ما افضل طريقة لكتابة الاسم على طراد انا في الدمام

[الفرضة]

السلام عليكم
الحمد لله شريت طراد وابغى اكتب الاسم عليه
ماهي افضل طريقة لكتابة الاسم
وهل ممكن احد يسويها لي باسرع وقت
موقعي الدمام

شاكر ومقدر لكم

[wafi6556]

عليك السلام
شوف اطرف خطاط والشغله سهله

[قاهر البدن]

الطراد وش ما اعرفه

[كنعد]

بخاخ بخمسة ريال شوف كم واحد يكفيك تقريباً 2 يكفون ,,,, وتروح عند مكتبة الزامل الي في كرنيش الخبر ملاصق لمطعم الشرنبي , مكتبة الزامل فيها كل شي حق فنيـــة راح تحصل هناك كرتونة مقوص من داخلها حروف عربية وانجليزية انت اخذ الحروف الي تناسبك وحطها على الطراد بترتيب ورش عليها الصبغ ابو 5 ريال بس يبغالك تكون فنان في ترتيب الحروف علشان يصير الاسم سيداا وعلى راحتك موفق .

[الفرضة]

ياربي يسعدكم ويبارك فيكم
انا طبعت الاسم على ورق a4 مقوى وزوجتي ربي يسعدها قصت الاسم مزبوط
بس برضو اخاف ينزل الصبغ بسبب عدم احكام التصاق الورق على بدن الطراد
شكلي بسوي نفس الطريقة بس على ورق لصق علشان يكون ماسك مزبوط
الله ييسر الامور

[sss123]

جب لك اشعه اللي من المستشفي
يجي لونها اسود حقت العظام
وفرغ الاسم زي ماتبغي عند اي مكتبه ب10 ريال
خذ معك فرشاه وبويا تحصلها بالمكتبه
قله بويا للكتابه تجي علبه حديد ب5 ريال
وجب معك لزاق تحصله عندهم العريض
اذا جيت عند الطراد
لزق الاشعه وثبتها باللزاق
وبالفرشاه مشي كامل علي الاشعه
بس خذ بالك لازم فالنهار ومافي رطوبه علشان ماينزل ويخرب الدنيا

لو تبي تسجل الاسم بكل جدار:D
ماراح تتاثر
اما الورق العادي من اول مره راح يتقطع عليك
بالتوفيق

[مكشتاني]

اخي فيه خطاط بشارع 10 بالخبر(( ميراج )) متخصص بالموضوع هذا ويكتبلك الاسم والحروف على الكمبيوتر وتلزق على الطراد ولك ولزمن وشغله جدا رائع وتكلفته 80ريال ابد ماانصحك بالبويه او الصبغ لانها شغل اي كلام وممكن تدمر طرادك

[kharshoum]

أخوي الفرضه العمليه سهله جدا إنت فكرتك ممتازه والورق الي يلصق راح يريحك من تسييل البويه وكمان فكره الاشعه حلوه بس اللصق أفضل أما لوبغيت النصيحه فروح لخطاط اصرف وأضبط وفرق التكلفه بسيط ولو ماعجبتك أو صار لخبطه هو مسؤول يصلحها وعندك في الدمام شارع المستشفى مع تقاطع شارع 18 ياكثر الخطاطين فيه خذلك فره وشوف أسعارهم والي يناسبك والله يوفقك

[كنعد]

ياربي يسعدكم ويبارك فيكم
انا طبعت الاسم على ورق a4 مقوى وزوجتي ربي يسعدها قصت الاسم مزبوط
بس برضو اخاف ينزل الصبغ بسبب عدم احكام التصاق الورق على بدن الطراد
شكلي بسوي نفس الطريقة بس على ورق لصق علشان يكون ماسك مزبوط
الله ييسر الامور


لا تخاف ما راح ينزل الصبغ اذا سويت هذي الطريقة : (( تاخذ الرشاش وترش رش خفيف وتنتظر 10 دقايق حتى ينشف بعدين ترش رش خفيف مرة ثانية وتنتظر 30 دقيقة وبعدين تعطيها المرة الثالثة وخلاص امورك طيبة استخدم البخاخ احسن لك ))

[accentkool]

انا اشووووووف انك تسحب الطراد لين الخطاط
وخلة يروووق علية ويظبط لك الامووووور صح

[الخديوى]

احسن طريقه لكتابة الاسم على البوت هي الحفر وخاصه اذا فيبر!؟

[عاشق البحرE]

4092151الله يسعدك أخوي و كل عام و انت طيب ..


ريح روحك على الاخر و أشتر راحتك ..


روح لأقرب خطاط و اعطيه الأسم و الرقم تبع الطراد .. و أختر المقاس اللي تشوفه مناسب و انتبه تصغر الخط كثير عشان ما تنرفض من مفتش البحر ,,,


و خليها يقصها لك على ورق مقوى او كرتون .. و بعدها اشتر لك رش اسود بخمس ريال و روح حطها بالمكان اللي تبي على الطراد و أخذ معك واحد يمسك لك الورقه و رش عليها و سلامتكم ..