مشكلة الحرارة العالية بالجنوط

[كاشت بالبر]

السلام عليكم

عندي مشكله غريبه ما ادري طبيعيه او لا

لكن اذا مسكت مشوار 50 كيلو بالكثير

الجنوط تصير حارة

وش عاد لو امشي 300 او 700 كيلو .. الكفرات بتذوب من الحرارة

ما ادري من وين المشكله

الجنوط ما ادري اصليه او تجاريه .. لكن على ما اظن تجاريه

ما اظن المشكلة بالجنوط .. يمكن من البيرنقات


وش رايكم

[patrol-fa]

وعليكم السلام ورحمة الله

طبيعي تصير حارة الجنوط .. بس لا توسوس تمشي 50 ولا 1000 حرارة الجنط نفسها ..

[mhammd]

السلام عليكم ماقلت لنا وش موترك

[رفيع المقام]

وعليكم السلام
اخوي كل الجنوط تصير حاره والا جهه معينه .؟

[سفااري]

السلام عليكم لا بعضها مش طبيعية انا كانت تصير معي والمشكله بالهوبات او الكليبر تأكد منها لاتهملها خصوصا ان كانك مغير اقمشة

[كاشت بالبر]

الله يجزاكم خير

ادري اني موسوس لكن حبيت اتطمن واستشيركم


السياره صغيره دفع أمامي

وحرارة الجنوط الأمامية أعلى من الجنوط الخلفيه

عندي رجة قوية بالفرامل تحتاج خرط .. لكن ما اعتقد لها علاقة بالحرارة

الهوبات قديمه واذكر واحد قالي انها منشعره شوي

والفحمات الأمامية ما غيرتها من سنتين أو اكثر


بصراحه محتار ما ادري هل الحرارة طبيعيه او لا

البعض يقول غير طبيعيه , والبعض يقول طبيعيه وحرارتها عشان انها دفع امامي وبجنب المكينه وعشان احتكاك الكفرات

امس مشيت بسرعة 160 ويوم رجعت للبيت لمست الجنوط الاماميه لقيتها حاره , والجنوط الخلفيه حاره شوي

مع العلم بأني استخدم الفرامل بكثره

[رفيع المقام]

مما لا شك فيه أن القماشات الأماميه هي اللي عليه الحمل الاكثر ، ناهيك إذا كانت السياره دفع امامي ..
أيضا القماشات الخلفيه اذا كانت منمسحه ، تزيد العبئ على القماشات الاماميه فتنتج حرارة الجنط اكثر واكثر خصوصاًً عند الفرمله ..