حرارة الفتك وهو واقف فقط ما السبب !!

[الكونغررس]

السلام عليكم ورحمة الله وبركاته



عندي فتك موديل 2002 قير عادي واللي لاحظته فيه ارتفعت الحرارة وهو واقف مع تشغيل المكيف والماي يطلع من المطارة اللي على اليمين ويفور وخليت الموتر يبرد شوي وعبيته ماي ومشيت عليه 100٪ وبعدها استعملت الموتر واخذت اسبوع وردت الحرارة كما كانت وهو واقف وعبيته ماي وردت طبيعيه ورحت لميكانيكي وقال يمكن الترمستات مو مضبوطه او الراديتر يبيله تشيش وشلت الترمستات وشيشت الرديتر وشيكت على تماتيك المروحه وغطا الراديتر والمراوح الاماميه كل شي مضبوط وماكو فايدة ترد ترتفع الحراره وهو واقف بس مع العلم ان الوقت اللي ترتفع فيه الظهر بس وبالليل ماترتفع


شنو سبب الحرارة وهو واقف !!

[الكونغررس]

مع العلم شيشت الراديتر وشلت الترمستات والمراوح شغاله وارتفعت معاي الحراره وهو واقف ولكن من غير نزول الماي من المطارة اللي يمين !!

[الأحوذ]

المشكله من المكيف و ما حوله...

[الكونغررس]

من شنو تكون بالمكيف ؟


ما اتوقع لها شأن




نرجو الافادة من الجميع

[فتك08]

شيك على مراوح المكيف و تماتيك المروحة و دبة التلوث لاتكون متسكرة

[رااعي الفزعات]

المشكله عندك من احد امرين ؛
الاول غير البلف فغالبا تكون المشكله منه .
ثانيا تماتيك المروحه .
اتمنى اكون افدتك والله يسهل امرنا وامرك

[الكونغررس]

اخوي فتك08

المراوح شغالة كلها ودبة التلوث ياليت توصف مكانها بالضبط وشلون طريقه فحصها

[الكونغررس]

راااعي الفزعات

اي بلف تقصد ووين مكانه !!
بالنسبة لتماتيك المروحة فحصوه مافي شي

[محامي وراط]

يالغالي شيك على البلف يمكن يكون فيه مشكله او الغه بالمره

ودبة التلوث محلها تحت باب السواق او باب الراكب اللي خلفه

باختصار دبة التلوث ( هي الوسطيه وهي اكبر دبه فالموتر )

وان شاء الله تنحل مشكلتك ..

[alrsash911]

انتبه للاديتر يمكن يكون نحاس تراه يسبب الحرار .....؟ رابط ان شاء الله يفيدكم


http://www.mekshat.com/vb/showthread.php?t=523523

[الكونغررس]

اشكرك اخي محامي وراط

البلف الغيته وشلته من الموتر وماكو نتيجة
وبالنسبة لدبة التلوث عل صارت مع احد !
ومنو اللي يفحصها ! وشلون طريقت فحصها !

[الكونغررس]

اشكرك اخي alrsash911

والف شكر ع الرابط

[الكونغررس]

يا اخوان

في ميكانيكي قالي احتمال ٩٥٪ من راديتر المكيف مسكر ومايوصل هوا من المراوح الامامية


تتوقعون تصير منه هالمشكلة !!

وفي ميكانيكي ثاني قال بدل تماتيك المروحة مع العلم انه شغال ومافيه شي

[alwammy]

السلام عليكم ورحمة الله وبركاته



عندي فتك موديل 2002 قير عادي واللي لاحظته فيه ارتفعت الحرارة وهو واقف مع تشغيل المكيف والماي يطلع من المطارة اللي على اليمين ويفور وخليت الموتر يبرد شوي وعبيته ماي ومشيت عليه 100? وبعدها استعملت الموتر واخذت اسبوع وردت الحرارة كما كانت وهو واقف وعبيته ماي وردت طبيعيه ورحت لميكانيكي وقال يمكن الترمستات مو مضبوطه او الراديتر يبيله تشيش وشلت الترمستات وشيشت الرديتر وشيكت على تماتيك المروحه وغطا الراديتر والمراوح الاماميه كل شي مضبوط وماكو فايدة ترد ترتفع الحراره وهو واقف بس مع العلم ان الوقت اللي ترتفع فيه الظهر بس وبالليل ماترتفع


شنو سبب الحرارة وهو واقف !!

عندي ألفتك 2006 بعد يرفع حراره فالشمس إذا درجة الحراره فوق ال45 فحالتين. لو موقفنه فالشمس ومكيفه شغال وفي حاله مسرع أكثر من 150 كم \الساعه
إلا إذا كان درجة الحراره شويه أبرد ول موقفنه فالظله. ما ألوم الموتر إلا هي حديده كم بتتحمل حراره.
نصيحتي لك تبطل الرديتر وتنطفه كامل وتبدل ماه لأحسن نوعيه. ولو ما نفع بدل الرديتر. و إن شآآآء ???ـَّـ? تنقص الحراره

[مقطع العروق]

حبيبي شوف في شغلة في الباترول لازم تعرفها

السيارة 4800 VTC مكينة كبيرة وحارة

واكثر شيء يكون مسبب للحرارة هو الرديتر ... وليات الماء وصارت معاي نفس المشكلة

وبعدها غيرت الرديتر وحصلت ليين فيها تهريب خفيف جداً وتنسيم وبعدها ضبط الموتر والحمدلله

وزي ماقال اخوي (ابو ورطة ) دبة التلوث يفحصها لك محل الشكمان .. بس مر على اكثر من واحد لا تاخذ بكلام مهندس واحد فقط

بس انت ابيك تعلمني بالاشياء اللي سويتها تدريجيا وبشكل نقاط عشان نقدر نخمن العطل ..قدر الامكان .. ونساعدك باللي نقدر عليه

والله يعينك على بلواك اخي الكريم

[الكونغررس]

يعطيكم العافيه على الردود


اللي سويته بالسيارة :

شلت البلف والغيته قلت يمكن مسكر
سيخت الراديتر وماكو فايدة
بدلت غطا الراديتر الاثنين اللي بالمطارة واللي بالراديتر
فحصت تماتيك المروحة قال مافيه شي

مع العلم اني قبل سنة بدلت تماتيك المروحة وطرمبة الماي


للعلم امس مريت ميكانيكي وقال احتمال كبير تكون من راديتر المكيف لانه مسكر ومايدخل هوا من المراوح الامامية ويبرد للراديتر وانا شكيت بالامر وماسويت شي لين اتأكد


الحرارة ماتجي الموتر الا اذا كان واقف والمكيف شغال فقط

[مقطع العروق]

القطع اللي غيرتها اصليه ,.,؟

وبالنسبة لي ماايد ان الواحد يشيل البلف

والرديتر اصلي وكالة ..؟

واحتمال الميكانيكي ممكن بس ضئيل ولكن لا يمنع انكك تغسله عند محل التبريد ..

اتمنى اننا نقدر نساعدك

بانتظار ردك

[الكونغررس]

القطع اصلية من الوكالة
والرديتر شد بلد اصلي

بالنسبه للبلف ما استفدت من شيلته ونفس الشي الحراره

[مقطع العروق]

شوف ياحبيبي اول شيء شوف الاشياء السهلة شوف رديتر المكيف

وبعدها .. ولو كنت مكانك طيرت الرديتر وشريت وكالة ادري سعره غالي وانا بالنسبة لي مع موية الوكالة كلفني حدود 2050 ريال من غير اجور التركيب

( متابع للموضوع )

[الكونغررس]

هلا اخوي مقطع العروق


الشغله بسيطه بس محد صايدها انا بشوف بفتر بالورش وان شاء الله القى الحل

[سوبر مكشات]

اشتر بلف اصلي وركبه
المكينه تتضرر اذا شلت البلف نهائيا بعد سنه الى سنه ونص صارت معي

ياليت تصور انبير الحراره على كم يصير اولا.

كم ممشي الموتر؟

الموتر عليه تعديل؟

اذا الموتر سابقا كان مكروف ومجلود جلد قد يتسبب بضعف بالشنبر او شعر براس المكينه
عشان تفحص راس المكينه شف اللي الكبير اللي طالع من الرديتر اذا صار الموتر بحرارته الطبيعيه رص عليه بيدك بقوه اذا يدخل معك اللي فالراس كويس واذا اللي محجر صاير قوي فالراس فيه شعر ويعبي هوا وتحتاج راس جديد

وعشان تفحص ضعف الشنابر خل احد يدوس للموتر وهو في حرارته الطبيعيه دوستين او ثلاث

اذا طلع مع الدوس دخان ابيض (بعضهم يشوفه ازرق) فالشنبر ضعيف


وفي كلا الحالتين :
استهلك الموتر و ركب هدرز وريح راسك اوفر بنزين واقل حراره واقوى عزم

موفق

[الكونغررس]

اخوي سوبر مكشات

الموتر استعماله حشمه وماتعرف لكرف
نفس المشكلة اذا كان البلف راكب ولا لا الحرارة ماتغيرت
بالنسبة للخرطوش الكبير طبيعي الا اذا خليت الموتر واقف والمكيف شغالة وفترة الظهر وبعد فترة 10 تقريبا ترتفع الحرارة وتوصل النص وفوق واذا مشيت بالدرب الحرارة طبيعيه

والموتر عليه هدرز من زمان عليه وطبعا مافيه دبة تلوث



قالي ميكانيكي المشكلة ب راديتر المكيف لانه مسكر وما يتنظف الحديد معوج ومو سيدة مسكر الهوا ع المراوح الامامية وانا ان شاء الله ببدله


تعرفون احد صارت معاه هالمشكلة ؟

[شبل طريف]

انا معي فتك 2002
ونفس المشكله يالغالي لدرجة انه الان بالصناعيه تغيير راس كلفني 5000 الاف ريال
والنفس مي طيبه عليه الله والعليم للمعرض بعد الطلعة لان الفتك دماااار صحيح يطربك لكن
خرابه دايم
وبالتوفيق

[اتجاه السحاب]

تأكد من وزن الديلكو...

[azq]

اخي جائز السيارة تنقص ماء وانت لا تدري جيك على خراطيش (جوينات ) الماء الخارجة من الراديتر جيك على فلسان وجه السلندر قد يكون فيه تهريب ماء فينقص في علبة الماء الاظافية المتصلة في الراديتر فيصبح بها هواء مما يسبب ارتفاع الحرارة ؟ وهذا ان لقيت نتيجة يعني عندما ترفع الغطاء ترى ان الراديتر يفور اما اذا غير هذا فقد يكون كيج (عداد) الحرارة في الدشبول عاطل ؟ في حالتها جيك على حساس حرارة الماء شكله مثل البرغية المسنن

[الكونغررس]

شبل طريف

الحرارة اللي معاي والموتر واقف مع المكيف فقط وغيره ماكو حرارة ؟

هل مشكلتك نفس اللي عندي ؟
ياليت تشرح لنا المشكله بالضبط ؟ والله يكون بعينك

[الكونغررس]

اتجاه السحاب

متأكد منها من الوكاله

[الكونغررس]

azq


السيارة ماتنقص ماء نهائي ومشيك ع كل شي والله يعين

[الأحوذ]

افصل المكيف الحار و ممكن تظبط...

[ابوعبدالعزيز]

يعطيكم العافيه على الردود


اللي سويته بالسيارة :

شلت البلف والغيته قلت يمكن مسكر
سيخت الراديتر وماكو فايدة
بدلت غطا الراديتر الاثنين اللي بالمطارة واللي بالراديتر
فحصت تماتيك المروحة قال مافيه شي

مع العلم اني قبل سنة بدلت تماتيك المروحة وطرمبة الماي


للعلم امس مريت ميكانيكي وقال احتمال كبير تكون من راديتر المكيف لانه مسكر ومايدخل هوا من المراوح الامامية ويبرد للراديتر وانا شكيت بالامر وماسويت شي لين اتأكد


الحرارة ماتجي الموتر الا اذا كان واقف والمكيف شغال فقط

انت فحصت كل شي بس باقي شي واحد و200% الخلل منه وهو طرمبة الماء
كيف تفحصها شغل السياراه وافتح الاديتر اذا شفت الماء يدور بالاديتر فمعناته الطرمبه سلميه واذا كان الماء مايدور فالمشكله منها
تماتيك المروحه ماله دخل تماتيك المروحه اذا كان ارتفاع الحرارة بعد ماتسرع فوق الميه فعندها افحص التماتيك اما في حالتك فالحرارة مع الوقوف
اللي يقولك ارديتر المكيف نصاب انتبه منه
بالنسبه لبلف الحرارة ايضا ماله دخل لانه لو انه مقفل كان الحرارة توصل الاتش
المشكله عندك من طرمبة الماء ميه بالميه

[ls1.5700]

اطع شوري غير تماتيك المروحه وكاله
لنه من الصعب فحصه في بعض الاحيان اذا برد الموتر تفحصه كويسه ماتبين انه خربانه
بس المشكله اذا احتر الموتر تقوم تفوت ماتبرد - غيره من عرض الخساير
ان شاء الله يضبط معك

[الكونغررس]

بيض الله وجيهكم جميعاً

بدلت تماتيك مروحة وعمل عيار ديلكو وغيرت راديتر المكيف كل هذا ومافاد وقال الميكانيكي لازم افك راس المكينه المهم فك الراس وطلع معوج خفيف من الاطراف وقال هذا اللي مسبب لك الحرارة ولازم تحف الراس تسويله مساح خفيف عند المخرطة وسويتله وقال هذي آخر خرط للراس بعدين ماكو فايدة وقال لازم تبدل قارقيت الراس تحط قازقيتين هذا اللي قال وسويته وقال من بعدها استعمل وتضبط امورك بأذن الله

هل منكم من جرب العطال وكيفيه استعمال من بعدها ؟




وبيض الله وجه كل من رد وعطى رآيه