أكل الحصى

[ميراج دوز]

السلام عليكم ورحمة الله وبركاته وكل عام و أنتم بخير
خبروني عن الطير يأكل في الحصى هل هو ناقص أملاح إذا كان ناقص ما الحل كيف يكون علاجه ولكم جزيل الشكر
أبو مجدي تونس
واللام

[ربع خالي]

وعليك السلام ورحمة الله وبركاته

نعم ياخوي. عنده نقص أملاح
والحل تتركه يأكل براحته ولا فيه اي مضره
تقبل مروري
اخوك ابو سيف

[(هزاع)]

نعم افادك ابوسيف
طيرك معه نقص املاح وكلس
اكل الحصى مامنه ضرر بشرط
ان يكون الحصى نضيف من المرش وخصوصا مرش طير اخر
وذا به اقلام طبشور او كما يسمونها طباشير خذ ((قدر حبة القهوه حبه وحده))ودقها وبثها مع العلفه على ثلاث مرات يوم ويوم لا
يعني يوم حطله ويوم لا
وعلفه علفه حيه خله يذبحها ويشرب دمها وينتفها( الريش الدقاق )زين له يعطيه كلس وعرض الطير لشمس الصباح البارده او قبل المغرب لمده انت تلاحضها ولايفح الطير افطن

[جلاد الحباري]

اكثر الوحوش تاكل الحصى ويقال انها تتضايق من الشبيكه وتشنذر نفسها باكل الحصى وتنطله هذا خبر اسمعه من زمان والله اعلم وبالنسبة لاي نقص فيتامين في الطير يبين من خلال فحص الدم وهذي مجربه وانا انصحك بها

[(بوسلطان)]

أفادوك الإخوان وآنا حصلت معاي خاصه إذا كنا مقيلين بعد المقناص فالبر الطيور تنزل من الوكر وتاكل الحص الصغار وبعد فتره تروبج الحصى ولا يضرها بشي

[عبدالرحمن بن ذياب]

الطير ما بيعلف من شئ ويكون عليه ظرر منه و ولو تلاحظ بعد ما ياكلها يروبجها بعد فترة

[فيصل الذيب]

الحصى يساعد الطير على اطحن العلف وهضمه وهذا درسناه دراسه علميه ويطلعه مع الروباج ولا يضره بالعكس ينفعه


تقبل مروري

[شواهين]

الحصى يساعد الطير على اطحن العلف وهضمه وهذا درسناه دراسه علميه ويطلعه مع الروباج ولا يضره بالعكس ينفعه





تقبل مروري


:good2::good::good2:

[بوغلب]

السلام عليكم ...
عندي فرخ حر أصله وحش قرنس الحمدالله بكر ...
ياكل الحصى الصمي الصبح بعد غدا الطير وإذا جيته العصر .. ماشاء الله أشوفه يروبج الحصى .. والله انك تعدهم وحده وحده .. والحمدالله سليم ..

[قرناس حوران]

السلام عليكم ورحمه الله وبركاته
الطير ياكل الحصى مثل باقي الطيور والغرض منه طحن العلف او العضام
في الحوصله
اتمنى لك التوفيق

[خيال سهيل]

الطيور جميعها تاكل الحصى للمساعده في عملية الهضم وطحن الطعام سواء الجوارح او غيرها
ولا يضرها بشي وبالعكس مفيد جدا للمساعده

اما الأخوان الي تفضلو بأن نقص فيتمين او املاح او كلس وعطه و حطله الخ .....
ارجو عدم الفتوى بدون علم او بحث عن الحلول من ذوي الخبره وانا لا ادعي اني اعلم منهم والعياذ بالله
الا اني سبق وسألت الدكتور عنها وقالي هو يقصد الطير اعرف منك في مصلحت نفسه
والحصى يساعده على الهضم

وعلى طاري الكلام هذا اذكر كلام رجل صقار كبير بالسن والقدر وذوي معرفه وهو طاروح معروف
وكنت انشده ابي اتعلم منه وقالي الطير ما يمرض نفسه ولا يضر نفسه واذا مرض فالبلا من صقاره
شف انت وش معلف طيرك تعرف مرضه وعلاجه
واشهد انه مازل الله يمتعه بالصحه والعافيه

[ربع خالي]

ماودي يتحول الموضوع للمجادله
ولكن بالنسبه لإخواني اللي يعطون سبب اكل الـطـيـر للحصى لجل يهضم اللحم والعظم ؟
فهذي مامرت علي إني اشوف طير يأكل الحصى على عشاه ! ولا هو في حاجة حصى لجل يهضم أكله من لحم وعظم .
و الطيور تأكل الحصى وما معها في فرستها شي ! وإن روبجت ترجع الحصى فقط مع بعض مواد لزجه تكون مغلفه بعض الحصى وهذا مـا أشاهده من عرفت الـطـيـر ونقلته
والدكاتره كلامهم على العين والراس ولكن اللي ما عايش الوضع وظروفه ، مـا ناخذ في كلامه
تحياتي

[عابر الموج]

الاخوان ماقصرو لكن ابي اعطيك الي اعرفه شنذر طيرك وسوف تروح هذه العادة لانه فيه شبيكه تقبل تحياتي

[فيصل الذيب]

لحظه الطير لايكون منغث من علف ولا زوعه احتمال يكون قد انغث

[راعي شلهوب]

ماودي يتحول الموضوع للمجادله

ولكن بالنسبه لإخواني اللي يعطون سبب اكل الـطـيـر للحصى لجل يهضم اللحم والعظم ؟
فهذي مامرت علي إني اشوف طير يأكل الحصى على عشاه ! ولا هو في حاجة حصى لجل يهضم أكله من لحم وعظم .
و الطيور تأكل الحصى وما معها في فرستها شي ! وإن روبجت ترجع الحصى فقط مع بعض مواد لزجه تكون مغلفه بعض الحصى وهذا مـا أشاهده من عرفت الـطـيـر ونقلته
والدكاتره كلامهم على العين والراس ولكن اللي ما عايش الوضع وظروفه ، مـا ناخذ في كلامه

تحياتي



عز الله هاذا المعروف والحصا اللي ياكله الطير هو المرو

[هدد999]

شكرا على الموضوع القيم

[نقا الجمل]

المرو اذا اكله الطير تراه صحي له لانه يلقى فيه الاملاح اللي هو يحتاجها ويغسل اللي يبقى من الروابيج والشوائب اللي في معلف الطير داخل
عادي جدا والاخوان ماقصروا الله يعطيهم العافيه

لا تغز وكره بعدين الا جنب الحصا بس اهم شي تجيه شمس