للمختصين ولمن لديه الخبره ( باترول )

[باترول 88]

السلام عليكم ورحمه الله وبركاته
راح احاول اطرح مشكلتي بوضوح واختصار
السياره باترول 90 عليه مكينه لكززس
بدايه المشكله
كنت ماسك خط وامشي 160 وكان فيه رجفه خفيفه مرا تزيد وتنقص على حسب الطريق
الرجفه ( زي الهزاز )
المهم فجئه انكسر علي عامود الدوران (كردان )
والحمد لله سلمت
وقفت الموتر ونزلت مالقيت العامود كله مافيه الي رااسه الي بالقير وراسه الثاني بالدفرنس
ركبت عامود ثاني وكان في رجه على الميه واذا زدت السرعه تختفي وترجع على سرعه 160
فكيته العامود وركبت غيره ومازبط فكيته مرا ثالثه وركبت واحد شبه جديد من التشليح وما زبط
وبعدين اكتشفت ان البليته ( التحويله ) انكسرت ركبت تحويله قديمه عندي وما زالت المشكله
رصصت الكفرات ارضي وغيرت مساعد الدركسون وشيكت على الرمانات وما نفع
بحث بالنترنت لقيت بعض الردود تقول اذا موترك مرتفع من الخلف لازم نتزل القير
عشان تختفي الرجه
اليوم نزلت القير 1سم او اقل بس ما زبط الى زادت الرجفه عن اول
وراح ارجع القير نفس ماكان
ياليت تسااعدوني في مشكلتي
انا حاليه افكر اروح بكرا للتشاليح واركب اكثر من عامود واشوف وش المشكله

[باترول 88]

يا شباب مافي احد يعرف الحل

[يكفيني نظرة]

اول شي شيك على كرسي القير ..
ثانيا شيال العمود..
ممكن يكون حداهن فيه مشكله ..
ثالثايمكن مانزلته واجد جرب مقاس ثاني ..
نزله نص سم واذا مانفع نزله 1،5 وكذا غير هالكلام بعطيك معلومه مرت علي :
يكون بعلمك الفي اكس ار 2002 اذا فكيت عموده لازم تكون واسمه قبل الفك وترجعه على نفس التركيب القديم اذا كنت فاكه بتعدله والا مايضبط ..

[RW7..ALBDAWA]

اخوي بآترول88 انت مركب فرآرآت ولألأ

لأن هالمشكله غالباً تكون من عآمود الدبل جرب تفك عآمود الدبل وجرب الموتر

[المسروحي]

الله يكون بعونك والله ماعندي خلفيه بس ودنا نستفيد من خلال موضوعك
أخاف تكون المكينه هي السبب أو يمكن الي ركبها ماضبط التجليسه
نرجوالأفااااده من الأخوااان لأني ابركب مكينة لكزس

[ms662]

نزل القير بنفس رفعت السياره
ترفعها ثلاثه سم تنزل القير ثلاثه سم

[باترول 88]

اولا فاك عامود الدبل
ثانيا عامود الدوران مافيه شيال
ثالثا كراسي القير سلليمه
اليوم فكيت العامود بالبيت
وشغلت السياره وعشقت الخامس ودعست بنزيل
وماففيه رجه ابدا وفجئه طلع صوت قويه طفيت السياره بسرعه
وحصلت الهوب حق الجلنط انفك لاني يوم فكيت العامود من جه القير ماركبت الصواميل
بس الحمد لله الهوب سلييم
الهدف من تجربه هذي الطرييقه
عششان نتاكد ان الكلتش والحذاف سلييم
لاني اذا فيها مشكله راح تسبب رجه
يعني المشكله من العامود
بس الي يعرف كم اسعر العامود ياليت يفيدنا
ووين احصله باقرب مكان يعني غير تشليح حااير

وشكرا لكم جميعا

[وبل نجد]

اتوقع المشكله عندك ي عمود وهذا احتمال
او العرموطه وهي مشبك العمود ف الدفرنس وهذ ي احتمال كبييير

[باترول 88]

العامود ركبت اكثرمن واحد من التشليح قبل مده بس ما زبط
العرموطه ؟ هذي ما اعرفها
وين تركب وش وضيفتها
وكم سعرها تقريبا

[ms662]

لعرموطه هي من جهة الدفرنس
لكن اخوي قبل تشتري عامود سبق سمعت عن ترصيص العامود ليش ماتجربها قبل
علي الملام الي قريته العضيب يسويها

[ls1.5700]

شف ونا اخوك فك العمود كامل وديه للمخرطه
يركبونه على جهاز خاص يفحص اي انعواج او ميول
وريح راسك من العمود الي مسبب لك قلق
اذا قالو لك المخرطه سليم يكون مستبعد العمود من الرجه
ثاني شي خل المهندس يفحص لك البنيون الي طالع من الدفرنس
قد يكون مرتخي ويسبب رجه
وشوف عمود التوازن الي ورى يمكن جته ضربه من العمود يوم يطيح
ولا تنسى كراسي القير غيرهم اصلي
هذا والله اعلم
ارجو اني افدتك