الفرعه يأهل مفخرة الأرض تكفون

[هدد 1]

عندي جي اكس ار v8 2010 اذا وقفت السياره بعد مشوار وقبل لأطفيها يطلع صوت طقه قويه تحت كأنه صوت حديده منكسره والصوت احسه قدام في المكينه او جهت الكفر الأيمن وفزعتكم ومشورتكم

[هدد 1]

١٩ مشاهد ولا فيكم الي رد وينكم يالنشاما

[تساهيل1]

ان شاء الله خير ويكون الوضع طبيعي

اننظر شوي بتجي المساعده ان شاء الله

لعله خير

[الكشات وافى]

عندي جي اكس ار v8 2010 اذا وقفت السياره بعد مشوار وقبل لأطفيها يطلع صوت طقه قويه تحت كأنه صوت حديده منكسره والصوت احسه قدام في المكينه او جهت الكفر الأيمن وفزعتكم ومشورتكم


أخى الكريم هدد ... غالبية الأصوات والطقات اللى تجى تحت السياره وتحديدا فى

الهيئه ... من الصعب تشخيصها من خلال الوصف ..!!

بل غالبا هى تحتاج الى معاينه فعليه وتحتاج الى نزول تحت السياره من قبل فنى أو

حتى شخص لديه بعض الالمام ... لهذا السبب لاتجد ردود ... وأن وجد فهى تبقى

مجرد ... تكهنات ...!!

أنصحك بالمرور على أكثر من ميزان للمعاينه وتشخيص الخلل ...!!

وتقبل مرورى برحابة صدر

[سلطان الغدرا]

ان شاء الله يفيدونك اهل الخبرة ويريحونك منها

[العطاوي a511]

اتوقع الشكمان والله اعلم مر على راعين التلحيم وخلهم يشوفون الشكمان يمكن منفك والله اعلم

[هدد 1]

المشكله اجي الورشه والا يطلع الصوت

[هدد 1]

وينكم يالأهل الخبره

[سعد القاسم]

اخي الكريم اعرض مشكلتك بشكل واضح وفصل فيها جيدا كي يتسنى لاهل الخبره الحكم

وفقنا الله واياك لاني لم ادرك حتى الان ولا نصف المشكله


وهل الصوت يطلع اثنا وقوف السياره او قبل لا توقف او وهل الدركسون اذا لفيت يطلع الصوت مثل او اذا جيت توقف وانت لاف يعني وضح شوي
وان شاء الله تجد الحل

[mekshaat]

نفس مشكلتك سبق صارت معي قبل فتره لاوقفت السياره وطفيتها وجلست شوي
يطلع صوت طقه قويه تحت كأنه حديده منكسره أو كأن واحد ضارب السياره من تحت
بحديده شكيت انها ماسورة الشكمان لأن الصوت كأنه منها المهم مريت على مهندس
وسألته قال هذا السلك أو الواير حق الجلنط المهم اني ماصلحتها وبعد فتره تكسرت
السبرنقات والقطع حقت الجلنط اللي جوا الهوب ويمكن ان السلك كان شاد ويحتاج وزن
واالسياره فورد عموما الصوت كان يطلع لاوقفت السياره وشديت الجلنط والصراحه الطقه
قويه مره ويمكن مشكلتك نفس اللي عندي.