๑۩۞هل تمتلك الاجابه ..موس الطير الوحش ..بالصور ๑۩۞

[القنــ أبو تركي ـــاص]

السلام عليكم ورحمة الله وبركاته
وكل عام وانتم بخير / وكل عام وانتم إلى الله اقرب
عندي طير حر قرناس ربطته على وحاشه بعد تدهيل اكثر من إسبوعين
الطير حذف الموس تقريباً في 16 أو 17 رمضان ولله الحمد
http://www.qzal.net/01/2012-08/13460273761.jpg
http://www.qzal.net/01/2012-08/13460273762.jpg
:good2::D;)
ايش تنصحوني فيه الحين
هل ابرقع الطير الحين مع إنه راكد على الوكر او التكايه بالبرقع طبعاً
وابتدي تدهيل ودعو لين تتم الموس :D مستعجل ما عندي وقت ههههههه
الشناذر متى اشنذره لين تتم الموس او قبل عادي ..ابي إجابه عن تجربه
وبالاخير الموظوع ...للخبره وتبادلها ومنفعه بعض :good:
تحياتي للجميع بموسم حافل بالحباري والكراوين هذي السنه

[(بوسلطان)]

السلام عليكم أخوي الريشه اللي فالصوره على مااعتقد أنها النايفه وليس الموس بس يفيدونك اللي أخبر مني وتقبل مروي

[القنــ أبو تركي ـــاص]

وعليكم السلام ورحمه الله وبركاته
حياك الله يا ابو سلطان
اخوي هذي اول ريشه تسمى الموس
انا تعمدت تصويرها من قرب لانها مميزه
وثاني ريشه تسمى النايفه ..لانها طويله شوي ...نايفه يعني طويله هههه
ومشكور على ردك إحترامي لكـ

[الخزز تقليد]

يفيدونك الاخوان انا والله مالئ خبره

[معسف العاصي]

الموس اللحين شاتل برا اذا دخل الموس انقله دام الطير راكد . حتى لو مانشف عادي لكن اذا الطير كفاخ لاتنقله لين ينشف.
بالنسبه للشناذر لاتشنذره لين تدعيه اذا نفسيته زينه لاتشنذره واذا شفت انه ابطى ماجاوب معك شنذره
ولاتستعجل ترا باقي الوقت بدري الله يلحقنا خير

[سنجااار]

لاتستعجل على الطير خل موسه ينتصف وانقله آمن للموس لاينفضخ سبحان الله ولا يكفخ ويضربه شي

تقبل مروري

[فيصل الذيب]

اذا شنذرت الطير وموسه مابعد صك تراه يقصر شوي
لكن لامانع من تدهيله الحين ولا مانع من الدعو لينا اصلا دايم ندعي الطيور اول مايقط موسه


تقبل مروري

[خلف الفار]

الدعو مافيه مشكله اذا تبي تداريه من الكفخ
بس الشناذر خطير الوقت هذا لايغرك الجو الان
جوف الطير نار اذا دخل الوسم يبرد كل شي
وشنذر
بعدين ليه مستعجل العبور باقي مافيه عبور الا في 1/11/ 2012
تقبل مروري

[احمدالصالح]

اخوي نصيحه مدام ساسه وحش خله اللين مايتم موسه ويعصب لان الوحش بعد الربطه مايركد من المكافخ

[عواد الشمري2]

الدعو مافيه مشكله اذا تبي تداريه من الكفخ



بس الشناذر خطير الوقت هذا لايغرك الجو الان
جوف الطير نار اذا دخل الوسم يبرد كل شي
وشنذر
بعدين ليه مستعجل العبور باقي مافيه عبور الا في 1/11/ 2012


تقبل مروري

:good2:........................

[كلي فخامه]

وش مستعجل عليه اصبر وخله لين تتم الموسيات ويبرد الجو مافيه صيد هالايام الوقت توه ...

[(هزاع)]

نصيحه
لاتعرضه هلحين مابالعجله فايده
الطير قرناس وحش

[راعي - عديم]

الطير ساسه وحش لاتستعجل بالشناذر


خله لين يعصب الموس


وملحوق ع النقل والتدهيل



لأن الموس مايتعوض



والله يعينك ع المكافخ


مابه براد لايغرك دخول سهيل


وتقبل مروري

[قرناس حوران]

سبحان الله العضيم تسولف وكنك تسولف عني وضعي نفس وضعك ونفس طيرك قرناس هوا ودوهلته مايقارب اسبوعين او ثلاث اسابيع وقيضته ومتشوق لشوف جناحه بس لاتستعجل
وبالتوفيق يالغالي

[وكري الشمال]

افادوك الاخوان

[عاشق الطير999]

السلام عليكم ورحمة الله وبركاته يقول من شاورك دخل ذمتك الي انا اعرفه ان الصقار اذا بغى يدعي الطير بعد المربط لابد يقصر عليه ونت للحين ماطلع المواس اذا قصرت على الطير وهو ماتعدن النص المواس يظره ويسخف الريشه ويرمسها ولا تطلع الى الموسم الجاي انصحك لاتنقل الطير وكرمه لين تعدى النص المواس لاتستعجل تقبل

[جـرح الشمـال]

نصيحه

لاتعرضه هلحين مابالعجله فايده

الطير قرناس وحش



اتفق مع اخوي ابو مشعل:good2::good2::good2:

[ذراع الذيب]

لاتستعجل على الطير خل موسه ينتصف وانقله آمن للموس لاينفضخ سبحان الله ولا يكفخ ويضربه شي

تقبل مروري

السلام عليكم ورحمة الله وبركاته..
مسيت بالخير ياخوي..

ماشالله تبارك الله طيرك وحش وعزالله ماقصرت فيه وهذا من حسن صقارتك له..
ومثل ماقال اخوي ابوعبدالله ولاهو قصور في بقية الاعضاء اذا انتصف الموس انقله وعني أنا لاتخاف..
وأكرمه في عشاه ولاتقصر عليه وفي هالفتره دهله على كيفك وعلى راحتك واذا عصب موسه..
شنذره والله يجعله يونسك ويصيد ويفيد معك وتحياتي لك..

[ابوعزيز2007]

انا مع الي يقول الطير وحش اصبر وانا اخوك من صبر ضفر

[الشامخ عرعر]

اصبر ياابو تركي بدري على الشنذرة والتدهيل بس لاصف الطيرررر وكمل ريشه على كيفك والشنذره انصحك مع دخلت الطيورلين يبرد الجو وتاكل من صيده بذن الله

[عبدالرحمن بن ذياب]

لا تستعجل ونا خوك مثل ما قالوا الاخوان

[عاذي]

الموس يكمل نبتها بعد ستون يوما من حذف الطير لها .. والشنذرة على حسب نفسية الطير .

[ابيات]

انصحك تمتعه بالعلف كل يوم تغير له علف وعليك بالصوص والهبر الطيب لأن كثر علف الطير راح يسوق الريش اسرع واطيب ومنها يغسل الطير صح ..اذا بتدعيه بتضطر انك تقصر على الطير والموس تراه مايعصب الا عقب شهرين لكن اذا تعدا القران ماعليه سهالات

[خيال سهيل]

الموس يكمل نبتها بعد ستون يوما من حذف الطير لها .. والشنذرة على حسب نفسية الطير .



:good2::good2::good2::good2:

كلام سليم وازيدد عليه الشنذره اذا برد الجو يعني من شهر وفيها من اليوم

[القنــ أبو تركي ـــاص]

http://im27.gulfup.com/2012-08-29/1346267175811.jpg
اشكركم جميعاً
كلاً بأسمه
صح انا خايف على الموس لاتنفضخ ..لانه وحش
وبنفس الوقت قلت ابرقعه وابتدي تدهيل ودعو ....فتره الشهرين حتى تعصب الموس
ويكون الطير راكد ....هذا سبب عجلتي على الطير
نبي نستانس
والله يعطيكم العافيه