جهاز تتبع ابو 500 ريشه ( ليس للبيع )

[(هزاع)]

بسم الله الرحمن الرحيم
السلام عليكم ورحمة الله وبركاته
(جهاز ابو خمسمية ريشه)
سعره عند السويبع (2700)وعند غيره(2500) وب 29 /9 / 1433 شارين جهاز نفس ذا (2500)
جايب لكم اليوم صور للجهاز ونا شاريه العام وجربته وما عليه كلام
ومايحتاج معلم سهل جدا لاصارت الريشه مثلا رقم 7 خل الارقام 606 يعني نقص رقم
والزرار اللي بجوار الانبير له 3 طقات قريب ومتوسط وبعيد


من حيث خف الوزن (800)جرام مع البطاريه
وطوله( 30 )سم وعرضه لاسرت مقفل ارايله (9)سم ولافردت ارايله عرض (51)سم من طرف الريشه اليمنى الى طرف الريشه اليسرى
وفعله فعل السعد جهاز طيب ويلقط مسافات طيبه
لاكن
شفت اجهزه مماثله له عليه الطبعه الاشاره بدل الرتقالي صوره شيهانه مادقت زين معنا ما ادري هو تقليد على ذا او لا الله اعلم
ابتركم مع الصور واللي عنده علم بالانقليزي يترجم الصناعه والاسم:)
ارجو الفايده لاخواني ولاتنسو ان تدعو لي لوالدي



http://up.arab-x.com/May12/ZP160666.jpg



http://up.arab-x.com/May12/S1s60671.jpg



http://up.arab-x.com/May12/js360676.jpg





http://up.arab-x.com/May12/UH760681.jpg




http://up.arab-x.com/May12/Hwy60867.jpg



http://up.arab-x.com/May12/fCp61211.jpg

[اقدم صقار]

هلا والله بك يا ابو مشعل

موضوع الاجهزه يقلب الراس :D:D

لاكن الجهاز اللي انت عارض صورته هذا طال عمرك امريكي واصلي 100%

بصراحه دقيق في تحديد الجهه والشي الثاني خفيف المنقل واذا صفطته يكون حجمه صغير

الشي الثاني البطاريه حقته تبطي وماهو مثل الاجهزه اللي على طول غير بطاريه:good2:

اما بخصوص صناعته فهو امريكي درجه اولى

اما الثاني اللي مثله ولاكن مقضبه لونه برتقالي فهذا مكتوب عليه امريكي ولاكن ماهوب اصلي (انحش ) من النوع التقليد وما يروح مثل ذا

اتمنى اني افدتك يا ابو مشعل


الله يتقبل منا ومنكم صالح الاعمال وان يغفر لنا ولكم ولوالدينا اجمعين

اخوك ابو منصور

[البرنس الليبي]

الله يرزقك بالسعر الطيب يابومشعل ..انت لحية غانمه وصدوق وتستاهل كل خير.

[(هزاع)]

جهاز تتبع ابو 500 ريشه ( ليس للبيع )
الموضوع تعريف ونصح للاخوان وليس عرض سلعه للبيع

[ذراع الذيب]

السلام عليكم ورحمة الله وبركاته..
مسيت بالخير يابومشعل..

هذا امريكي مثل ماقالو الاخوان واعتقد اسمه مارلين ودقيق جداً مثل ما قال اخوي ابومنصور وممتاز..
واللي لونه برتقالي ما ادري انه تقليد لاكني مجربه وممتاز جداً وجهازك يابومشعل عند خويي مثل جهازك وجربه على ريشه ابوقرص..
وجاب معه عشرين كيلو وكان الجو وقتها عج وغبار وابي منك خدمة ترسلي رقم المحل اللي شريت منه..
ودي بثلاث اجهزه لأني كلمت السويبع وقال ماعندي اصبر بعد العيد ومادري عنه بيجيبه ولا لا..
وتحياتي لك..

[سنجااار]

بيض الله وجهك افدتني بجهاز مجرب ووممتاز على وصفك ومدحك

مشكور رلاهنت ×

[هاوي الصلفات]

جزاك الله خير يابو مشعل
على الشرح و التوضيح الدقيق
وعز الله جهاز طيب ووذف واسهل استعمال من الاجهزة الاخرى
وافدتونا في سالفة التقليد
بارك الله في الجميع

[mr-uae]

السلام عليكم ورحمة الله وبركاته

كل عام وانت بخير

بارك الله فيك يـــا بومشعل والله أفدتنا بموضوعك المميز ومعا الشرح بالصور

بس تاكدو لنا من اسمه اهو أكيد مارلين ولا له اسم ثاني؟

[القحطاني]

عندي ثلاثة اجهزه للبيع جديده مثل الجهاز اللي في الموضوع للبيع الموقع (الدمام)
ب 2500 ريال ((امريكي اصلي)) ويوجد معه مقبضين( رصاصي وبرتقالي)
للاستفسار ارجو الاتصال
0503541114

[صقار محترف]

هذا أمريكي وممتاز جداً

القديم يختلف شوي عن الجديد
الاول شاشة الانبير مافيها نور
والجديد فيه
ويختلف الشعار ايضا
لكن نفس الشركة ونفس الصناعه والجوده
جهاز ماعليه كلام ابدا ومجرب مع المارشال

[عابر الموج]

الله يعطيك العافية يابو مشعل لكن لايقارن بقوة الولدلايف فرق عشرة كم بالمسافة واخونا ذراع الذيب ابوناصر عنده خبر بذلك واكثر الصقارين رجعو للولد لايف ويعتبر طيب بالاماكن المكشوفة لكن الجبليه لا تقبل تحياتي

[سطام ابو سعود]

بارك لله فيك ياابومشعل اناعندي واحد ابوقبظه برتقاليه تحديد لايعلى عليه بس انقد عليه ماله مدى حولك ثلاث اواربع كيلو تقريبا
افيدونا بارك لله فيكم

[اقدم صقار]

بارك لله فيك ياابومشعل اناعندي واحد ابوقبظه برتقاليه تحديد لايعلى عليه بس انقد عليه ماله مدى حولك ثلاث اواربع كيلو تقريبا
افيدونا بارك لله فيكم



ابو سعود

الجهاز ماله دخل بالمسافه لانه يلتقط ارسال الريشه

المشكله عندك بالريشه طال عمرك حاول تجرب بريشه من احد من اخوياك وبتشوف الفرق

اتمنى اني افدتك

اخوك ابو منصور

[(هزاع)]

الجهاز عباره عن مستقبل اشارات
الريشه هي مطلق الاشاره
عندي ريشه مادق عليها ابعد من (1)كيلو
وريشه دق عليها (8)كيلو ورجعت ويمكن لو زدت كان استقبل لان دقه كان قوي
ابوخمسميه انا جازلي جدا
وريشة ال ارتي مثل الهايلكس تصلح لكل زمان ومكان
وزين مابها لونتشها الطيرمايثر عليها
وم قرص اللي يقولو متطوره مشكلتا الطفيه المفاجئه ودور من يصلحها ولاهي تدق عشرين كيلو لاكن الطفيه هي علتها

[صقار مبتدئ]

هلا والله بك يا ابو مشعل



موضوع الاجهزه يقلب الراس :D:D


لاكن الجهاز اللي انت عارض صورته هذا طال عمرك امريكي واصلي 100%


بصراحه دقيق في تحديد الجهه والشي الثاني خفيف المنقل واذا صفطته يكون حجمه صغير


الشي الثاني البطاريه حقته تبطي وماهو مثل الاجهزه اللي على طول غير بطاريه:good2:


اما بخصوص صناعته فهو امريكي درجه اولى


اما الثاني اللي مثله ولاكن مقضبه لونه برتقالي فهذا مكتوب عليه امريكي ولاكن ماهوب اصلي (انحش ) من النوع التقليد وما يروح مثل ذا


اتمنى اني افدتك يا ابو مشعل



الله يتقبل منا ومنكم صالح الاعمال وان يغفر لنا ولكم ولوالدينا اجمعين



اخوك ابو منصور

اخوي ابو منصور كيف الحال كيف حكمت على الجهاز ابو مقبض برتقالي انه تقليد
http://www.com-spec.com/R400/index.html

هذا رابط الشركه و موجود فيها الجهاز وقيمته و كذلك يوجد له ريشه خاصه
و تحياتي لك

[ابو نادين2012]

السلام عليكم ورحمة الله وبركاته

كل عام وانت بخير

بارك الله فيك

[اقدم صقار]

اخوي ابو منصور كيف الحال كيف حكمت على الجهاز ابو مقبض برتقالي انه تقليد
http://www.com-spec.com/R400/index.html

هذا رابط الشركه و موجود فيها الجهاز وقيمته و كذلك يوجد له ريشه خاصه
و تحياتي لك



هلا اخوي صقار مبتدي

انا حكمت من تجربه وانا اخوك

وماهوب حول اللي مقبضه رصاصي خل عني الروابط والكلام الفاضي

اكيد كل شركه بتصنع بضاعه بتمدح وتحط لك اشياء اغراء ويبون يبيعون ما همهم لا مستهلك ولا غيره

اما البرتقالي اللي انت حاط رابطه هذا وانا اخوك مجربه ويجي منه صيني :(:eek: وخذ العلم الوكاد وشفتها مع خوياي وكلها اكس ما جازت لي <<< وجهة نظر تخصني ويمكن اكون غلطان الله اعلم

ولو الرصاصي ماهوب ناجح ما قلدوه وحطوا مقضبه برتقالي عشان يتلاشون الغرامه من الشركه الاصليه وشوف عيني مكتوب على واحد منها صنع في الصين

انا ما نيب مسوق سلع لاكن اتكلم بشي اشوفه واعرفه

هذا ما لدي واسمحلي على الاطاله

[القحطاني]

اخوي مع احترامي لك لاكن انا استخدم هذه النوعيه من 6 سنوات تقريبا
وكل سنه اخذ جهاز جديد
والجهاز الاصلي يجي من امريكا معه مقبضين رصاصي وبرتقالي
وانا سبق وجبتها من امريكا
والكلام هذا مو من فراغ
تقبل تحياتي ونحن هنا للفائده
وشكرا

[(هزاع)]

اخوي مع احترامي لك لاكن انا استخدم هذه النوعيه من 6 سنوات تقريبا
وكل سنه اخذ جهاز جديد
والجهاز الاصلي يجي من امريكا معه مقبضين رصاصي وبرتقالي
وانا سبق وجبتها من امريكا
والكلام هذا مو من فراغ
تقبل تحياتي ونحن هنا للفائده
وشكرا
شف التجار يبون يستفيدون باي شكل
اناشفت عند الصقر والصقار جهاز وقلتله ابي المقبض البرتقالي
قال على كيفك تبي الرصاصي او البرتقالي
الله وعلم انه يجي بمقبضين واحد مركب والثاني سبير
لاكن الله وعلم يفردون ذا عن ذا لاجل يبيعون الثاني للحاله
تجار!!!!
ونت عليك بالصناعه اما المقبض من وجهت نضري مهوب هم

[اقدم صقار]

اخوي مع احترامي لك لاكن انا استخدم هذه النوعيه من 6 سنوات تقريبا
وكل سنه اخذ جهاز جديد
والجهاز الاصلي يجي من امريكا معه مقبضين رصاصي وبرتقالي
وانا سبق وجبتها من امريكا
والكلام هذا مو من فراغ
تقبل تحياتي ونحن هنا للفائده
وشكرا


اخوي القحطاني

انا شفت جهاز نفس الشكل ومقضبه برتقالي ومكتوب علي صيني وجربت الامريكي مع واحد من اخوياي ابو مقضب برتقالي وماهوب مثل الرصاصي

انا مجرب ما اقول يقولون وعندي الرصاصي ما جاني معه مقضب برتقالي

تدري كلن عقله براسه ويعرف خلاصه

لاهنت على كل حال

[ثامر بن سعود]

السلام عليكم


يالربع أنا ودي اشري جهاز للطيور


ابو ٥٠٠ طير وابي الله لايهينكم وابي اعرف سعره جديد


وابي الاصلي منه وين مكان بيعها بالرياض


لأني أشوف الاخوان اختلفو فيه


ولكم خالص الود والاحترام

[ثامر بن سعود]

يا الربع افيدونا لاهنتم