الحذرمن بعض المطابخ يبيعونك الذبيحه على انها نعيمي وهي بربري ذنبته كبيرة

[ابشر بسعدك]

كما هو بالعنوان اكتشفت بعض المطابخ هذه الايام اللي تكثر فيها المناسبات وتضطر تاخذ من عندهم ذبيحتك للضيوف اذا كان عندك عشاء ولا غداء وش يسوون اللي مايخافون الله يبيعونك البربري على انه مفطح نعيمي طبعاا كثير من الناس ما يقدر يفرق بين النوعين اذا صار على الصحن لان البربري المتغذي ماتقدر تفرقه الا بالذنبه (الليه) لكن اذا هو متغذي تجي ذنبته كبيره

طبعا وش اللي كسبه صاحب المطبخ الحرامي لما يصكك بقيمة نعيمي مع الطبخ احسبها كم

النعيمي =1000الى 1300 حي + قيمة طبخه 400 صحنين =1700 ريال
البربري= 400 الى 500 ان طار طبعا من رفيقه ياخذه +400 =800 الى 950 ريال
كم طلع في هالحركه من ظهر الضعوف 650 الى 700 ريال شفتوا كيف يااخوان

انتبهوا واذا تبي تاخذ منه ذبيحه اشرط عليه بالفاتورة يكتب نعيمي وقله ان ثبت بشهادة الشهود الثقاة ترا بخرب بيتك علشان يعرفون اننا ماينلعب علينا


الحذر الحذر الحذر

[أبوحلا]

ابشر بسعدك

[ابورايف]

موضوع رائع

وكلامك صحيح
لذلك ينبغي أخذ الحيطه والحذر
وكما تفضلت ربما يغير الطباخ الذبيحه وبما يعطيك ذبيحه مبرده لها سته أشهر
شكراً لك

[علومك غانمه]

تغيير الذبيحة عند الطباخين من زمان تروح للسوق وتشتري خروف وتنقي الطيب ثك تتفاجأ قدام ضيوفك بصغر الذبيحة

[رفيق الأمل]

جزاك الله خير اخي الكريم على التنبيه ونعم قله ضعاف النفوس زادت من اجل المكسب ولم يهتمون من مراقبه خالقهم فقد اشتكي احد الاخوان على صاحب مطبخ لغشه ان الذبيحه هرفي نعيمي وبعدما طلع الصحون شاف الذبيحه كبيره جداً يعني طلع الخروف عجوز بس اللحم ممتاز بسبب وقت الطبخ رمي البنادول لكي يذوب اللحم وللعلم ان راعي المطبخ لم يعترف بل العامل اعترف بهذا والحذر واجب لان الكثير لا يعلم الفرق بين النوع

[أبوعابد 22]

الله يجزاك خير على التنبيه

[لمّاح]

كثير ناس يشتري ذبيحة وبعد مايقلطها للضيوف يحصلها راس الذبيحة اكبر من الذبيحة ههههههههههه

بس لو كل من سواها رجعوه لبلده ولله ماتشوف مثل هالغش

[الراصد2010]

اخي الكريم انا لااتوقع ان يستبدل النعيمي ببربري وذلك لصغر طرف البربري مقارنه بالنعيمي

ولكن يمكن استبدالها او غش الناس بالغنم الجورجيه وهي مشابهه الى حد ما الى النعيمي وسعرها رخيص من 900 الى 1000 الطيب منها

وبما ان لي خبره في المطابخ وقد سمعت بمشاكل كثيره

ان بعض العماله تجي ياصاحب العرس وتنزل عنده مثلا 15 رأس على ان يذبحها كلها ويصلحها للحفل او للعرس طبعا بيكون مقطع
ايش يسوي ابو الشباب هو مسوي انه راعاك في الطبخ وعطاك كم كرتون مويه او جريش اومرقوق دعايه فقط لجلب الزبائن يذبح من ال 15 تقريبا 12 ويشتري 3 رؤوس من الجزار احتراز لاي مشكله ويكون ضمن قيمة 3 خرفان او الي قدرة عليه نفسه الضعيفه ببيعها لزبون اخر بقيمه تفوق الخيال تخيل يكون بايع 3*1500 = 4500
و4500+ قيمة الطبخ للثلاثه ماخذهم منك يطلع بمكسب هو يراه انه كبير وينفعه ولكن لم يعلم بإن هناك رب يراه في السر والعلن فلعنة الله على كل خائن وحرامي

ولضمان حقك احضر وقت الذبح وعند التحضير ركز على عدد الرقبه من جهة المذبح او عدد الايدي او الارجل
والله يوفق الجميع

[س.س.التميمي]

الله يعطيك العافيه

[الشكري1]

يعطيك العافية

[أبوفيصل 2007]

بارك الله فيك على التوضيح

[عواد الشمري2]

واضح لحم النعيم ولحم البربر انا جربته البربر تقول لحم حاشي وقرب ماله السواد ولحم النعيم عادي مايبي له كلام معروف ويعطيك العافيه على النتبيه

[وليد الرشيدي]

عندي لكم قصة / كنت في عزيمه رشايده ....مسوين طبخ بخاري عند واحد بخاري افغاني ...المهم يوم شاف الرشيدي القدر اللي به الحم ماجازله وشك انها ماهي ذبيحته واخذ قطعه من اللحم وتذوقها ....وعلى طول مسك الافغاني ودخله الغرفه ومعاه سلك مكيف قاله الرشيدي انت حرامي بتضحك عليا هذه ذبيحة مثلجة مستورده ..المهم بعد كم جلده اعترف الافغاني وشاله الرشيدي بسيارته وراحو حوش الافغاني والمفاجأه 4طليان سواكنيه حقت الرشيدي موجوده بلحوش .......والحذر الحذر من ضعاف النفوس ولازم الواحد يحضر ذبيحته بنفسه وقت الذبح ووقت الطبخ او يكلف شخص ثقه يحضر المهمه .....

يقولون الافغاني للحين ماله خبر هههههههههههههه

[شهاب الظلام]

والله الغش صار في كل مكان . ويجب أخذ الحيطه والحذر .
ولا يجب الثقه الزايده ولابد . من المتابعه والحرص . قبل دفع المبالغ
وأخذ الفاتورة . وهناك مثل . ( القانون لايحمي الغفلين )
اجمل تحيه لك وتقدير اخي أبشر بسعدك .

[abu-elias]

صدقت يغالي هناك غش وتلاعب بذبيحة

صار مع اخوي نفس اللي صار كان معه تيس بعد مادخلة المطبخ وطبخة وقت ماجاء على السفرة كان راس الذبيحة أكبر من الرأس التيس اللي عطه

[المزاول]

والله ما فيه مثل طبخ البيت
ولا يحتاج مجهود ولا شي اطعم وازكى وانضف

[المزاول]

يعطيك العافيه

[مرابع الربيع]

ههههههههه...والله شر البلية مايضحك حسبنا الله ونعم الوكيل ان شريت منهم غشوك بلحم فاسد ون جبت ذبيحتك سرقوها ....هالاجانب لعبو فينا ...والورش نغس الشغل سرق قطع وزود فلوس وغش بكل شي

[البحر الجديد]

كثر الغش في المطابخ وغيرها.. يالله السلامة
الله يجزاك خير على التنبيه

[العابر2222]

والله يا الربع ان طبخ الذبيحه ما يكلف في البيت ولا يتعب ابد

اسهل منه مافيه

وبعض الناس يقول ما عندي مكان .. حطه في الحوش او ورى البيت

ذبيحتك عندك وطبخك في بيتك