ارمي بها مايطلع قمع الفشقة ولا ادري ليش

[أبو فهد 2013]

السلام عليكم ورحمة الله

عندي شوزن ام حبة قديمة امريكية الصنع

سويت لها صيانه وضبطتها عند الشايقي بالرياض برمضان

المشكلة في كل مرة ارمي بها مايطلع قمع الفشقة ولا ادري ليش

واضطر استخدم سيخ حديدي عشان اطلع القمع وش الحل يا أخوان!!

وفقكم الله وشاكر ومقدر مقدما لكل من يدلي بدلوه هنااااااااااااااااا

[ابوتركي83]

السلام عليكم ورحمة الله وبركاته
اخوي هذا عيب ام حبه ماتطلع الفشق لكن شوف السسته حقت النتاش يمكن ضعيف كل ما كانت قويه افضل وكمان جيب فرشة تنظيف الشوزن السلك ونظف
مجري الفشق تلاقي فيه صدا ورواسب ملح.
وسلامتك.

[جذآآآب]

والله كثير عندهم نفس المشكله ولكن بعد الرمي بسرعه طلع الفشق مدامه حار قبل يبرد ثم مايطلع

[ارحبو2012]

السلام عليكم أخي فككها حبه حبه اذا كنت تعرف لفكها او,ودها لمختص يفككها تحت نظرك ويزيتها مضبوط وينظفها وبعد التركيب تصيد فيها وشف الفرق بعدالتنظيف تصبح عمليه وتطربك .

[أبو فهد 2013]

توي مسوي لها صيانه عند الشايقي ومجددها ومزيتها ومنظفها تمام التمام

وعلى فكرة مباشرة بعد الرمي مانتظر ولا ماتطلع شكرا للجميع

[أبو فهد 2013]

وين الخبراااااااااء

[قرناس حوران]

غير الفشق ياخوي وجرب يمكن السبب الفشق الي ترمي فيه

[النايف ////]

مرحبا أخوي ابو فهد
بنسبه لهل مشكله في كل الشوازن ام وحده
صارت عندي قبل فتره وغيرت الناتوش ونتشت معي بما يقارب 25 فشقه ورجعت نفس المشكلة
والنصحك لا تغير إي شئ لئن لو غيرت ترجع نفس المشكله وتقبل مروري

[السلطان2011]

نصيحة غير الفشق

[GABER65]

ماقصروا الربع

[تربة الشمال]

جرب فشق اخر ممكن المشكله من الفشق

[مربط القعاسي]

1-اذا كانت الفشقه ماسكه في الناتوش ماتعدي الناتوش هذا زين يعني الناتوش زين واذا الناتوش يرتفع فوق الفشقه يصير الناتوش خربان والافضل تغيرة التصيليح يتعب

2- اذا الناتوش زين ننتقل للسبرنق حق الناتوش اذا فيه وصخ طبيعي يعلق واذا هو مرتخي يعني ضعيف طبيعي يعلق نضف السبرنق وزيته وجرب اذا زانت ولا مالك الى التغير بمكانك تشده بيدك او بزراده فلاكن ماضمن لك يزين لن على ماقال خذ حقه وافي لا زم تغيرة

3- ناضر بيت النار اذا ملمسه خشن وفيه وصخ كثير يعني تلقى البارود متراكم ومتجمد لا زم تجيب صنفره ناعمه وتجيب منضف بنادق وتصنفره لين يصير ناعم

وان شاء الله بتزين

وبالله التوفيق

[عاشق نجد]

اخوي لا تغير فشق ولا شي .

موضوعك أكيد مثل ما صار معي وما اكتشفته الا بعد 4 سنوات من المعاناة من البندق ، حتى اني شريت غيرها .

الشايقي وغيره ما عرفوا لها . لكن لقيت الحل في محل للبنادق في الرياض وخلصني من المعاناة .

أول شي شيك على الناتوش ويايه ونظف مدخل الماسورة ، واذا استمرت نفس المشكلة فهي كما أتوقع .

المشكلة في ( الشنبر ) وهي قطعة حديدية مدمجة داخل الماصورة طولها حوالي 10 سم ، مع السنوات والرمي يتأكل نهايتها وتتوسع من الداخل ، والمفروض يكون الاتساع من الخارج ، وفي هالحالة لازم تغير الشنبر عن طريق من يتقن هالعمل . وأنا طبقته على بندقي وغيرت الشنبر وصار القفش يطير 3 م .

[القداااااح]

سلام عليكم المشكله عندك في الناتوش غير السسته وزيتها وبعدين من حين ترمي فرغ البندق والرفشق المقمع ترا كثير ينشب في البندق لانه الحراره تميع البلاستك حق الفشق وتنشف في الماصوره وتلك معك لكن حاول ترمي بفشق قزازه مثل فام راح تمشي معك سريع سريع
تقبل مروري
واذا ودك تبيع لي نظر خاص

[حربي الحرة1]

هلابك اخوي مايسوي كذا بأم وحده الاالسسته غير السسته الظاهر انها ب80ريال

[السلوم 2005]

الناتوووووووووش