المساعد الشخصي الرقمي

مشاهدة النسخة كاملة : يا اخوان .. ما الحل قاعدة الكبليتر باترول 99 يقول صاحب الورشه خربانه


احوال جويه
29/08/2012, 06:17 AM
السلام عليكم
مرحبا للجميع .

قدر الله وماشاء فعل . اخواني عندي باترول اخو الوكاله كان به
تقطيع ويحتاج وزن بلوف شريت بواجي ورحت للورشه
لكي يركب البواجي ويازن البلوف قالي راعي الورشه
طبعا هندي الكبليتر يحتاج اصلاح وصفيلك الموتر
والله اني كاره فكت الكبليتر قدر الله وفك الكبليتر
وبعده الله لا يوريك قام يصفق ويقطع ويتفتف
المهم الرجال يقول قاعده كبليتر خربانه
وش رايكم وابي افضل ورشه للكبليتر
الموقع بريدة
ولكم جزيل الشكر
أحمد محمد1429
29/08/2012, 10:41 AM
والله مدري عن ميكانيكيك
خله يرجع الكلبليتر في محله ولا ينظفه ولا يقربه
احوال جويه
29/08/2012, 08:06 PM
كد فكه وركب اصلاح ومن بعده خربه
يقول القاعده خربانه وش الحل ياشباب وافضل ورشه
أبوصالح9
30/08/2012, 04:11 AM
رح للخبير ابو احمد المليحان

عنده ورشة خاصة وهو افضل خبير للكلبريتر

اسأل عنه ببريدة وترا ورشته بوسط حارة قديمة كد رحت لم ورشته بس مدري شلون اوصفلك لاني منب من بريدة

بحاول اوصف لك على ما اذكر اذا كنت واقف عند اشارة المحاكم الشرعية وماكدونالدز يسارك وكارفور قدامك يسار لف مع الاشارة يسار بيصير كارفور يمينك وصناعية الرواف يسارك ابتل قدام لين تجيك اشارة تعده همن بتجيك محطة خلها ورح للمحطة الثانية من عند المحطة الثانية فيه شارع صغير قبلها ادخل معه وابتل لين يجيك اجباري يمين لف يمين همن يجيك طلعه صغيرة لف قبلها يسار ابتل قدام وادخل مع ثاني او ثالث شارع يسار تلقى الورشة يسارك كنها استراحة او حوش قديم

بس تراي منب متاكد من الوصف انت اذا دخلت للحارة القديمة اسأل عن ورشة ابو احمد المليحان وان شاء الله يدلونك او اسأل ربعك عن هالشخص

بالتوفيق
احوال جويه
30/08/2012, 05:08 AM
جزاك الله خير ابو صالح
الوصف واضح ونا قريب من هذه الجهه
جيبي جايزلي
30/08/2012, 08:48 AM
والف نعم ابواحمد المليحان رجل ثقه وامين

ورقم جواله
احوال جويه
30/08/2012, 05:55 PM
جيبي جايزلي الف شكر على طرح الرقم والمرور
ls1.5700
31/08/2012, 01:29 AM
وشدخل القاعده بالمشكله
الهندي ماوزن العوامه الي داخل الكبليتر على المستوى الصحيح
او الابره معلقه ماوزنه او انه مانظفها من الاوساخ والاتربه
ارجو اني افتدك
احوال جويه
31/08/2012, 02:56 AM
وشدخل القاعده بالمشكله
الهندي ماوزن العوامه الي داخل الكبليتر على المستوى الصحيح
او الابره معلقه ماوزنه او انه مانظفها من الاوساخ والاتربه
ارجو اني افتدك


هلا اخوي .. يقول القاعده تدخل هوا مع العلم الكبليتر شدبلد ولا به اي شيئ من قبل
ولا كد فك ابدا .. كلامك كأنك شايفه هذه النقطتين هي اكثر شغله
العوامه الابره حتى انه ركب ابره كبليتر ددسن يجرب ولا زبط معه

اشكرك اخي الكريم على الطرح
sgl2002
31/08/2012, 03:46 AM
ياشباب الكلبريتر لاتفكه من مكانه ولاتسوي له شي

من يوم تفكه تراك اعدمته

نظفه وهو بمكانه وغير لياته اذا خربانه فقط. ث
ووزن واصلاح لاتسوي له شي والا بتنحاس
احوال جويه
31/08/2012, 05:24 AM
ندمت كثيرا ولاكن اقول قدرالله وماشاء فعل
ضحك على يقول كبليتر تعبان يبي اصلاح
حسبي الله عليه السياره تسام ٥٢ وعدمها

وبهذه انصح الجميع بعدم فك الكبليتر كما قال اخي في السابق