وينكم ياهل قطر

[حمد العذبي]

سلام عليكم ورحمة الله وبركاته

مساء الخير


وردي قبل قليل ان واحد من اهل قطر يقولون المسند هد على حبارى والخبر ماتي متأكد منه ياليت احد يعطينا التفاصيل من اهل قطر إذا الخبر صحيح

[النااااااادر]

الله يجلها بدايه خير

[صاحب نوماس]

تو باقي عليها

[المعاون]

السلام عليكم هذا الكلام غير صحيح
انت عذبي وتعرف وقتها .
هذي الكلام ما يطلع من هل قطر

[مسعطر]

صحيح يااخ حمد الخبر دارج وللحين ماتاكد احد من السالفه صحيحه او لااما الوقت والعبور ماتوقع في شي مستحيل والاحتمالات وارده ويمكن مقيضه او من حباري المزارع المفرخه


رائي الشخصي وكل شي وارد

[توكار]

أقوووول الحباري ماتجي الا بالوسم

ولا تجي الا بعد القميري


شئ معرووف من خلقة الناس وخلو عنكم الأشاعات وصنعتها عبر هاالمنتدي

حدث العاقل بما لا يعقل فأن صدق فلاعقل له

[حمد العذبي]

أقوووول الحباري ماتجي الا بالوسم

ولا تجي الا بعد القميري


شئ معرووف من خلقة الناس وخلو عنكم الأشاعات وصنعتها عبر هاالمنتدي

حدث العاقل بما لا يعقل فأن صدق فلاعقل له

بارك الله فيك انا ماقلت عبور قلت حبارى مصيوده في قطر والخبر صحيح
وانا اخذت العلوم من مصادرها واتحمل مصداقيه كلامي

انت يبدولي انك راعي بندق وتمشي على تواريخ اهجره الطيور وتمشي عليها فقط

وخذ العلم مني يالعاقل

[توكار]

أبشر ياطويل يالعمر بس لاتــزعل / انا شارب سفن أب مع لبن المراعي يعني الزعل مرفوض:D

[مخاوي الذيب 305]

يمكن واحد صايدها ب الموسم اللي طاف وفكها الحين
أو أنه ضاعت منه ويمكن أنه مهاجر !!!

[خالدالشمال]

كل شي جااااااااايز

[انور العنزي]

الخبر صحيح واحد من الربع ورجل ثقه اكد الخبر فعلا مطروحه في قطر الوقت تغير وانا من وجهة نظري ماستغرب اي شي قبل شهرين كلمني واحد من الربع بحايل وذكر لي انه وهو طالع لنياق لقى جرة سمق ويوم قصها لقاهن ثنين مربضات

[فيصل الجربوعي]

كل شي جايز يالربع
القيض هذا أبرك قيض مر علينا براد ونا اكثر الايام أنام في البر
وبراد ما شفت مثلة
وجائز في هالوقت
وهذا رأيي الشخصي

[alaaly]

السلام عليكم ورحمة الله وبركاته ، بالنسبه لصيد الحباره ، انا كلمت واحد من الربع ويقول انه يعرف الجماعه ويقول ما اعتقد انه صحيح ، رسايل بلاك بيري وما ادراك ، على العموم نفترض حسن النيه ونقول الرجال هاد علايم واللي شاف الهدد ظنه صيد من الروض اما انه عليمي ولا انه بلشه وداخل على خط الصقاره ، يا الربع اذكروا الله ولا حد يحط خبر وبعدين ينشد ، انا شفت الموضوع من اول نص ساعه الحباري الحين مهب حولك الا هارب من زرع ولا علايم وبعد نقول بدري وش عليه العجله

[(بوسلطان)]

الخبر صحيح وفي تصوير والحبارى في رأس لفان

[alaaly]

وين يا الاخو في محمية شركات الغاز في لفان

[(بوسلطان)]

صوب صبخة لفان برع المحميه

[صقار الريان]

خبر الحبارى صحيح توني الحين مكلم رجال ثقه
ويقول هد عليها ناصر المسند والحبارى ريشها مهوب ريشت علومه
وهم بروحهم مستغربين منها في ذا الوقت والطير الي صادهاقرناس شاهين
ويستاهلون والله يرزقنا ووياهم ووجميع المسلمين ×

[طاسان]

الله يرزقهم وان شاء الله فال خير

[صايد الخمس]

الله يهدينا واياكم اي طير الي بيلحق بذا الوقت يمديه يندعي وتجيه لياقة اقول صلو على النبي

[عواد الشمري2]

يجوز ليش مايجوز

[ابوفراس نواف]

السلام عليكم ورحمه الله وبركات امس انا معين ثر كروان جنوب الاحساء واحد بس ماعرف هل هو مقيض او لافو

[ابوفراس نواف]

ماعرف انزل الصوره الي يبغي ينزلها هذا رقمي وجزكم الله الف خير وفالكم الصيد 0097455299409

[هاوي الصلفات]

مشاء الله تبارك الله
اول الخير ان شاء الله وهاذي بشاير حبارى الصفري
والي يقول ان الحبارى ما تعبر الا في الوسم غلطان يبداء العبور من دخلة سهيل
لكن الي يطب عندنا قليل وتصير عجله واغلب الاحيان تزل الجزيره .