قصيده مهداه - من سحاب نجد-راعي شقراء- الى ال رايق -ابو مهند

[سحاب نجد راعي شقراء]

السلام عليكم ورحمه الله وبركاته


هذي قصيده اهديها للي احبه ونا والله احبكم كلكم


اهديها للغالي ال رايق - ابومهند فهذا الرجل احتواني منذو تسجيلي في هذا المنتدى الشامخ الي كلن يتشرف باالانظمام له وقول في قصيدتي وتراها على قد الحال




الــبــارحــه لــيــلــي كــثــيـرن عـجاجـــه





ورتجـت الدنيـا ودخـن بــهـــا الـــكـــيــــر





وقـــبـل زمانــن عـاقــدن لـي حـجــاجــــه





عــقـب الـيـســـر يـبــو مـهنـد تـعـاسـيـر





والــدمــع مـن عـيــني كـثـيــر انـزعاجــه





وأثــرعلـى خــدي ســـوات الـمـنــاشــيــر





يـبــو مــهــنـــد يـــاســنــد مـن لــجــابــه





يــاريــف مـنهـــو ضـايـمـتــه الــمـقـاديــر





انــخـــاك فــي شــورن يــنــور ســراجـــه





عـلـمــن لـفـاني كــسـر الضــلـع تكـسـيـــر





هـــم لـبـسـونــي ثــوب لـبــس الــعــواجـه





ونــا الـشـريـف اللــي عـلـومـي مـسـافـيــر





ودري الـدجــاجــه رجــلـهـا مـن دجــاجـــه





والــحـر مايـسـكـن مـع البــوم فــي الــبـيـر





واللــي خـفـى فــي الـقـلــب ورجــــه وداجـــه





ياكــيـف ثــوب الـشــيـخ يـعـطـونــه الــزير


سحاب نجد-راعي شقراء

[SAS2]

هذي القصيدة رايقة واهنيك عليها بس ليتك كتبت مناسبتها

[نديم المجره]

صح لسانك
قصيده من اعذب قصائدك
القصيده حلوه وزادها اسم الرايق حلاوه
وعزالله انك اسندت على رجالٍ يستاهل وراعي علومٍ طيبه
دامت لك وله المسرات
تحياتي

[سحاب نجد راعي شقراء]

هذي القصيدة رايقة واهنيك عليها بس ليتك كتبت مناسبتها
ياهلا ويا مرحبا

والله يالغالي مناسبتها بينه في القصيده وهو جاني كلام من ناس يقولون ان فلان وزوجته فلانه يذمون فيك في مجلس ونا والله ما اذكر احدن نقد علي بشي بس بعض الناس ما ترتاح الين يسيئون لخلق الله وهذي الي يسمونها يالغالي النميمه الله يعافيهم ولا يبلانا

[سحاب نجد راعي شقراء]

صح لسانك

قصيده من اعذب قصائدك
القصيده حلوه وزادها اسم الرايق حلاوه
وعزالله انك اسندت على رجالٍ يستاهل وراعي علومٍ طيبه
دامت لك وله المسرات

تحياتي


ما عليك زود يالغالي هو يستاهل ونت والله تستاهل كل خير شرفني حظورك لا عدمتك

[راعي العجراء]

صح السانك على هالقصيده الطيبه
وابو مهند يستاهل التوجيه والاسناد وكفو بالجميع
اخي الفاضل
فيه اختلاف بالقافيه ياليت التعديل حتى تكتمل القصيده بجودتها


وأثــرعلـى خــدي ســـوات الـمـنــاشــيــر
يـبــو مــهــنـــد يـــاســنــد مـن لــجــابــه
يــاريــف مـنهـــو ضـايـمـتــه الــمـقـاديــر
انــخـــاك فــي شــورن يــنــور ســراجـــه
عـلـمــن لـفـاني كــسـر الضــلـع تكـسـيـــر

[ال-رايق]

السلام عليكم ورحمة الله وبركاته
الله حي اخوي/أبو نوره
والعذر والسموحة لتأخري عن الرد
وبيّض الله وجهك على الجزلة بنت القريحة الهدّاجة-الصادقة-جعلها تسلم وصدر لراعيها...ينبوع عذب ويشهد الله اني صادق..الى درجة اني تحمست لها ..ولأنك رجال ونيس وتحب المزح وكلامي هذا خارج الموضوع((جبت ذكر الحب -باجه-ههههههه)).
واسمح لي بالمجاراة التالية:

يقول من راسه غدا به رجاجه=رجّ الشجر في زوبعات المعاصير
سحاب فعل الطيب بالطيب يواجه=والشر يثنى للوجيه المقاشير
وفي سوق بقعاء كل يعرف خراجه=والرجل مايرضى عليه المخاسير
ودرب الدجاجه ثر به حب باجه=واكمن لأم الحسّ بشبك ومسامير
اهم حاجة راسك لازال تاجه=والباقي امره يالسنافي على خير
وكثر السموحه عندي اكبر سماجه=ترفع عليك خشوم وتفتح مناخير
وانت مخيّر بين حاجه وحاجه=مابين رد المجهمه والمغاتير
ويالله تبدل ضيقنا بانفراجه=منّا الرجا وعليه حسن التدابير

وسلامتك ,,,,,,,,,,,,,,,,, وسلامة الاخوان

[نديم المجره]

وكثر السموحه عندي اكبر سماجه = ترفع عليك خشوم وتفتح مناخير
لله درك يابومهند
عزا لله انه بيت حكيم
ولاتهون باقي ابيات القصيده
تحياتي

[مكرم الضيف]

صحت السنتكم جميع قصيدة ورد طيب من اخوان نفتخر بهم بدون قصور بالباقين

ودامت المحبه لنا ولكم

[سحاب نجد راعي شقراء]

الله الله الله

يبومهند ونت بصراحه تامه شاعر بما تعنيه الكلمه وعندك خيال وااااسع ماشاء الله تبارك الله عليك يالغالي ولا يستنكر منك جزاله الشعر ونت شاعر الالغاز الي اعتبرها وغيري من اعقد انواع الشعر

الله لا يحرمني منك يبو مهند

ومن كل قلبي اقولك مشكور يالغالي