه ونت عاد بصرك لك الاختيارههههههههههه
احب امزح معك يالغالي

[سحاب نجد راعي شقراء]

حياك الله اخوي

قصيده جميله ورائعه بارك الله بك
تحياتي.اختك
..قوافي..

هلا ومرحبا بالغاليه قوافي

شرفتيني بحظورك شرف الله مقدارك