المساعد الشخصي الرقمي

مشاهدة النسخة كاملة : الى قدامى الكشاته ولايهون الباقين


راعي ساموده
13/07/2006, 08:14 PM
اولا السلام عليكم ورحمة الله وبركاته
كنا نتناقش ذات ليله بريه عن موضوع الوعي البيئي وثقافة الكشاته حول الاماكن اللتي يرتادونها ..
والسؤال هو :
هل زاد الوعي لدينا ؟هل اصبحنا حضاريين في تعاملنا مع الصحراء والبيئه ؟؟هل نطمح الى تربية جيل لايقطع شجره او يقتل طيرا او حيوانا من دون حاجه ؟؟ هل نعرف معنى الغطاء النباتي وعن تأثير السيارات والنفايات عليه ؟
ارجو ان نستفيد من ارائكم حول هذا الموضوع
خشم الحصان
14/07/2006, 03:15 AM
الاخ الغالي

ساموده
السلام عليكم
اخي الحبيب هالموضوع سهل الطرح ولكن اجابته اكبر من جبال طويق
لئنه والله اعلم واجل ان التوعيه مهمه من كل الاطراف وخاصه من الاعلام ولكن ليس بالطريقه التقليديه
وتوعية الاطفال لئنهم هم جيل المستقبل
دور البنوك والشركات في الحمله
دور الموطن اذا ركز عليه في عملية التثقيف الله يحسن الينا وليك
دور البدو والرعات
شركات التعليف
وهنالك الكثير من النقاط ولكن خلنا نقضب هذولا الحين ويمدينا ان حنا نجيب الباقي اذا تشبع الموضوع بالمدخلات
زين اخي خذ نقطه نقطه
1-الاعلام متي قدم بطريقه حديثه عن الوعي البئي مغير فلم وكل 10 سنين يجبونه
حتي مقدميه ومخرجيه ومصلحينه ماتو الله يغفر لنا ولهم يعني يعني مهنا افلام جديده او اسلوب جديد
2-متي خبرك تم الذهاب الي المدارس او المراكز الصيفيه ومناقشت الاطفال او توزيع قصص او كتيبات او سيديات او اي شي يخاطب عقل الطفل عن البئه...........وهذي سايده ولو بقروش هم ماعندنا مانع نشتري ها لهم اي عيالنا الله يصلحهم ويهديهم امين
3- البنوك ومادرك مالبنوك تبي قرض الله ياهم سنهم صابون في بانيوم يزلقون بك زلق بس تقول انا عندي بحث
او مشروع عن البئه او ساعدونا في اعادة زرعة شعيب او وادي او اي مشروع بئي تدري وش بيردون.........
ياسكرتي اتصل بمستشفي المهبل خلهم يجون يضفون هالمهبول هالي بياخذ (حنا ناخذ مانعطي )
4-دور الموطن لئنه اذا ناقشته بان الي يعمله خطا قال ورا غيري يسوي وانا ماسوي نضريته(جلدآ مهوب جلدك جره علي الشوك )مع انها ديرته بس التفكير مغبر يبيله هواء بستم يطير هالغبار لي عليه وهو التثقيف الاعلامي
5- الرعات ومشكلتنا معهم في مخلفات اكياس الشعير و رمي الجيف في الدحول او حول القري
6-شركات التعليف يجب عليها ان تضع حوافز لمن يرجع عدد معين من اكياس الشعير او الاعلاف اما بدفع قيمه او اعطائه كم كيس مقابل الفارغ واذا لم يفعلو يجبرو علي ان يجدو حل بانتاج جديد لاكياس قابله للتحلل بسرعه وهذي سايده ماهقوتي يسونها
ياخيي مانيب اقول لك الله يغفر لنا ولك ان الشق اكبر من الرقعه ولكن ان شاء الله فيه امل ان الامور من ناحية البئه تتطور وتصير الي الاحسن
عموم هذي بعض النقاط
اخوك
خشم الحصان
.......................
نغزه.......... المحافظات هم يقمون بدوريه علي الشعبان والاوديه يشفون هالمهبل لي يقطعون الاشجار
دقشه........... اشجار الارطي كثرو لي يحطبونها حتي وهي خضراء والدليل الدهناء رمل بلا شجر
صدمه......... يالربع الصلاع شب في الشعبان معاد اهنا شجر وكثرة القرود وسبه ذبح وقتل الضباع والنمور والذيابه بسبب ((((((((((((((((((((((((((((((اني ذبحت.................)))))))))))))))))))))))))ثم يفقع قلبك يعلقه علي لوحات المسافات حقت الطرق زود علي شين الفعل يتفاخر بوضعه علي الطريق يعني سوو مثلي
قلبه........... الله يعينكم يالي تحبون البئه تنفخون في قربه مشقوقه او مخبوزه
همسه......... اخونا ومشرفنا المميز (حد السيف)وضع استكر وش يردنا ان حنا نضع لوحات ولو بلاكاش علي الشعبان وقت الربيع
ورده اهديها.......... فيه شركة البان الله يجزهم عنا كل خير كل سنه تقوم بعملية تنظيف وهذي الشركه نهدي لها وردة حب وتقدير............ الله يزيد ارباحكم امين امين امين..........نخاف نجيب اسم الشركه ثم يقلون هذا نوع من الدعايه للشركه لكن انتم تعرفونها والدليل((مفرق الطوقي))
من الذكري..........الله يرحمك يا(براهيم الراشد) يوم برنامجه منول اسمه(الطبيعه العذراء) نتسمر منول عند التلفزيون
المربد
14/07/2006, 05:13 AM
الاخ سامودة
1. حياك الله في المنتدى وآمل ان يتواصل عطاؤك على هذا المستوى من الطرح الراقي.
2. سؤالك ينم عن فكر راقي تتمتع به انت ومن تناقشت معهم .
3. رايي :
هل الكشاتة فقط هم المؤثرون على البيئة ؟
اظن انك اعلم مني بان ما يؤثر على البيئة امور اكبر من افراد فالمصانع والزحف الحضاري "توسع المدن" من اكبر المؤثرات.
واما الكشاتة فمما لا شك فيه ان الوعي البيئي في تزايد وبدرجة ملحوظة، ولا عبرة بما يسببه البعض من خراب اذا ما قارناه بكثرة عدد الكشاتة المتزايد بنسب مهولة.
نعم هنالك قصور في الانكار على المخربين " اصحاب الصيد الجائر والاحتطاب الجائر"
نعم هنالك قصور في بث الوعي لدى الرعيان واهل البادية
ولكن الكشاتة بذاتهم في تقدم بيئي
راعي ساموده
14/07/2006, 08:56 PM
الاخ العزيز - خشم الحصان
ردك راااائع وجيت على الجرح من حيث عدم مشاركة او تأثير رجال الاعمال والشركات والبنوك في التوعيه او المشاركه في ايجاد محميات يمكن لنا التنزه فيها وفق نظام معين يخلق التوازن لكل طرف ...
رجال الاعمال والبنوك دورهم عند الارباح تلقى ارباحهم مليارات وفائدتهم على البلد صفر
راعي ساموده
14/07/2006, 09:05 PM
الاخ العزيز - المربد شكرا على الاطراء ..

كلامك صحيح من ناحية الشركات اللي سبق وقاله الاخ خشم الحصان لكن اضافتك عن المصانع صحيحه وتبي تشوف شي يبكيك فعلا رح شف شعيب دقله اللي ورا المزرعه تشوف وش سوت الكساره بمجرى الشعيب :no2: كان مكان ولا اروع .. ام الان فقد اصبح كساره ؟؟؟؟؟
واما زيادة عدد الكشاته فهذي عاد حدث ولا حرج ... تروح لحدودالعراق كنك بالثمامه ؟؟:D