استفسار عن تركيب الفرارات للباترول

[accel]

السلام عليكم ورحمه الله وبركاته

اخواني باختصار اشتريت فرارات تماتيك للباترول 95 مثل اللي في الصورة بس عندي استفسار اللي عنده خبر عن طريق تركيبها لانها تختلف عن فرارات السليماني العاديه

وحاولت اركبها لكن للاسف مافصل الكفر والعمود مازال يدور ؟؟

http://www.toyota.com.kw/Arabic/toyota_models/lc_pickup/images/JH6002.jpg

والشكر للجميع

[saleh333]

هلابك اخوي

إذا انت من اهل الرياض وعلى ماسمعت إن محل سوافي يشتغل فيهن ويركبهن طبعاً فيها شغل خرط على ما أعتقد

تأكد وردلنا خبر عشان غيرك يستفيد

لكن استفسار اذا ممكن بكم سعرهن ومن وين وايش صناعتهن ياليت تفيدنا

ارجو إني افدتك والشباب ماراح يقصرون بيجيبون لك العلم

[accel]

هلابك يالغالي اشكر مرورك وردك

انا سمعت نفس الكلام انها يبيلها خرط او قص لكن ما ادري وش السالفة اتمنى ان احد الاخوان يفيدوننا لان ما ودي اروح لاحد ودي اركبهن عندي لاني برا الرياض

وانا اخوي شريتهن مستعملات من واحد فاكهن من موترة يقول انهن تجي على الدفرنسات الاستعمال الياباني
وسمعت انك تحصل مثلهن صينيات عند قطع الغيار حوالي 400او 450

والله الموفق
واشكر اهتمامك مرة اخرى

[accel]

السلام عليكم

وينكم يالنشاما

[رعد الفيافي]

للأسف اول مرة اشوفها!