مشكلتين مع اللاند كروزر

[هديب الشام]

موتري لاند كروزر 2003 قيرخلفية
اولا عندي رجه بالموتر اذا وصلت السرعة 140 المتر كلة يرج والراكب بالخلف يشعر بها اكثر فحصت الصليبات وعمود الدبل كويسات كانت بسيطه والان تزود
ثانيا اذاكان المكيف شغال اسمع صوت طقة صغيرة كانه تماتيك يشبك ويفصل اذا طق انكتم اغلب هوا المكيف واذا طق مرة اخرى رجع الهوا طبيعي

[يكفيني نظرة]

شيك على الترصيص والكفرات لايكون جاها فرامل قوي وماسح مكان من الكفر..

[الكر]

هلا اخوي
بخصوص الرجه او الهزة :
انا كانت عندي رجه تبدأ من سرعه 100 كيلو وكل ما زدت بالسرعه يزيد الاهتزاز
المهم ماخليت ورشة كل واحد يقول العمود والصلبان سليمة واخر الحلول غيرت عمود خلفي وامامي مع الصلبان ومع الضمان لمدة شهر من مخارط السلام بجدة
ولكي تتأكد عليك جرب هذي الطريقة
1- فك عمود الدبل وامشي بالسيارة وشوف الرجه راحت فإذا المشكلة بعمود الدبل او الصلبات حقته اذا ما راحت الرجه انتقل للخطوة الثانية
2- رجع عمود الدبل وفك عمود الدواران الطويل الخلفي وطفي السيارة وعشق الدبل الخفيف وعشق بالقير عادي وشغل السيارة والى سرعه الرجه اللى كنت تحس فيها ومن ثم وقف وامشي على مهلك لأن المشي على الدبل مشوار طويل مضر احيانا
فإذا راحت الرجه فالمشكلة من العمود الدوران الخلفي او صلبانه
فإذا ما زالت الرجه موجوده عليك بفحص جرم الجربكس من كراسي ورمانات ودسك الكلتش فاحيانا ضعف الدسك يسبب رجه بسيطة وليست قوية
طبعا جميع ماذكر بان الرجه ليست رجه بالدركسون وليس حين ضغط الفرامل بقوة
انما رجه بالبودي والمقاعد وتلاحظها بكثرة بالمرايا الامامية حين تنظر تجدها تهتز وتعتبر ليست رجه انما هزه قوية مثل عندما تمسك جوال هزاز فعليك ان تتاكد وتفرق بين الرجه والهزة

اما بخصوص طقة وقفل الهويات
فالغالب يكون من الاتوماتيك موزع الهواء ولكن عليك فحصها عند فني تبريد متخصص مع اشتراط الضمان واخذ فاتورة لضمان ما تدفعه له من قيمة التصليح والقطع وهذا حق من حقوقك

وابلغنا باي تطور معك بانتظار

تقبل تحياتي

[ابومشخص]

الرجه اذا كانت من 70 الى 100 تكون بسبب الكفرات الامامية

اذا كانت من 120 وطالع تكون من الكفرات الخلفية والسبب ان وزن السيارة يكون على الكفرات الخلفيه

شيك على الكفرات الخلفية ترصيص كما قالوا الاخوان
وكذلك شيك على صواميل الكفرات الخلفية هل هي مربوطة تمام

والله يوفقك وبلغني باللي يحصل معك

[هديب الشام]

يمال العافية والله الرجة بالبودي ماهي بالدركسون ولاتبدا الا بعد مااوصل بالسرعة ١٤٠
دخلت الورشة اليوم وقلت له يشيك على الصليبات وعمود الدفرنس لان عمود الدبل فكيته ولاراحت الرجو وبكرا اشوف راي الميكانيكي

[Vortech]

في انتظارك....

كان عندي 2005 وسويت نفسك ولا فيه فايده...

عقب رااحت بروحها هههههههههههههه

[ابورايف]

تأكد من الكفرات
يمكن بحاجه الى ترصيص
أو تحبيل
أتمنى أني أفدتك
تقبل مروري

[هديب الشام]

شكرا مشرفنا ابورايف اليوم غيرت الصليبات ولافيه فائدة وركبت تحضيرة ولافيه فائدة اخر حل رصصت الكفرات ترصيص داخلي تلزيقة وخفت الرجة تقريبا ٧٠ بالمية لكن لازالت موجودة
وهي اكثر ماتبين مع الخط السريع عسى الله يعين

[هديب الشام]

ما فيه احد صارت معاه مثل هالرجة يفيدنا

[ls1.5700]

رجة السياره كثيره اسبابه
1 الكفرات ممسوحات او فيهم ساحقيه منوكل من الدخل وهذى يكفي يكون سبب رئيسي لرجة الموتر
2 الجنط فيه ميول ويحتاج الى ترصيص
3 عمود الكردان قد يحتاج الى ترصيص
4 عمود التوازن يمكن تكون الربل الي داخل العمود منوكله متهريه
5 مساعدي الدركسون يمكن خربان
6 رمان العكس قد يكون مرتخي

كل الي ذكرتهم يسببون رجة السياره
ارجو اني افدتك

[جداف]

نفس الحاله عندي وعجزت القى الحل

انا موتري هدد
ركبت كفرات جديده ولا راحت رصصت ولا راحت
غيرت الجنوط ولا راحت
فحصت الصليبات سليمات
والسياره من تحت يقلون سليمه كلها
كرهت السياره ما اقدر اسرع عليها

[ابوراكان تبوك]

كل رجه في البودي من الخلف سببها يالعمود أو وزن البنيون بالنسبه للعمود مايبين معك الا انك تفكه وتجرب بالدبل أو تفحص العمود بالكمبيوتر في المخرطه مع اني متوقع ان سبب الرجه عندك من العمود

[joblak]

شيك على بوبرنقات الاكسات ( العكوس ) ولا تهاون فيها وانا اخوك

[هديب الشام]

الله يعافيكم جميعا اما السحكية الداخلية موجودة بس خفيفة وودي اغير الجنوط والكفرات بس خايف اتخسر على الفاضي

[جداف]

اخوي هديب الشام
انا مثلك بالضبط ما خليت شي ما سويته وفحصت الصلبان قالو كويسه بس ما سمعت كلامهم
بس ما سعمت كلامهم قلت بفك العامود الخلفي وفكيته ومشيت على الدبل
والرجه راحت تمااااااااااام ما صدقت عمري
شريت صليبات جديده وغيرتها والحمد لله الموتر الحين زي الفل
عاد انت حاول تسوي زي ما سويت وامش بعامود الدبل وشوف
اذا الصليبات غيرتها فا تاكد من العمود يمكن يبي خرط والا شي

ان شاء الله افدتك

[ls1.5700]

اخوي هديب الشام
انا مثلك بالضبط ما خليت شي ما سويته وفحصت الصلبان قالو كويسه بس ما سمعت كلامهم
بس ما سعمت كلامهم قلت بفك العامود الخلفي وفكيته ومشيت على الدبل
والرجه راحت تمااااااااااام ما صدقت عمري
شريت صليبات جديده وغيرتها والحمد لله الموتر الحين زي الفل
عاد انت حاول تسوي زي ما سويت وامش بعامود الدبل وشوف
اذا الصليبات غيرتها فا تاكد من العمود يمكن يبي خرط والا شي

ان شاء الله افدتك

اوافقك الراي حل سليم وغير مكلف
الله يوفقك ويجزاك خير

[علووووم الحيا]

مرحبا اخوي هديب الشام

انا كانت عندي على 120 - 130 تقريبا

غيرت المساعدات الاماميه والخلفيه واختفت تماما

تقبل تحياتي