يوسف الخليفة1
28/08/2012, 02:21 PM
بسم الله الرحمن الرحيم
السلام عليكم ورحمة الله وبركاته
لو كانت البلجيك ما عندها فود=لويش منها ترهمون البواريد
ياللي تسب براوننق ثبت شهود=برهن على دعواك عطنا المناقيد
ترا دعاوي خاطرك درب مسدود=لا بدك تراجع هقاويك وتعيد
كانك تريد الباينه شاور العود=ينبيك عنها وانشد حسين واعبيد
شاور بها الشيبان بالماضي فهود=سجوا سبوتن نوهجت يمة الصيد
لي بندقن هدفا بها الطير مصيود=تلوح من فاها سراع الشواريد
ظفرا تتل الصيد من راس عنقود=من قوتها باتوا ربوعي رواغيد
تلقم طلوق الخمس ما لكة بكود=واربع كذلك من خزينتها واتزيد
بندق قروم الناس معشوقة جدود=باكفوف اهلها ما قنوها المقاريد
ولا حملها الدوبري راخي زنود=اللي على طابور نهج البلاليد
الموخر بمخمص مكينتها مشدود=والعيز مقضوب الطرف كنه القيد
وافلنجه برزح الفشق تقل جلمود=ما خلخلتها ضغوط صلبه كما الحيد
ناتوش والحذاف لو كان مكدود=مخلب نمر غابه سواة المقاديد
القولد سوبر كنها ساق مفرود=يلحق مدا امه للنياق المباعيد
ما خابت بطرد القنص تثبت الجود=يزفر نسمها سواة نار المواقيد
توحي مداويها كما مرعد النود=والا كما جيش الغزو يرجف البيد
كم يوم سجينا الخلا الخالي سنود=وانيدم الزاد بسببها مفاويد
نوقد ضريم النار من يابس العود=حميس والشاهي وبيض البغاديد
يوسف الخليفة ( أبو عبد الله )
السلام عليكم ورحمة الله وبركاته
لو كانت البلجيك ما عندها فود=لويش منها ترهمون البواريد
ياللي تسب براوننق ثبت شهود=برهن على دعواك عطنا المناقيد
ترا دعاوي خاطرك درب مسدود=لا بدك تراجع هقاويك وتعيد
كانك تريد الباينه شاور العود=ينبيك عنها وانشد حسين واعبيد
شاور بها الشيبان بالماضي فهود=سجوا سبوتن نوهجت يمة الصيد
لي بندقن هدفا بها الطير مصيود=تلوح من فاها سراع الشواريد
ظفرا تتل الصيد من راس عنقود=من قوتها باتوا ربوعي رواغيد
تلقم طلوق الخمس ما لكة بكود=واربع كذلك من خزينتها واتزيد
بندق قروم الناس معشوقة جدود=باكفوف اهلها ما قنوها المقاريد
ولا حملها الدوبري راخي زنود=اللي على طابور نهج البلاليد
الموخر بمخمص مكينتها مشدود=والعيز مقضوب الطرف كنه القيد
وافلنجه برزح الفشق تقل جلمود=ما خلخلتها ضغوط صلبه كما الحيد
ناتوش والحذاف لو كان مكدود=مخلب نمر غابه سواة المقاديد
القولد سوبر كنها ساق مفرود=يلحق مدا امه للنياق المباعيد
ما خابت بطرد القنص تثبت الجود=يزفر نسمها سواة نار المواقيد
توحي مداويها كما مرعد النود=والا كما جيش الغزو يرجف البيد
كم يوم سجينا الخلا الخالي سنود=وانيدم الزاد بسببها مفاويد
نوقد ضريم النار من يابس العود=حميس والشاهي وبيض البغاديد
يوسف الخليفة ( أبو عبد الله )