يالربع الفزعة بخصوص أحسن اريل والله احترت وانتم اهلها

[بدر الظفيري]

عندي جهاز كنود والحمد لله شغال تمام التمام فحصته عند كشته وطلع 50 واط واشتريت افضل قاعده عندهم سعرها 80 ريال لأكن المصيبة الاريل أنا جربت الايكوم القصير ابو عظمه بيضا وممتاز داخل المدينه حيل لأكن ان طلعت البر فشلني ونصحني البنغالي حق الاجهزة بالطويل يقول انه افضل من القصير الفزعة يالربع والله محتار وش تنصحوني فيه أنا راعي طلعات للبر بشكل يوووومي واحتاج الجهاز

[حر119]

هيا صلي على النبي
ونصيحة الارسن الامريكي الاصلي او الدايموند الاصلي واهم شي القاعدة الاصلية
اهم شي الاخلاق وحب الوطن

[بدر الظفيري]

اشكرك على ردك لأكن أجابه غير شافيه الفزعه دام عزكم

[سطام ابو سعود]

ولله شرحك سراء داخ راسي ولا لقيت اريل طيب يرسل حول المائه كيلو اواكثر ومهو مشكله الفلوس ارجو ان يفيدوننا الاخوان وشكرا
وكل عام وانت بخير يظفيري انت وجميع الاخوان

[بدر الظفيري]

وانت بخير وصحه وسلامه ههههههههههه الله يجيب لنا واحدن يفهم ويرتب أمورنا

[ahmedok]

السلام عليكم ورحمة الله وبركاتة
نفس المشكلة وننتظر الحل

[ذيب حوران1]

اخوي عليك بالارسن الاسود اللي يركب ع قاعدة الدايموند صراحة ارسللة طيب
لاكن ليش جهازك يطلع50واط بالعادة الاجهزه تطلع70/75واط الا اذا كان2100

[بدر الظفيري]

أشكركم على ردودكم يالربع الجهاز كنود TM 261 ابو زر برتقالي قديم جدا

[بدر الظفيري]

افيدونا يالربع الله لايحرمكم الجنه

[حزم نجد]

شف لك احد الشباب بالرياض وخله يشتري لك اريل

عندك النخيل طوله 120سم سعره 100ريال
وعندك سيريو الايطالي وصله أو وصلتين

مجربهم كلهم على قاعده اصليه مافيهم راجع

النخيل يبيعه وفيه موزع له يقاله سراب اذا حصلت رقمه ا سله لك اعتقد ان رقمه موجود بموضوع اخونا النخيل

والسيريو موجود عند دار البوصله

اللارسن ماتحصل اصلي هالوقت
جربت كثير قالو انه اصلي لكن طلع غير موزون وفيه راجع يأثر على الجهاز

[يوزر نيم]

السلام عليكم :-
بحثت لك عن جوال الاخ سراب وتلقاه في هذا المقال ولكن للاسف الاخ أبو عبدالله (النخيل) كتب في آخر شي أنه توقف عن تعديـــل الاريال ..
تحياتي للجميع ،،،

http://www.mekshat.com/vb/showthread.php?t=366266&page=7

[علي العساف]

يالربع انتبهوا لايوجد بالسوق اريل ياباني ولا امريكي صدقوني كلها تجارة
انا كنت بالرياض برمضان فريت المحلات كلها مافيه شي يثبت ان فيه أريل أصلي
حتى لقيت انتنكس مكتوب على ميد ان USA ويقول راعي المحل تقليد مو أصلي
حتى وكيل ايكم دار البوصلة ما عنده أصلي حتى اريل ايكوم هو يقول انه بايواني
فالرجاء الانتباه والحذر

فيه أريل سيريو ايطالي اصلي وارساله طيب ويجي ثلاث مقاسات
50 سم ومتر ومتر ونصف

اما الارايل الثانية انا ما اسبها بس اقول مو اصلية وممكن تكون ممتازة

ختاما ابغى اوضح ان الارسال مجموعة توليفية من قاعدة وسلك جيد واريل ممتاز
وجهاز قوي من حيث الواط تشكل لك هذه التوليفة ارسال قوي
وتأكد ان الارايل توافيق يعني قد يكون اريل بسسعر اقل افضل من اريل غالي

والله يا ناس عندنت ناس بالقصيم يراسلون باستيشن صيني سعره 140 والله ارسالهم
زين بالحيل ويقطعون على ناس ارايلهم اربع وصل وثلاث وصل اسعارهن حول الالف

فالتجربة خير برهان

اسف طولت عليكم بس نصيحة اذا بغيات تشتري اريل خذ سيارتك للمحل واشترط التجربه
وجربه عند المحل وراسل اثنين بعيدين لازم اثنين عشان الجهات تفرق وشوف كم برج يزود
اذا زاد 3 او 4 خذه على طول والا قل مايصلح ما تغيرن الابراج ورجعه

بالتوفيق للجميع

[بدر الظفيري]

ماقصرتو حبايب قلبي كفيتو ووفيتو واللي عنده شي ويفهم شي لايبخل علينا

[جلمود الجبيرى]

مافيه اريل سياره او جهاز يرسل لمسافة 100 كيلو الأ اذا كان مركب له مقوي والأبعيد مدى وهذا ماهو موضوعنا . لكن المراسله تعتمد على 1-مافيه عج او هواء قوي 2- الرطوبه تقوي من الأرسال والأستقبال 3-القاعده والسلك الجيدو الأفضل المغناطيس4-الأريل الطويل اللي مافيه راجع على الجهاز ويتم الكشف على اللراجع بأجهزه موجود لدي المحلات المختصه . ماننسا الكشف على ايسيات الجهاز الأستقبال والأرسال قبل بداية الشتاء والله الموفق

[فيصل التميمي]

لازلنا في مشكلة مع الاريل والقاعدة الاصلية والتجارية والافضل

[بدر الظفيري]

جلمود ماقصرت يابعدي وضحت الصوره وبانتظار باقي الشباب وتجاربهم

[سطام ابو سعود]

لله العالم ان مافيه اريل يتعداء السبعين بسياره

[بدر الظفيري]

حنا نبي ابو سبعين وينه وينه

[كاتم2]

نصيحه أريل النخيل القصييييير وبس

[محسن المطيري]

اشتر آرسن الأسود امريكي موجود عند كشته سعره تقريباً 190

هو الأفضل بين كل الموجود ..

[جالس لوعدك]

السلام عليكم
والله الاجهزة معاناتنا معاها مستمره
ولالقيت الاجابه الشافيه
العام الماضي شرينا سلك دايموند اصلي من دار البوصله ب 200 او 250 ريال
وشرينا انتل دايموند اصلي ب 200 ريال
وحده في الارسال 35 كيلو
جهاز 2100 ايكوم
واراسل اخوياي واجهزتهم اسلاكها واناتلها رخيصه
ونفس الكفاءة
لافروقات تذكر
ومريت دار البوصلة في رمضان ولاحصلت جهاز 8000
ونصحني بالانتظار على امل ينزل موديل جديد
والله يكتب الي فيه خيره

[بدر الظفيري]

بيض الله وجيهكم ماقصرتو

[هم الشمالي]

مالك الى تشتري مقوي ارسال وترهمه بالسياره

[الوافي.]

وش رسيتوا عليه خلونا نستفيد معكم

[المنطلدز]

والله اني اذكره طلعت مع واحد كانت الطلعة عقب الممطر والجو صافي ومعنا اريل لارسن الاسود والجهاز 2100 ورقينا فوق سيف نفود بالمصفر بعنيزة والله اننا نكلم واحد يجيلة 130 كيلو عنا حول قبة