خاص بصقاقير الرياض و المنطقه الوسطى .... !!

[كشات نجد]

بسم الله الرحمن الرحيم

أخواني أعضاء منتدا مكشات وخيمة الصيد بالصقور في البدايه كل عام وأنتم بخير ومن العايدين الفايزين وتقبل الله منى ومنكم صالح العمل لدي إقتراح بسيط مع قرب نقل الطير والدعو إقتراحي هوا أن يتم وضع قنوات في جهاز الكنود للصقارين اللي يدعون طيورهم وهي على النحو التالي

مدعى الحرس و مدعى صلبوخ و مدعى الحفنه و مدعى حدبا قذله و مدعى المحمديه

على ان يحدد لكل مدعى رقم قناه معين لكي يتم الاجتماع بين الصقارين وتبادل الخبرات والتحديات بينهم والاهم هو شوفة الرجال ويتم تحديد القنوات من مشرفي خيمة الصيد بالصقور

هذا مجرد اقتراح ان اصبت فيه فمن الله وان اخطأت فمن نفسي والشيطان هذا وصلى الله على رسول الله صلى الله عليه وسلم

اخوكم : طارق العتيبي

[تواق]

عاده عليك بصحه والعافيه

اقتراح جميل ويعود بنفع للجميع في لو قدره الله ضياع طير في احد تلك المواقع يسارع
ابلاغ الصقاره على القناه المخصصه للموقع

[كشات نجد]

عاده عليك بصحه والعافيه

اقتراح جميل ويعود بنفع للجميع في لو قدره الله ضياع طير في احد تلك المواقع يسارع
ابلاغ الصقاره على القناه المخصصه للموقع


وهذا احد اهم ركائز هذا الاقتراح

[(هزاع)]

ونعم بك ياطارق
أسئل الله ان يجعله في موازين الاعمال
يعتمد اكثر الاخوه قناه خاصه في المدعى كي يحجبو التداخل من اهل الحلال وهل المصالح الاخرى وعابري الطريق
وفي هذه معك حق
وعادة مايتفق مرتادي المدعى على رقم القناه كي ينبهو بعضهم وقت الهدد مع تشغيل الانوار للتنضيم
او وجود مايستدعي التنبيه

[كشات نجد]

ونعم بك ياطارق
أسئل الله ان يجعله في موازين الاعمال
يعتمد اكثر الاخوه قناه خاصه في المدعى كي يحجبو التداخل من اهل الحلال وهل المصالح الاخرى وعابري الطريق
وفي هذه معك حق
وعادة مايتفق مرتادي المدعى على رقم القناه كي ينبهو بعضهم وقت الهدد مع تشغيل الانوار للتنضيم
او وجود مايستدعي التنبيه



وانا ارجو هذا من الاقتراح يكون لكل مدعا قناه مخصصه فيه لكي يتم عن طريقها التعرف ع الصقارين وتبادل الاراء والخبرات وتنضيم المهدات والسوالف الطيبه ومثل ماقال اخونا لاسمح الله غدا طير الا الرجال الخيره تسمع وتفزع

[خيال سهيل]

اقتراح جميل وقد تم وضع قناه متعارف عليها لصقارت شرق الرياض او الأغلب منهم ولا اعلم عن باقي الجهات
واقصد بذالك ان مدعى الحرس ومدعى الوليد والحفنه تكون القناه العامه لصقارين 145000 وبالنسبه للي يبي يكون لحاله يطلع 25 او ينزل وعلى راحته

وانا اعتقد لو تتوحد في مناطق الرياض الأخرة يكون افضل ففو مثلا احدنا راح لجنوب الرياض لأي سبب يكون عنده علم مسبق بالقناه العامه لصقاره مثل القناه العامه حقدت المحادثات العامه
وسلامتكم ابرك

[كشات نجد]

اقتراح جميل وقد تم وضع قناه متعارف عليها لصقارت شرق الرياض او الأغلب منهم ولا اعلم عن باقي الجهات
واقصد بذالك ان مدعى الحرس ومدعى الوليد والحفنه تكون القناه العامه لصقارين 145000 وبالنسبه للي يبي يكون لحاله يطلع 25 او ينزل وعلى راحته

وانا اعتقد لو تتوحد في مناطق الرياض الأخرة يكون افضل ففو مثلا احدنا راح لجنوب الرياض لأي سبب يكون عنده علم مسبق بالقناه العامه لصقاره مثل القناه العامه حقدت المحادثات العامه
وسلامتكم ابرك

بيض الله وجهك ع الكلام الطيب وهالاقتراح لجميع صقاقير الرياض والمحافضات التابعه لمنطقة الرياض مثلا انا بطلع ادعي اليوم في الحدبا يكون لها رقم قناه محدد يكون الجميع عليه ومتعارف عليه من اخوانا الصقارين انا اتوقع هذا افضل ونشوف اراء اخوانا البقيه واقتراحي هذا يكون فيه نوع من الخصوصيه بين الصقارين في نفس المكان

وياليت يكون من اخوانا في الاداره مشاركه وابداء ارائهم

[البرنس الليبي]

بيّض الله وجهك على الاقتراح الطيب والهدف منه اطيب ولكن من سلبياته انك ماتقدر تمرن طيرك على كيفك ؟ لانك إذا شقلبته على الملوح وطوّلت تنحرج من ربعك الباقين اللي يبغون يدعون طيورهم وينتظرونك تمسك طيرك مع انهم مايرحمونك لو قصّر طيرك وراحت الحبارى بسبب قل اللياقه;) والمشكلة الاخرى ان الوقت الايام القادمه بيصير ضيّق يعني تغيب الشمس بسرعه ...انا عن نفسي احب ادعي مع مجموعه خاصه من ثلاثة إلى اربعه امون عليهم كلهم ويمونون علي ..وجهة نظر يمكن غلطان ...عموما هدفك نبيل وهو احد الفوائد من الصقاره لانها تعرفك على الوجيه الطيبه شرواكم لكن اللي انا ذكرته سلبيه واحده ما تأثر:D

[راكااااان]

اخوي طارق بيظ الله وجهك اقتراح جميل جدآ وعساك على القوه نشاءلله اخوي برنس ارض الله واسعه ونا اخوك لو تجتمع صقاقير المملكه كلها مامن ظيق نشاءلله المدعى واسع وصدور واسعه بأذن الله مدعى الحفنه الرمحيه فوق الخمسين كيلو واكثر بعد اما مدعه الوليد ماعندي استعداد ادعي فيه ابد كيف صار مدعى مدري

[راعي - عديم]

يعطيك العافيه على الرأي الطيب


وبالنسبه لأخوي خيال سهيل


القناه العامه برماح وضواحيها الخاصه لأهل الحلال
هي
144000 و 145000
وذلك لدخول مدعى الحفنه ومدعى الرمحيه في نطاقها


للتنبيه فقط


وأكيد لابد لكل مجموعة صقاقير قناه خاصه

[سعود ابوراشد]

جزاك الله خير أخرى الغالي علي هذا الموضوع ليش مانوحد الرقم لكل المناطق علشان نسهل علي الاخوان حفظه
وفقكم الله

[راعي غضبان]

كلام سليم اخوي طارق والله يبيض وجهك تحديد القناه رايك سديد ومعك حق هذه لافائدة الجميع على شان 1- ضياع الطير لا قدر الله يبلغ العموم الي في المدعى سواء في شبك الحرس او الحفنه ورماح وضواحيها او الحدبا او النقا او المحمديه اي مكان وكل منطقة تحدد قناه يبلغ العموم فيها
2- يستفيد اي واحد هاد طيره مادراء بالي جنبه يجيه طير الرجال مادراء يبلغه ويقضب طيره قبل يجيه الطير ويضرب طيره ويضره لاقدر الله
وبالنسبه للجمعاء والتعارف صعبه قبل المدعاء لان الوقت ضيق والواحد معه كم طير صعب يخلصها كلها
اما بعد المدعى ينادون بعض ويريحون ويتعارفون مافيه شي وهذا شي تشكر عليه والله يبيض وجهك وتقبل تحياتي

[كشات نجد]

بيض الله وجه كل من تفاعل مع الموضوع والله يجمعنا وياكم والمسلمين بجنات الخلد
ياليت احد مشرفي الخيمه يدخل للموضوع يسوي تصويت لكي يتم تحديد القنوات

[sasasasas]

اقتراح جميل وانا من المؤيدين
لهذا الاقتراح لمنفعة الصقارين واهل المدعى
تحياتي لك اخوي طارق

[براك11111]

لاهنت بارك الله فيك فكره طيبه

[خالد العطااوي]

موضوع جميل وموفقين خير ..