افيدوني يا اهل الاسلحه

[قشغشى]

اخواني انا بشتري ساكتون هواي بس احترت وش اشتري كلن يقولي هذا احسن من هاذا ناس تقول الفايروخ85/80/70 افضل وناس تقول الديانا 35احسن وكلن يقولي نوع وانا احترت ما بين هذا وذاك مع العلم اني ابقا اصيد بها
1_القمري
2_الدخل
3_السمان
4_الحجل

وايهما احسن ام زرف صقير وال كبير
ارجويا اخواني ان تفيدوني لاني بعد ثلاثه ايام او اربعه رايح اشتريها
واهم شي القوه وتطرح الطير من طلقه وقليلت الخربات ومو مهم السعر المهم الاادا

[ّبرق الجناحّ]

هلا وغلا حياك الله بالنسبه للسكتون الي معي هي 90 نوركا اسبانيه استخدامها ممتاز ورمي مايحتاج بس انت تقول ابيها للقميري والسمان والدخل والحجل اول شي الدخل يبيلها ام صتمه ديانا 27 رصاص صغير والحجل السكتون ماتذبحه الخرازه يالله تذبح الحجل كيف السكتون ؟؟ والسمان بالـ 27 اما القميري خذلك فايروخ 80 (قديمه) لان الجديده السبرنق حقها بلاستيك مو مثل القديمه حديد وانكانك تبي تاخذ 90 نوركا انا اشوف انها ممتازه لها معي الحين سنتين ورميها للقميري ممتاز وحتى السمان والحجل بس الحجل يبيلك تجيبها فالراس لان فالجسم ماراح تضر وبالنسبه للسعر الـ90 بالف وميتين مع 500 طلقه وجراب ومع الدربيل تصير بالف و 400 وانا اشوف انها ارخص ساكتون 90 موجوده حاليا وهاذي هي المعلومات الي عندي وانشالله انها تفيدك تقبل تحياتي اخوك

بـــرق الجنـــاح

[علم162]

ماقصر برق الجناح وان كان توفر لك بنادق الرميح الناس ترغبها اكثر الفايروخ واما غير الالماني لايقربك عن خبره وتجربه

[ابو تركي 500]

ماهو قصور بكلام الاخوان بس عندك ديانا 36 و 38 و 85 تراهن اطيب شي وخاصه 85 الرميح تفي لكل الصيد ولاتنسى قسمة الله فوق كل شي لو كان دخل ترميه اذا ماهو مقسوم والاصابه قاتله راح يولي صويب او سلم
والخيره فيما اختارها الله

[قشغشى]

مشكورين اخواني علي الرد علي الموضوع وارجو الايفاده اكثر لاني توي مبتدي في الصيد

[الشقردي 205]

القامو الاسبانيه طيبه وهي والفايروخ افضل شي حالياً ..

[شبــ الريح ــيه]

فايروخ ٨٠ ممتازه جدا