سؤال لاهل الخبرة في مجال المكاين

[سكن حبك سكن]

السلام عليكم ورحمة الله وبركاتة,

عندي سوال لاهل الخبرة عن نوع المكينة المرفقة بالرابط الموجود:

http://www.pennreels.com/products/reels/spinning-reels/pursuit

وهل تستاهل ولا لا ؟

لاني شريتها وانا الان مقيم خارج السعودية فهل اجيبها معي او ابيعها ؟

المكينة اللي بالموقع مطابقة للي معي مع العلم ان الموديل هو 7000 كما هو موضح.

مع الشكر.

[بحري نجد]

شركة بن ممتازة وعالمية ,

الموديل هذا من أقل المستويات عندها, لكن أداءها وجودتها أفضل من الي بتلقاه بالسوق عندنا, فلذلك لا تفرط فيها خلها معك,

وإذا أنت هاوي صيد استغل وجودك في الخارج واشتر معدات ممتازة, وفي الخدمة إذا تبي مشورة في الأنواع والشركات

[baracuda]

ماكينه ممتازه اخي الكريم
وهي اصلح أيضاً للصيد بالطعم الصناعي بطريقه الجيجنج
وشكرا

[سكن حبك سكن]

الله يجزاكم خير, بحري نجد و باراكيود, انا بكندا الان, بس المشكلة ان اغلب القصبات والمكاين حقت صيد في البحيرات.

مع العلم اني كنت بشتري من السعودية بس قريت موضوع يقول انه افضل لو تاخذها من برى وهذا السبب اللي خلاني اشتري من هنا.

اللي ابا اعرفة وش اجيب معدات معي غير المكينة , مع العلم اني شريت قصبة وبحط نوعها ان شاءلله لاني تعبت لين دخلتها بالجراب حقه, لاني برجع السعودية الاسبوعين ذي ان شاءلله.

بأنتظار ارائكم.

[baracuda]

الله يوفقك ، وترجع بالسلامه
المهم انو تعرف الفرق سنارات البركه او الأنهار اللي تنباع عندك والخاصه بالشواطئ المالحه
اللي نستخدمها في شواطئنا ،
حقتهم تجي صغيره ونحيفه بدون قاعده ، مرنه وحساسة جداً ،
دور على القصبه الطويله ٣،٧ م وانت طالع ، نحيفه وقاعدته طويله للرمي مسافات بعيده

[سكن حبك سكن]

ان شاءلله والله يجزاك خير

[accentkool]

هذي ماركة عالمية عريقة
انصحك احتقظ فيها ولاتفرط ابها
لانك ماتبقاة بعدين باسواقنا المحلية

[سكن حبك سكن]

يعطيك العافية اكسنت كوول, وبأذن الله محافظ عليها.