احتاج فزعتكم ردوا علي باسرع وقتك ابي علم عن الفتك

[مفتون صيد]

السلام عليكم
كل عام وانتم بخير والله يتقبل منا ومنكم صالح الاعمال
ياجماعة الخير وخصوصا اللي عندهم خبرة في الميكانيكا في السيارات
ابي اعرف وشلون اعرف ان حساس الدعسة خربان عندي معي انا فتك 2002 عادي
ابنص ضغط المكينة مره فوق تقل ناسي رجلي ع البنزين ومره يطفي لو ما اعطيه بنزين ع طول يطفي حتى مايقاوم
علما انه مشيك ع طرمبة البنزين وبواجي وحساس هواء كله سليم الديلكو سليم وموزون كلها بورشة باترول

انتظر ردكم اخواني واخص اخوي اصيل حجازي واللي لهم باع في الفتك ولا هو نقص في باقي الاخوان

[فتك الاسطوره]

وعليكم السلام يا مرحبا اخوي شيك على الدعسه كامله ونظفها لان حقت الفتك العادي تنظف
واعذرني عن القصور هذا الي اعرفه

[مفتون صيد]

بيض الله وجهك وننتظر باقي الاخوان وباذن الله راح نحط كلامك بالحسبان اخوي الاسطورة

[مفتون صيد]

للرفع
للرفع
للرفع

[jelail]

السلام عليكم
كل عام وانتم بخير والله يتقبل منا ومنكم صالح الاعمال
ياجماعة الخير وخصوصا اللي عندهم خبرة في الميكانيكا في السيارات
ابي اعرف وشلون اعرف ان حساس الدعسة خربان عندي معي انا فتك 2002 عادي
ابنص ضغط المكينة مره فوق تقل ناسي رجلي ع البنزين ومره يطفي لو ما اعطيه بنزين ع طول يطفي حتى مايقاوم
علما انه مشيك ع طرمبة البنزين وبواجي وحساس هواء كله سليم الديلكو سليم وموزون كلها بورشة باترول

انتظر ردكم اخواني واخص اخوي اصيل حجازي واللي لهم باع في الفتك ولا هو نقص في باقي الاخوان

نصيحة لك اخوية اهرب من ورشة باترول (التركي)لان ابوصالح هجر الورشة ووضع فيها مافيا بنقاليه ياكلون الاخضر واليابس ولا يخافون الله ويشخصون السيارة بالخطاء ماهمهم السعودي لانه جاهز للدفع بدون اي مشاكل .
تصور صوت بالمكينة غيرو دينمو ثم المشكلة مازلات قالوا طربمة ماء ونفس المشكلة في الاخير طلع من توماتيك المروحة

[ابوسند9]

اخوي
تاكد من كتاوت الدعسه اللي بالرفرف بجانب القربه لونه ازرق جرب فكه واطرقه بمفك طرق خفيف وجرب ربما المشكله من الكتاوت
اما بخصوص الدعسه فا قيمة الدعسه غاليه واعتقد دعسة باثفندر تركب له واخذها من التشليح افضل طبعا بعد ما تتاكد ان المشكله من الدعسه ولا تستعجل

[ابوسند9]

http://mekshat.com/vb/showthread.php?t=519307

[مفتون صيد]

اشكر الجميع على التفاعل الطيب
وبالنسبة اللي يقول ورشة باترول تركها راعيها فهذا غير صحيح انا جيت له اخر جمعة من رمضان ابو صالح هو اللي واقف على موتري وعطاني موعد بعد العيد بس بغيت اوضح الامور ولا نتعرض لرزق الرجال

وابشوف اخليه يفحص الكتاوت ع كلامكم وحساس الدعسه اذا كان هو العطل كيفه ولو هو غالي بس خوفك خساير ولا توصل للمشكلة

[jelail]

اشكر الجميع على التفاعل الطيب
وبالنسبة اللي يقول ورشة باترول تركها راعيها فهذا غير صحيح انا جيت له اخر جمعة من رمضان ابو صالح هو اللي واقف على موتري وعطاني موعد بعد العيد بس بغيت اوضح الامور ولا نتعرض لرزق الرجال

وابشوف اخليه يفحص الكتاوت ع كلامكم وحساس الدعسه اذا كان هو العطل كيفه ولو هو غالي بس خوفك خساير ولا توصل للمشكلة

الله يرزقنا ويرزقكم ويرزق ابوصالح من فضلة اللهم لا حسد

هذه مشكله حاصلة
انا اتكلم على العمالة البنقالية الي يعملون بالورشة ابو صالح مهوب مثل اول متواجد في الورشة
وهذه المشكلة حدثت رابع العيد

[مفتون صيد]

هلابك اخوي مهنا احد مايخطي صدقت
تدري وش المشكلة المشكلة بشكل عام اذا اعطي العامل ثقة زائدة واصبح راعي الحلال او راعي الورشة في صفه وقتها بيتزقق عليك
غير كيذا هم يالله يفتحون ابو كم ساعة ايام العيد
ان كان هناك مشكلة فهي مشكلة عدم الرد على الهاتف هاذي هي اللي تضايق الزبون يفتضر يكرن هناك شخص ماله شغل الا الرد على الزبائن فقط
والا يعتبر ابوصالح من افضل الورش اللي يازن لك الراس زي وزنت وكالته وهذا مشهود له من الجميع
والله يوفقنا واياكم
والا والله لا يقرب لي ولااعرفه الا انه يصلح موتري فقط مابيني وبينه اي علاقة

نرجع لموضوعي
واتمنى الجميع يفيدني في موضوع سيارتي
الشي الغريب بعض الاحيان اذا دعست للموتر اسمع صوت صفير بسيط ثم يختفي قدام الدركسون في الكبوت