تفلسفت وجبت العيد بالمكيف

[abdullah25243]

اخوتي الكرام
معي باترول 95 ومروحة المكيف عندي ما تشتغل مع المكيف مما يرفع حرارة السيارة والبارح ما جاني نوم وقلت خلني اروح اهندس،، والله وأروح للسيارة ومعي علاقات ملابس عدد 2 واشبك المروحة دايركت على البطارية الا والله اشتغلت وجلست الحرارة ثابتة على الربع مع تشغيل المكيف يمكن 20 دقيقة، يوم جيت افك العلاقات من الفيش حق المروحة وتتلامس في بعض السالب مع الموجب ويطلع شرار وتطيح على بخاخات البنزين وانواع الشرار وأرجع اشبك العلاقات في الفيش الصغير اللي يجي على يسار اللديتر اللي يركب في زي الاسطوانه ويتغير صوت الكمبروسور كأنه ضرب، وأجي للمكيف الا ما يبرد. مع ان فيه دفع هواء واطفيه واطفي السيارة وارجع اشغلها الا والله الكمبروسور ما يشتغل مع تشغيل سويتش المكيف بس هواء عادي ( الجو كان براد ) ما أدري مع تلامس السالب بالموجب أكثر من مره ضرب فيوز أو كتاوت أو الكمبروسور أو بلف والله مدري وش خربت بالضبط،،، إفادتكم يالربع

[tevo]

هههههههههههه
الله يعينك اخوي لاكن اتوقع ان المشكله فيوز لان اي التماس يضرب الفيوز .
شيك علي الفيوزات وان شاء الله بيرجع زي اول .

[abdullah25243]

يعطيك العافيه، المشكلة دورت في الفيوزات اللي تحت الدرج اللي في الطبلون وقرأت الاستيكر اللي عليها مافيها أي فيوز للمكيف

[maxima99]

يعطيك العافيه، المشكلة دورت في الفيوزات اللي تحت الدرج اللي في الطبلون وقرأت الاستيكر اللي عليها مافيها أي فيوز للمكيف

لا فيه فيوزات بالكبوت شيك عليها

[GABER65]

الله يعينك اخوي لكن اتوقع ان المشكله فيوز لان اي التماس يضرب الفيوز

[السامي2011]

عندك فيوز ضارب ميه بالميه وتحصل الفيوزات عند باب المعاون ,, على اليمين .