@@@المشورة يالربع@@@

[ابرق الحرار]

عندي طير له عشرة ايام شهيته ضعيفه اعطية القمرية يأخذ نسرة نسرتين ويقعد ربع ساعة وينسر مثلها يالله يأكل ربع القمرية لايوجد قلاع خارجي واعطيته حبوب قلاع لمدة عشرة الايام الماضية قلت يمكن فيه قلاع داخلي تغير شئ بسيط يأكل نصف القمرية من امس واعطيته حبوب الدود كان وقتها مرشه وانتم بكرامه اسود وهذي الايام طبيعي ابيض بعض الاحيان اخضر ولاادري مابداخله علما ان علته داخليه وقت ماياكل نسرة نسرتين يوقف من الاكل ونرجوا من كان عنده الخبره او مر عليه مثل طيري ويوجد له علاج ان لايبخل علينا علما ان البلد حاليا الغربيه لايوجد مستشفى وشكرا

[ابو عضيله]

اذا كان الطير صنيع ومتاكد ان مافيه قلاع شنذره واتكل على الله

[هاوي الصلفات]

انصحك ارسله لأي مستشفى سوءاً مستشفى القصيم او الرياض
لأنه اعتقد لازم تحليل
والشنذره اختلف مع اخوي ابوعضيله لأن الشنذره ماهي علاج ابد
ولها اثار سلبيه كثيرة من تسمم والتهابات ومكن تذبح الطير
ولازم يكون الجو بارد والطير سليم ان اضطررت تشنذره
وارجو ان يشفىي الله طيرك عاجل غير آجل
تقبل مروري

[(بوسلطان)]

أبعد عن ألشناذر افحص الطير واذا ماحولك عيادة عطه كورس كوكسيديا وكورس التهاب والله يشافي طيرك

[ابرق الحرار]

شكرا لمرور الجميع ونرجوا ان تكون هناك مشاركة من الاعضاء الكرام

[عواد الشمري2]

لا تشنذره انتبه والعلف لزم يعلف غصب قطع له قطع صغار وحطه بمي حار وعطه افتح منسره وحده بس انتبه على مجرا الهوا بس حطه بول المنسر وتركه هو يبلعه .. واذا به قلاع مايشفا على طول عقب العلاج بخمس ايام يزين ويروبج روجباجه مروحه هذي علامت شفاه بس اهم شي يعلف لا تخليه على كيفه ترا يموت واذا عاد بلشت به وده للمستشفا بببس اهم شي لازم تعلفه

[ابرق الحرار]

اخوي عواد مساك الله بالخر الطير له اربعة ايام يروبج لكن العله داخليه

[عواد الشمري2]

اقصد باروجبت المرض اذا طلعت تطلع لها رمه
ابي يوم يقعد ينسر يمطق بالحم تمطق ويعلك به علك ولا يكله صح وخاطره وسط ودايم كاش وراكد وبس يطحن بزوره يعني يعد يسوي كانه جالس يهضم عضم صح ولا لا

[ابرق الحرار]

صحيح هذا الي حاصل كانك تشوفه

[عواد الشمري2]

اجل هذا قلاع وعطه فلاجين حق الاوادم بصيدليت البشر تلقاه خذ حجمه 250 وعطه كل يوم حبه لمدت خمس ايام يوم تعطيه الحبه الحين لا تعلفه الا بعد ماتعطيه الحبه بساعه وهم شي لازم يعلف مثل ماقلت لك قطعه قطع صغار وعندك كوب مي حار او دافي وغط قطعت الحم به وفتح منسر الطير وعطه لا زم يعلف وان الله يسر ثامن يوم او التاسع على حسب تمكن المرض منه يعلف للحاله وتزين اموره .......... بس لا زم تعلفه لو غصب ولا الله يخلف عليك يومت الطير الله لا يقوله وبتوفيق لك

[ابرق الحرار]

الله يبيض وجهك ياعواد اعلومك غانمه دائما وعضو فعال في هذا المنتدى الشامخ ولافيه قصور بالجميع

[بو عزه]

السلام عليكم اتوقع فيه التهاب بالمعده او فيه قلاع قوي و الاحسن انك تفحصه بالرياض او بالحفر

[سابوح]

لاتشنذر الا وانت متأكد بالفحص انه سليم من اي مرض

وبعدين لاتشخص بمكان واحد شوف طبيب ثاني واخذ كذا رأي

وشوف اللي يتوافق مع الحاله حسب منظورك ...