حرارة الجمس 2008

[مكشتاني]

السلام عليكم ورحمة الله وبركاته وكل عام وانتم بالف خير
اخواني ياريت احد يفيدني : عندي جمس سييرا 2008 4*4 الموديل الشكل الجديد وانا شريته العام مستعمل طبعا وارد الجميح . المشكله تصير معي بالصيف وكذلك بالشتاء اذا صرت واقف مده طويله بعد ماتحمى السياره تبدأ حرارة السياره ترتفع عن المعدل الطبيعي وهو 100 د الي تقريبا 110 او120 د وتظل كذا مدة 3 دقائق ثم تبدا تنزل الي 100 النص بدون تشتغل المراوح وبعد 2-3 د تسوي نفس الحركه وترجع مره ثانيه للمعدل الطبيعي . طبعا لامشيت ماتسوي الحركه ذي وبالصيف لاصار المكييف شغال لو اوقف ساعه ماترتفع ابد !!! هل الشيئ هذا طبيعي؟
افيدوني افادكم الله اخوكم د/ابووليد

[فورد ماركيز]

المفروض المراوح تشتغل على طول اذا تعدت الحرارة 100

يمكن احد يفيدك

[ابو ودع]

السالفه هذي صارت معي بالسلفرادو
اذا صار المكيف شغال ماترتفع الحراره
لان المراوح تشتغل مع المكيف
وبدون مكيف ما تشتغل الا بعد النص بشوي
ووديته لورشة الشيبان ببريده واعادوا برمجة المراوح
ورجع مظبوط لكن اول تأكد من كتاوت المرارح بعلبة الفيوز
اللي بالكبوت
وللتاكد من ان المراوح مافيها خراب
افصل سلك حساس الحراره
بجنب المكينه الايسر
واذا

[مكشتاني]

المفروض المراوح تشتغل على طول اذا تعدت الحرارة 100

يمكن احد يفيدك
المراوح ماتشتغل الا اذا اشتغل المكيف والحراره عندي ماترتفع الا اذا كان المكيف طافي وترتفع شوي فوق النص (100) وتجلس 2-3 دقايق ثم تنزل للنص وكل هذا والمراوح طافيه ثم ترجع ترتفع وتنزل للنص وهكذا

[مكشتاني]

السالفه هذي صارت معي بالسلفرادو
اذا صار المكيف شغال ماترتفع الحراره
لان المراوح تشتغل مع المكيف
وبدون مكيف ما تشتغل الا بعد النص بشوي
ووديته لورشة الشيبان ببريده واعادوا برمجة المراوح
ورجع مظبوط لكن اول تأكد من كتاوت المرارح بعلبة الفيوز
اللي بالكبوت
وللتاكد من ان المراوح مافيها خراب
افصل سلك حساس الحراره
بجنب المكينه الايسر
واذا
ماقصرت يابوودع بس السالفه ناقصه ماكملت اللي كتبته الله يعافيك

[مكشتاني]

افيدونا جزاكم الله خير ووالدينكم

[tevo]

افيدونا جزاكم الله خير ووالدينكم
اخوي خذ العلم الصحيح السيارة ترتفع درجة الحرارة وبعدها يفتح البلف وتنزل درجة الحرارة والمروحه طبعا ما اشتغلت .
وفي حال انك ماشي الهواء يضرب الرديتر فيعوض هواء المروحه .
وفي حالة تشغيل المكيف الحرارة ثابتة يعني السيارة مضبوطه ولا فيها اي مشكله.
الحل هو انك تغير برمجة المروحه بدل ما تشتغل مثلا علي درجة 120 تخليها تشتغل علي 100 وتفصل علي 92 .
طبعا الارقام كلها امثله بس لا برمجت لازم تتاكد ان البرمجة تمام لان احيانن لو نزلت درجة الحاره مره ممكن ما تفصل المروح وتصير تشتغل 24 ساعه .
يعني مثلا انت برمجة المروحة انها تفصل لا نزلت الحرارة الى 90 والبلف يصك لا وصلت الحرارة 93 فبالحاله هذي بتسمع المروه لا اشتغلت ميب طافيه .
الخلاصه لا برمجة جرب السيارة بدون مكيف وشف هل ترتفع الحرارة او لا وهل تشتغل وتطفي المورح او لا .

[مكشتاني]

اخوي خذ العلم الصحيح السيارة ترتفع درجة الحرارة وبعدها يفتح البلف وتنزل درجة الحرارة والمروحه طبعا ما اشتغلت .
وفي حال انك ماشي الهواء يضرب الرديتر فيعوض هواء المروحه .
وفي حالة تشغيل المكيف الحرارة ثابتة يعني السيارة مضبوطه ولا فيها اي مشكله.
الحل هو انك تغير برمجة المروحه بدل ما تشتغل مثلا علي درجة 120 تخليها تشتغل علي 100 وتفصل علي 92 .
طبعا الارقام كلها امثله بس لا برمجت لازم تتاكد ان البرمجة تمام لان احيانن لو نزلت درجة الحاره مره ممكن ما تفصل المروح وتصير تشتغل 24 ساعه .
يعني مثلا انت برمجة المروحة انها تفصل لا نزلت الحرارة الى 90 والبلف يصك لا وصلت الحرارة 93 فبالحاله هذي بتسمع المروه لا اشتغلت ميب طافيه .
الخلاصه لا برمجة جرب السيارة بدون مكيف وشف هل ترتفع الحرارة او لا وهل تشتغل وتطفي المورح او لا .
الله يجزيك الجنه اخوي ،، انا يمكن اخطيت بمشاركتي ان الحراره تاصل الي 110-120 د والصحيح انها تطلع شيئ بسيط فوق الميه ولاتاصل حتى ال110د وترجع تنزل لل100 د بدون ماتشتغل المراوح وحسب ما فادني احد الاخوان ابد نفس كلامك ان البلف يفتح ويدخل الماء البارد فتنزل الحراره الي 100د وهو المعدل الطبيعي وقالي بعد ان هذا الشيئ الطبيعي في هالموديلات وان ما احتاج اسوي اي شيئ

[maxima99]

المشكله من المراوح
لان المراوح تكون شغاله وقت تشغيل المكيف ولا ترتفع
واذا كان المكيف طافي ماتكون المراوح شغاله وترتفع !!
شيك ع المراوح
ودمت بود

[tevo]

الله يجزيك الجنه اخوي ،، انا يمكن اخطيت بمشاركتي ان الحراره تاصل الي 110-120 د والصحيح انها تطلع شيئ بسيط فوق الميه ولاتاصل حتى ال110د وترجع تنزل لل100 د بدون ماتشتغل المراوح وحسب ما فادني احد الاخوان ابد نفس كلامك ان البلف يفتح ويدخل الماء البارد فتنزل الحراره الي 100د وهو المعدل الطبيعي وقالي بعد ان هذا الشيئ الطبيعي في هالموديلات وان ما احتاج اسوي اي شيئ
صحيح كلامه دام الارتفاع بشرطه فهذا شي طبيعي .
لاكن ان كانك ما تبيه يرتفع وودك تلعب بسيارتك مثلي:D ركب بلف رياضي وبرمج المروحه شوي تحت انا لاوقفت بالسيارة تنزل للربع مع العلم ان الربع والنص تقريبا الفرق بينهم 10 درجات مئوية تقريبا .
ولاميشيت تاصل النص .
تفيد هذي لا طاحت السيارة بغراز وشديت عليها اتوقع الحرارة بتثبت علي النص بجربها بالنفود بس اتحري الشتي يجي الصيف ما ينطلع فيه.
لاكن شوري عليك خلك علي ما انت عليه موترك انت جديد انا 2005.:good2:

[تركي ابوسعود]

ياجماعه انا معي جمس سيرا 2008 توني شاريه ولحظت عليها نفس مشكلتكم بظبط اذا واقف بدون مكيف وسياره شغاله ترتفع فووق النص بحدود الربع فوق النص ومن ثم شتغل المروحه وترجع تنزل لنص وش اسوي جعل من جابكم الجنه والله انه تضايقت منه حتى اللي شريته منه ادق عليه ماعد يرد علي
ولكن نفس طريق خوينا الي كاتب الموضوع بظبط وهو واقف بس ترتفع بدون مكيف ترتفع احسه كثير فوق النص بربع تقريبأ وتشتغل المروحه وترجع تنزل ولما امسك خط النص ماترتفع ابد افيدونا جعل من جابكم الجنه بورشه او وش اسوي والله اني كرهته وانا مالي الا اسبوع شاري والحراره اكره كره انا متضايق وهو نص حرارته وطبيعيه شلون فوق النص بربع زياده

ابي ورشه مظبوطه وسبق مر عليها نفس مشكلت سيارتي ويظبطونها يعني يكونون فاهمين الشغله هذي من قبل دلوني على ورشه تعرفونه سواء بالقصيم ببريده او بعنيزه او بالريااض ماعندي مشكله لانه دائما اكون بين هالمنطقتين

[كوتشي]

يا شباب وانا ثالث واحد مع الشباب وعندي سييرا غمارة دبل ارضي
كانت الحرارة طبيعيه لاكن صار عندي صوت في طركبة الماي وغيرتها
ومن غيرتها والمشكلة هذي صارت عندي
واخير مع البحث في قوقل طبيت على موضوعكم
ولاكن ما لقيتو حل للموضوع

[الحربي 591]

يا شباب وانا ثالث واحد مع الشباب وعندي سييرا غمارة دبل ارضي
كانت الحرارة طبيعيه لاكن صار عندي صوت في طركبة الماي وغيرتها
ومن غيرتها والمشكلة هذي صارت عندي
واخير مع البحث في قوقل طبيت على موضوعكم
ولاكن ما لقيتو حل للموضوع

ان كان مشكلتك نفس مشكله صاحب الموضوع ..

برمج المراوح

[عبقري91]

السياره مافيها الا العافيه وطبيعيه معي تاهو 2005 وبرمجته. صار المروحه تستغل قبل النص بشرطه ونص او شرطه واذا برد الموتر تفصل وعلى هلحال. والمكيف يخلي المراوح شغاله مع المكيف ويبرد على المكينه رح برمج المراوح ولا تتعرض موترك. لو به شي. لا مراوح ولا غيره راح ينزل الحراره ودام الحراره تنزل. مع المراوح ومع الخط. مشاء الله تبارك الرحمن. موترك مبه شي