انا جديد في عالم الصقور

[صقار المدينه]

اولا السلام عليكم ورحمة الله وبركاته

اخواني الغالين انا جديد في عالم لصقور وياليت تفيدوني وتعطوني من خبراتكم

مثل يااخوان الطير وين احطه بمكان حار ولا بارد ..؟؟ كم درجة الحراره ..؟؟
ومتى موسم الصيد ..؟؟ واذا توي شاري الطير لازم اربط رجله بحبل ..؟؟ وكم المسافه اللي افك فيها الحبل ..؟؟ وانا من المدينه فين احصل الحبل ..؟؟
وكل كم يوم اعطيه اكل ..؟؟ة وايش احسن شيء يعني حمامه كامله او اذبحها ونص اليوم ونص بكرها كيف الطريقه بالضبط ..؟؟
عادي افلت الطير بالسطح وافلتله حمامه ماياثر عليه ؟ ومايخاف ؟ ومايحاول يشرد ..؟؟
واذا انا تقريبا اسبوعيا اذهب للبر كيف طريقة تاكيل الطير ..؟؟

وياليت يااخوان اذا عندكم خبرات ياليت تفيدوني والطير اللي معي شاهينه مقاسها 13*13

انتضر ردكم

[عواد الشمري2]

ماتستفيد لو نقول لك مار شف لك راعي طير وخله يعلمك على الطبيعه تستفيد اكثرر

[ابو عضيله]

عليكم السلام
ماحد جاء من بطن امه عالم رافق اهل المهنه ولا تتدردد بالسوال عن اي شئ يخفاك ومن نشد ماتاه
طيرك حطه في مكان نظيف تاصل له التهويه بعيدا عن الاطفال ولازم تكون الارضيه من التراب الناعم في الحر يحتاج الى مكيف صحراوي وبالشتاء لا يتعرض للبرد القارص
موسم الصيد من بداية شهر ١٠ حتى نهاية شهر ٣ ميلادي
الطير يستحسن ربط سبوقه الاثنين حتى لايتملع الطير من الكافخ ويكون طول الرباط حوالي ثلاث ارباع المتر
واغراض الطيور من مسابيق وبراقع ومرابط عند محلات الرحلات
والطير يحتاج الى وجبه يوميا عند الغروب وعلف الطير حمام سمان جربوع وطيرتك شيهانه يكفيها اقل من نصف الحمامه
لاتفلت الطير يطير ويخليك خله مربوط بوكره بعيدا عن اي جسم صلب في هذه الايام تسمى ايام الربطه واذا بداء الموسم انقل طيرك معك
اذا كنت بالبر وقت هدد الطير قلل علف الطير وحاول تعرف وزن الطير لانه اذا كان مغلق ماراح تستفيد لازم تنزل الطير حتى يشفق على العلف واذا هديته يرغب الصيده
والشيهان يعلم على الكراوين لان اغلب طيور الشواهين الجبليات مثل طيرك مخصصه للكروان
هذا للمعلوميه وشكرا

[صقار المدينه]

اخوي الغالي عواد الشمري ان شاء الله راح احاول ادور

___________

اخوي الغالي ابو عضيله
الله يسعدك ويحفظك ويخليك ويبارك فيك ويوفقك وينور دربك ياااااااااارب يالغالي

والله يسعدك ع المعلومات المفيده والله انك ماتقصر مشكور يالغالي

[خالد العطااوي]

هنا اكيد فيه صقاره من اهل المدينه يعاونونك ان شاءلله ..

[صقار المدينه]

ياليت والله يالغالي الى الحين ماشفت احد :(