مشاهدة النسخة كاملة : عين الطير فيها مشكلة .. أفيدونا يالنشامى
ذيب العرمه5
26/08/2012, 12:35 AM
اخواني الأعزاء
السلام عليكم ورحمة الله وبركاته وبعد :
هذا طير واحد من الربع جاه على طبقة العين الخارجية مثل الغشاوة ووديناه للمستشفى وقال الدكتور عنده التهاب مزمن وأنا بصراحة لا أثق بهذا الدكتور لأننا العام الماضي ودينا له طيرين وقال واحد عينه عميا والثاني قال فيه 6 كسور وفي النهاية طلعت الطيور كلها سليمة .
عموماً أرجو من اللي مرت عليه مثل هذه الحالة أن يعلمنا وش هي ؟ وكيف عالجها ؟؟
وهذي صور لعين الطير
http://www.mekshat.com/pix/upload06/images/2012/08/mk90742_11.jpg
http://www.mekshat.com/pix/upload06/images/2012/08/mk90742_12.jpg
شاكراً ومقدراً لكم
وضااح
26/08/2012, 01:07 AM
اخوي الغالي
في البدايه سوي للطير اختبار على عينه جيب برقع وقص الجانب اللي عند العين التعبانه وحرك يدك وشوف هل ينبه لحركة اليد سريع ولا لا؟؟
اذا كانت العين سليمه ويشوف لاتبرقعه لمدة اسبوع ولو عندك ماء بحر رش عليها 3 مرات في اليوم واذ ماعندك رش ماء فيه ملح عاادي
وحاول كل يوم تعرضه للشمس
وباذن الله يتشافا
واخيراا
ان اخطات فمن الشيطان وان اصبت فمن الله
كل الود
عابر الموج
26/08/2012, 01:09 AM
هذا التهاب بالعين حاول تعطيه مضاد حيوي واسع الطيف تجده عند المستشقى الخاصه بالطيور او البيطري والسبب والله اعلم اصابته بواسطة ذبابه لاعرف اسمها تضع بيضتها داخل عين الحيوان وفيه طريقه شعبيه اذا مانفع العلاج اتصل على جوالي تجد الرقم بالملف الشخصي تقبل تحياتي
محتار والله
26/08/2012, 01:11 AM
هذي وضحه مالها علاج
AL-NaDeR
26/08/2012, 03:29 AM
الله يشفي طيرك وانا اخوك ..
افدوك الاخوان ..
وانا متابع لـكي اتعلم ..
عطنا العلم لا تعالج طيرك ..
نواف وبران
26/08/2012, 04:43 AM
السلام عليكم ورحمة الله وبركاته
التهاب بالعين علاجه سهل بأذن الله تعالى
روح للصيدلية البيطرية واطلب منهم علاج
ORNI TAB
pantex holland B.V
حبتين باليوم لمدة 7 أيام وتقدر تدعي الطير وهو يتعالج ما تاثر عليه
وأن شاءالله انه يتعافى لان هل الحالة مرت علي وتم علاجهاا
عواد الشمري2
26/08/2012, 07:28 AM
اذا عجزت عنه وتبي تطبب به جرب مي وملح نسويها للغنم يوم تنقلب عينها مثل كذا لمدت اسبوع وترجع تشوف بها مابه خلاف اما على الطيور ماجربته اذا عجزت ومالقيت حل اغسل العين بمي وملح
قرناس حوران
26/08/2012, 07:43 AM
الله يشفيه يالغالي
فيصل الجربوعي
26/08/2012, 09:52 AM
يمكن يكون التهاب جيوب انفية
لازم ينظف خشم الطير
وينظفها بالطب الشعبي عند
(العوبل في النعيرية) ولا (العويدي بالرياض)
او مستشفى فهد بن سلطان
احتمال يكون جيوب انفية
خصوصا اذا صارت العين تنتفخ بين العين والحاجب
تميم2222
26/08/2012, 10:55 AM
والله يالغالي انا جا عندي طير .. مثل هالحاله وماخليت شي عنه رحت للمستشفى وتراسلت مع ناس لكن مالقيت له حل ...؟؟ ابد وبعته وهذي ماهي مشكله برقع باينه انها بنفس قناه العين الدمعيه ما ترطب للعين ...ياليت اذا لقيت حل .. تفيدنا
ابو نادين2012
26/08/2012, 11:36 AM
الله يشفيه يارب
ربع خالي
26/08/2012, 12:58 PM
وعليك السلام ورحمة الله وبركاته
اخوي الغالي. عندي علاج هذه العله ومجربها انا شخصيا على ٤ طيور. ومن هذه الطيور اللي كانت حالته متاخره
وابشرك تشافن كلهن وهذا من فضل ربي ومن ثم هذا العلاج
رح للصيدليه البشريه وأعطه هذا الاسم ( Apicol)
عباره عن معصار مرهم تضعه منه على عين الـطـيـر ! مرتين باليوم
وخلال يومين بتشوف الفرق .
والله يشفيه ان شاءالله
اخوك ابو سيف
العد القراح
26/08/2012, 09:07 PM
السلام عليكم اناكان عندي شاهين فيه نفس الفيروس اللي في عين طيرك والفيرس يجي فاالمحل اللي مأهوب نظيف مضاد حيوي حبوب ٧ايام وقطره العين وسلامتك وموفق خير
عبدالرحمن بن ذياب
26/08/2012, 10:50 PM
الله يشفي طيرك
ذيب العرمه5
26/08/2012, 11:00 PM
وضااح
عابر الموج
محتار والله
AL-NaDeR
نواف وبران
عواد الشمري2
قرناس حوران
فيصل الجربوعي
تميم2222
ابو نادين2012
ربع خالي
العد القراح
عبدالرحمن بن ذياب
بيّض الله وجيهكم جميع ولا هنتو
عزّ الله كفيتو ووفيتو وما يستغرب الطيب من أهله
وسيتم تجربة الأدوية المقترحة وإن شاء تجي البشاير عن قريب
ذيب القرى
26/08/2012, 11:09 PM
بصيطه ان شاء الله كان عندي طير وجاه نفس المرض ودينه للدكتور البيطري بجده بمركز فيفا وقال هذي ديدان الله واعلم بس عطاه ابر لمدة اسبوع وراحت عنه وطاب الطير ورجعت عينه مثل اول تقول ما جاها شي والحمد لله الله يشفي طيرك وكل مريض
Powered by vBulletin® Version 4.2.3 Copyright © 2024 vBulletin Solutions, Inc. All rights reserved, TranZ by Almuhajir