المساعد الشخصي الرقمي

مشاهدة النسخة كاملة : ما الحل مع قاعدة الجهاز؟؟ كيف أثبتها على الطبلون؟؟ .


شبح الصحراء
14/07/2006, 03:24 PM
بسم الله الرحمن الرحيم

السلام عليكم يا خبراء خيمة انظمة وأجهزة الملاحة ...
انا اكتب لكم الآن وطبلون سيارتي مليان لزق من كثر ما لزقت عليه من جهازي الجارمن 3بلس :mad: ، كل شوي وانا ملزق الجهاز على الطبلون ويقع ، قاعدة الجهاز ما هي راضية تثبت لازم تطيح ، مرة جربت الزق الجهاز على الزجاج الأمامي وما كملت ساعة إلا الجهاز كله طيح علي وبغى يفقع بلاوي في شليلي :confused: .
المشكلة ان كثرة التلصيقات واللزيقات صعب اشيلها وتشوه منظر الطبلون .

وش الحل يا الربع؟ كيف اثبت قاعدة جهازي على الطبلون وتبقى على طول ثابته مكانها؟؟؟ .
ديرتي
15/07/2006, 02:47 PM
السلام عليكم
وش نوع سيارتك وموديلها أولاً
شبح الصحراء
15/07/2006, 04:12 PM
سيارتي هايلوكس 2005 ، ارجوك اذا عندك حل أسعفني لأني أفكر أخرم الطبلون واثبت القاعدة بمسامير بس لازم استشيركم قبل هذا الحل ، وش رايكم؟ وشلون أثبت قاعدة الجارمن؟؟ .

وهذي صورة الجارمن يوم كان راكب على الطبلون ، ما قعد أسبوع إلا منشلع وكل فترة وأنا على هالحالة حتى امتلى الطبلون ستيكرات أبو وجهين :confused: .

http://www.mekshat.com/pix/upload/images18/mk23961_hpim2581.jpg
كبريت
15/07/2006, 05:48 PM
غريبه يا اخ شبح انا نفس ثاعدتك ولزق ابو وجهين بـ 3 ريال والحمد لله

طيب اسمع انا اقولك ليش يطيح امكن من الحراره اذا وقفت عند بيتك الله لا يهينك حط المظله حقت الطبلون وانشاله تثبت ولا تعرضه للشمس كثير (( مجرد اقتراح ))

وبالنسبه للتخريم ما انصحك به ابد ابد ابد
بواسامه
15/07/2006, 05:57 PM
لعل في الامر حكمه
لا تثبته على طول وانت مالك فيه حاجه
لا يجيك بزر سروق ويكسر القزازه عشان جهاز
اما القاعده فجرب السليكون بذات الشفاف :d
وممكن كم نقطه منه تؤدي الغرض لا تكثر
وأزالته سهله

وفقك الله
الوسم2
15/07/2006, 06:07 PM
ياأخي الأمر بصيط ما يملك كل ها التعب

تلقا عند أهل الزينات للسيارات أطلب منهم

مذكرة وثبت عليها الجهاز
شبح الصحراء
15/07/2006, 07:31 PM
غريبه يا اخ شبح انا نفس ثاعدتك ولزق ابو وجهين بـ 3 ريال والحمد لله

طيب اسمع انا اقولك ليش يطيح امكن من الحراره اذا وقفت عند بيتك الله لا يهينك حط المظله حقت الطبلون وانشاله تثبت ولا تعرضه للشمس كثير (( مجرد اقتراح ))

وبالنسبه للتخريم ما انصحك به ابد ابد ابد

يمكن طبلون سيارتك ناعم انا طبلون سيارتي خشن ما ينفع للستكر ، وما اظن الحرارة لها دور كبير في نزع الستكر . وبالنسبة للتخريم مثل ما يقولون آخر العلاج الكي .
شبح الصحراء
15/07/2006, 07:34 PM
لعل في الامر حكمه
لا تثبته على طول وانت مالك فيه حاجه
لا يجيك بزر سروق ويكسر القزازه عشان جهاز
اما القاعده فجرب السليكون بذات الشفاف :d
وممكن كم نقطه منه تؤدي الغرض لا تكثر
وأزالته سهله

وفقك الله

انا ما اخلي الجهاز على طول مثبت على القاعدة فبعد استخدامه افكه واقفل عليه بالدرج واخلي القاعدة مكانها في الطبلون بس يا ليت تثبت! .
ممكن تشرحلي عن السيلكون؟ هل هو مثل السيلكون العصار اللي يسدون فيه الفتحات في المطابخ؟ هل ينفع لتثبيت قاعدة الجارمن؟
شبح الصحراء
15/07/2006, 07:35 PM
ياأخي الأمر بصيط ما يملك كل ها التعب

تلقا عند أهل الزينات للسيارات أطلب منهم

مذكرة وثبت عليها الجهاز

وش هي المذكرة؟ .
راعي النفيد
15/07/2006, 07:57 PM
السلام عليكم
ركب على الطبلون تلبسه من النوع الجيد الثقيل وقم بتثبيته جيدآ واطلب من المنجد ان يضع لك فى موقع تركيب الجهازشريط لاصق(تشك شك) وقم بتلصيق الجزء الثانى على قاعدة الجهاز وهذى طريقه انامجربها مع جهاز اكبر واثقل(276c)
طالب حق
16/07/2006, 01:50 PM
أخوي/ شبح الصحراء

شف الرابطين لعلك تستفيد منها:

http://www.mekshat.com/vb/showpost.php?p=345616&postcount=1


http://www.mekshat.com/vb/showthread.php?t=38374
شبح الصحراء
16/07/2006, 02:00 PM
راعي النفيد ما احب تلبيسات الطبلون لأنها دايم تحتحت وتسبب حساسية وتخلي منظر السيارة كأنها سيارة شايب ولا يهونون الشيبان ، ولكن شكرأ على إهتمامك .

طالب حق بالنسبة لفكرة الرابط الأول ما اظن تنفع لي لأن طبلون سيارتي خشن ما ينفع للصاقات التي تعتمد على شفط الهواء .
وبالنسبة للرابط الثاني فسوف ادرس جدواها .

انا فكرت اثبت القاعدة على الزجاج الأمامي باستخدام الصمغ المخصص لتثبيت مرايات السيارة ، وش رايكم بالفكرة؟ .
طالب حق
16/07/2006, 02:25 PM
الله يصلحك يا خوي شبح الصحراء. الظاهر إنك مريت على الرابط الأول سريعا. شف الصورة مرة ثانية. الطبلون ما له علاقة. التثبيت بصير في الزجاج الأمامي.
شبح الصحراء
17/07/2006, 03:54 PM
صحيح كلامك بس انا ابي حل اسهل . وشكراً على المحاولة .
شبح الصحراء
18/07/2006, 04:29 PM
يا شباب أخيراً لقيت الحل لقاعدة الجارمن .

انا فكرت ليش ما اثبت القاعدة على الزجاج الأمامي مثل مراية السيارة؟ طبعاً الطريقة هذي تبي صمغ قوي جداً ، رحت لم ساكو ودورت بالأصماغ القوية ، وحصلت صمغ قوي جداً جداً يصلح لتثبيت أي شئ من زجاج لحديد لخشب لبلاستك وحتى السيراميك والخزف .


هذه صورة الصمغ الخطير ( وعذراً على رداءة الصور فقد التقطتها من كاميرة الجوال) .


http://www.mekshat.com/pix/upload/images18/mk23961_18072006(011).jpg


كما هو مشاهد يتكون الصمغ من انبوبين نفرغ كمية معينة من كل انبوب ثم نخلط الكميتين جيداً .


ثم ندهن الحلقة الدائرية التي تثبت عليها القاعدة ونلصقها على الزجاج الأمامي أسفل المراية .


http://www.mekshat.com/pix/upload/images18/mk23961_18072006.jpg


طبعاً نمسك الحلقة الدائرية جيداً لمدة دقيقة واحدة ثم نترك الصمغ يجف لمدة لا تقل عن 3 ساعات .


بعد ثلاث ساعات نجد أن الصمغ تيبس تماماً وأصبح قطعة واحدة مع الزجاج الأمامي .


ثم نقوم بتركيب القاعدة على الحلقة الدائرية .


http://www.mekshat.com/pix/upload/images18/mk23961_18072006(001).jpg


الآن كل شئ جاهز وتستطيع تركيب وفك القارمن بكل سهولة ، كما ان موقع الجارمن على الزجاج الأمامي عملي جداً للرؤية الواضحة .


http://www.mekshat.com/pix/upload/images18/mk23961_18072006(005).jpg



منظر الجارمن من الخارج .


http://www.mekshat.com/pix/upload/images18/mk23961_18072006(007).jpg




هاه وش رايكم؟ :) صحيح من قال الحاجة أم الإختراع ;) .
اخونوره
19/07/2006, 02:34 AM
فكره حلوه بس تعبت عمرك بروحه لساكو
انا معي مثل موترك وجهاز C276 لصقت قاعدته على القزازه بصمغ قزاز <<بريالين>>
عند اي محل تلقاه لها سنه ما طاحت القاعده
النبقي
19/07/2006, 10:55 PM
السلام عليكم اخوي ( شبح الصحراء )
بالنسبة لسؤالك عن تثبيت القارمن فاليك هذه الفكرة مع الصور
ارجو ان تحوز على اعجابك
ولك تحياتي .

http://www.mekshat.com/pix/upload/images18/mk16859_dhol.jpg

http://www.mekshat.com/pix/upload/images18/mk16859_dhol(1).jpg
الماجدي
19/07/2006, 11:51 PM
بس اخاف يا شبح الصحراء ان الصمغ مع الحراره يموع وتطيح القاعده عندي اخوي معه جي اكس ار وملزقه فوق الطبلون وما يحتاج ماشاء الله وبصمغ ملزقه لكن انشاء الله انه تثبت قاعدك
شبح الصحراء
20/07/2006, 03:35 PM
الأخ اخو نوره انا ماحبيت اجازف واركب صمغ رخيص ويطيح الجارمن من القزاز وينكسر قلت اركب اقوى صمغ مرة واحدة .
الأخ راعي الدحول والله انها فكرة ممتازة ما فكرت فيها .
الماجدي الصمغ ما راح يموع ان شاء الله لأنه صار فطعة واحدة مع القزازة ، بالنسبة للتلزيق على الطبلون مثل جيب اخوك انا ما نجحت معاي وشوهت منظر الطبلون .