تكفون يارجال طلبتكم الفزعة صوت بالقير حيرني

[ابوجهز الحربي]

السلام عليكم ورحمة الله وبركاتة

كيفكم يالمطانيخ

يارجال انا معي سوناتا 2009 قير عايدي على يدي وكالة لها معي 3 سنوات طلع بها صوت بالقير بدون سابق انذار المهم تركت الصوت ذا واهملته وللعلم الصوت يروح مع دعسة الكلتش ومرت ايام وشهور الين ماطق فيني الموتر وصار الكلتش فاضي كانك تدعس سفنج والقير مايعشق

جبت سطحة وعلى الصناعية قالو نفك القير ونشوف فكوه لقو الصحن تالف والفحمة تالفة رحت جبت لهم فحمة وصحن اصلي وركبوها ضبط الموتر اليوم الثاني بالليل رجع الصوت يعني اذا دعست الكلتش للاخر يروح الصوت واذا رفعت رجلي ودعست الكلتش مره ثانية يرجع بس صوت خفيف واذا دعست الكلتش مره ثالثة يرجع الصوت القوي المهم قلت اغير زيت القير غيرته مافاد نفس الحكاية وانا محتاااار كثر شعر راسي

وللمعلومية وانا واقف وداعس بنزييين يزود الصوت مثل صوت السيور واذا دعست الكلتش كله ودعست بنزين يصير الموتر مثل ماطلعته من الوكالة

حيرني

رحت بعدها اشوف حل وش قالو

1- القير يشتهي توضيب
2- القير يحتاج رمان داخلي
3- الحذاف يحتاج تغيير


الخلاصة يارجال طقت روحي وانا طالب وابي موتر اسافر عليه وانا مرتاح ماشيل هم التعطل على الطرق

مع ان التعشيقات زينة ومابه شي والموتر مايطلع اصوات تروس وحك حديد



وللمعلومية الصوت اللي بالسيارة مثل صوت السيور يروح مع دعسة الكلتش

[mekshaat]

ودي أفيدك لكن ماعندي خبره بمشكلتك لكن فيه مهندس سعودي
جيد وعمالته فلبينيين ويشرف عليهم بنفسه شاوره بالموضوع وراح
يفيدك ويوضب قيور عايدي وحتى دبلات يعني فاهم بالمشاكل هذي
وبرسل لك رقمه على الخاص.

[ابوجهز الحربي]

ماقصرت نفداك ولك دعوة من القلب

وشاكر لتعاونك معي

[عاشق اكستريما]

رجعها ع المهندس اللي غيرت الفحمه عنده

[ابوجهز الحربي]

ياصاحبي الصوت هوا هوا ماتغير قبل التصليح وبعد التصليح مثل صوت السيور بس بحركة سريعة

وشاكر تفاعلك مع الموضوع