من جرّب ثلاجة تعمل على الغاز

[b3b3]

السلام عليكم

الثلاجة اللي تعمل على الغاز هل هي عملية وتبرد ممتاز

وكيف الفريزر هل هو يبرد ممتاز

وما هي سلبياتها ؟

شاكر لكم ومقدر

[مركز الثقل]

انا اذكر فريزر علي الغاز ممتاز جدا بس عيبة يبيلة مراقبة لا ينتهي الغاز والا تطفي الشعلة

[ليث العاصمة]

نفس الثلاجه العاديه مجربها زمان
بس يبيلها مراقبه لاتطفي الشعله من الهواء
ابي اشتري وحده الحين وين احصلها تباع ؟؟

[أبورزان100]

شف اخوي في الحر الشديد تبريدها خفيف جدا يعني لو ماء ماتشربه ماهوب بارد ولازم تنظيف اسبوعي اما الفليزر ممتاز واذا الحر ماهو شديد تثلج الماء اوالحليب

[b3b3]

وش سالفة الشعلة ؟

وين تكون

بجد نشبه غاز وشعلة !

الله يجزاكم خير

اخوي ليث العاصمة

سألت راعي محل بالدمام وقال تحصلها عند السويلم بالدمام مقابل اسواق الواحة

انا قبل لا اشتريها قلت اسأل عنها

[جذآآآب]

ثلاجة الغاز قبل عشرين سنه كنا في قريه وينقطع الكهرب عنا

ونستخدم ثلاجه غاز كبيره 22 قدم وقافي مو الي تجي بطول

استخدمها يجنن وتبرد احسن من الكهرب

بالفريز وبالاسفل وكل اسبوع تصيخا بالشكمان لها مثل الممراط يوم تنطق السلاح

داخل الشكمان لانها تشتغل نار خفيفه زرقا وهاديه ومحميه من الهوا مايدخل عليها

واذكر الغاز يخذ فيها شهر كامل الدبه العاديه
ولكن الحين خففو الماده بالغاز مايطول مثل اول

وعلى فكره الثلاجه صناعتها سويديه قديمه

اما الموديلات الجديده لا علم عنها شي

[ساكن الغربية]

ثلاجة الغاز ممتازه الفريزر يثلج بس لا تشد على الساعه حقت الاسطوانه عشان الغاز ما يخلص على طول الاسطوانه تكفي 15 يوم
تحصلها عند محل بلشرف سعرها تقريباً 3500 ريال

[الوافي.]

انت شاء الله نبي نجرب هالثلاجة هالسنة بالمخيم

[b3b3]

الله يجزاكم كل الخير على الردود والافادة