المساعد الشخصي الرقمي

مشاهدة النسخة كاملة : احد يخبر طير


ابوفيصل السهم
16/07/2006, 01:18 PM
السلام عليكم ورحمة الله وبركاته
الاخوة اعضاء منتدى مكشات:
من يخبر طير حر ينصفط يطلع وراكد وذابح يرد علي على فكرة لايصير غالي يعني حول (5500_7500)
واحد من الربع يبيه
وجزاكم الله خير
ابوالجازي
16/07/2006, 03:19 PM
السلام عليكم

هلابك يابو فيصل السهم 7500 زدها 2500 تبي تلقا اول الوقت حر فرخ على كيفك يصير اول من صقره انت تفرنك عليه على كيفك
جعلك تقنص المقناص الجاي بطير على كيف كيفك بالفعل والنظره
ابوفيصل السهم
17/07/2006, 08:43 AM
هلا ابو الجازي
الطير لواحد من الشباب مهوب لي ويبيه ذابح وراكد موب لازم يطلع
مارشال
19/07/2006, 03:12 AM
هلابك اخوي ابوفيصل السهم

الظاهر ان رفيقهك ماهوب لاقي طير مثل طيره الأول عسى الله يعوضه

لكن نفعل الأسباب والرزق من عنده ..........

شف الطير اللي عند الحابوط-2
ابوالجازي
19/07/2006, 07:39 PM
السلام عليكم

هلابك يابو فيصل السهم اذا ماهوب انت اللي يبي الطير علّم اللي يبي الطير بالنصيحه

وبعدين وشلون تبي طير راكد وماهوب لازم يطلع اذا ماهوب يطلع ماهوب لازم يركد

اخوي مالرشال الظاهر ان الطير اللي عند الحابوط 2 عين الصواب
عبدالله بن فرحا ن
21/07/2006, 05:04 PM
إذا أنت من أهل الشمال فإن طلبك موجود 0503030756
عاشق الجول
24/07/2006, 11:53 PM
مساك الله بالخير يابو فيصل
عز الله اني خابر وين تلقى حاجتك فيه وعلى فكره ترا ابوالجازي معه حق اذا خويك مايهمه الطلع ليش تهمه الركاده!!!!!!!!؟؟؟؟؟؟؟؟
لاتنس تسلم لي على بياع الشنط.
آبو غلآ
25/07/2006, 06:13 AM
مر11حب بالجميع ،،
انا عندي مدااخله بسيطه .. الركآدهـ مهمه حتى لو الطير ما يطلع ..
بعضها ما تطلع ولاهوب رآكد مغير يكفخ بالبرقع كل وقت وبعضها
ما تطلع ورآكدهـ حطه في المرتبه وانس ان معك طير ما يكفخ ابد ،،

وسلامتكم ،،
ابوالجازي
04/08/2006, 06:52 AM
السلام عليكم
تعقيب على كلام اخونا شارب فينتو
في مصطلح الصقارين اذا قال راكد مطلقه يقصد راكد اذا فرعت عن الطير داخل الموتر وانت تقنص
لكن اذا قيدة بقوله راكد بالبرقع فهذا يقصد والطير مبرقع بالسياره
وبعدين الطير اللي ماهوب راكد وهو مبرقع ماغير يكافخ ويشغلك مابنفع ولا بريال لو كان ينزلها من ترابيع النجوم
ولو كان ملون ولو كان مهما كان نصيحه لاتقرب الطير اللي يكافخ بالموتر وهو مبرقع
واذا الطير راكد وهو مفرع بالموتر وهو مايطلع برقعه ازين الا اذا الحبارى توقع انه قريبه منك وانت منشغل مع الجره....
واسف على لاطاله
محبكم ابو الجازي
أبو شعلان
04/08/2006, 04:49 PM
بسم الله الرحمن الرحيم

أبوفيصل مساك الله بالخير
أخبر لك طير راكد ركاده مافيها كلام وسبقه مناسب وزين .
وراعيه مابعد عرضه للبيع ولكن أنا عندي خبر إنه يبي يبيعه
إذا كان لك شف بالطير علمني عشان أعلمك منهو لأنك تعرفه زين

،،،،،،،،،،،،،،،،،،، وتقبل تحياتي ،،،،،،،،،،،،،،،،،،،،،
:j
مصروع
05/08/2006, 09:37 AM
السلام عليكم
ابو فيصل
طير في مقيظ ابو فالح الدوسري خلوي العام . راعيه الاول يقول انه صايد وحده. هم مايشرطون عليه. المهم خلوي ماعلي خوف. الطير انا ريته قربنا صوبه وماكفخ وقلبنى طير بجنبه وهو راكد.
للمعلوميه: مقيظ بوفالح الجديد على خط بوحدريه الدمام . هاذى الكلم قبل اسبوع الله اعلم باعوه ولاعاده عندهم .
والله يرزقك الطير الزين
مصروع
ابوفيصل السهم
06/08/2006, 09:52 AM
مارشال
ابو الجازي
نسيم الشمال
عاشق الجوال
شارب فيتو
ابوشعلان
مصروع

اشكركم على المرور ولاهنتوا على الردود

مارشال ابو الجازي اي طيور الحابوط2 اللي جابه من الشمال
ابوشعلان الطير اللي انت تقصده كيف اوصل لراعيه
dark
06/08/2006, 01:41 PM
ابو فيصل اذا فيك حيل توصل ابو ظبي لبنياس بتحديد فهاذا رقم رجال عنده صقور صايده بليبيا ومورتانيا علي كلام ناس
00971506662979 عقاب فالح
ابوفيصل السهم
06/08/2006, 01:47 PM
جزاكك الله خير اخوي dark

ودي اوصل ابو ظبي علشان اسلم عليك وعلى الهواجر اللي هناك لكن لو شريت الطير من ابوظبي من اللي بيدخله السعودية
dark
07/08/2006, 09:17 AM
ابو فيصل انا من اهل الرياض اولا بس الرجال هذا كلمه ولا هو مقصر عروقه في الماء مثل ميقلون في سعوديه وبغيرها