اللي امجرب الفشق

[بوسبع]

تقبل الله طاعتكم وكل عام انتو ابخير
حبيت اسأل عن فشق محل غدير السور بج رارو×EXTRA اشلونه من فشق بغيت رقم 28 قرام و32 اللي امجربهم يقولي ابيهم للفري الله يرزقكم ويانا وهل الفشق نظيف وينوز ورشه زين سعره 55 حق 28 و60 حق 32 ومايدخن وايد مثل ماسمعت وشكرا

[ابوعاشة]

اخوي انا بعطيك رايي اخذ فشق ايلي فشق مارميت اطيب منه يطرب بكل معنى الكلمة

[راجي السيل]

يفيدونك الاخوان ان شاء الله

[بوسبع]

جزاكم الله خير علي الردود
اخوي ابوعايشه من وكيله الفشق وهل ايطالي وجم اقارم اللي تنصحني فيه ابي حق الفري وشاكرلك

[ابوعاشة]

جزاكم الله خير علي الردود
اخوي ابوعايشه من وكيله الفشق وهل ايطالي وجم اقارم اللي تنصحني فيه ابي حق الفري وشاكرلك
والله ياخوك انا بالسعودية ومالي خلفية عن الوكلا

بس الفشق انقليزي من شركة ايلي انا جربت 36 سبعة ونص طيب بالحيل وممتاز للفري وخفيف عالبندق ونظيف

[مجنـ قطا ــون]

هلا ومرحبا أخوي ابوسبع وعيدك مبارك

الفشق الي ذكرت انا جربت منه العام

ظغط 32 الي يجي لون الفشقه سوده وصفرتها قصيره مره

الفشق صراحه بارد على الصيده وفيه الي احسن منه

وتحياتي لك...

[ابوفهيدان]

مر محل المزين بالشويخ وخذ ريو الفرنسي ممتااااز

[بوسبع]

جزاكم الله خير علي الردود وكل عام وانتو ابخير وتقبل الله طاعتكم

[الفايز1]

بو سبع فشق اكسترا 32 يمدحونه الناس وبلغنى واحد من الشباب انه بس يوصل عند غدير السور ما يطول ويخلص عليه طلب

[بوسبع]

اخوي الفايز هذا الفشق اللي اسأل عنه بس الشباب ما امدحوه اختلفت الاراء في ناس تمدحه وناس تذمه انت اشرايك فيه