تعبية الفريون للفورد

[حب لاينتهي]

المكيف كان عندي يبرد ممتاز من بكره صار هواء به نوع من البروده

مع اني رفعته لعلى درجه

ورحت للصناعيه وقالوا يبيله تعبية فريون

هل تعبية الفريون تتطول ولا وقت قصير يعني اذا عبيت الفريون بيجلس 6شهور

ولا سنه ولا اقل

السيارة فورد فكتوريا

مشكورين

[رفيع المقام]

اول شي وقبل كل شي
لابد يتأكد هل يوجد تهريب والا لا ..؟
اذا ما يوجد تهريب يقوم بسحب الفريون والهواء القديم بحهاز خاص بعدها يستخدم زيت كمبروسر مع الفريون الامريكي ١٣٤a جنترووون ..
لكن رح لواحد موثوق لأن الفريون فيه تلاعب كبير. ..

[كموص]

تأكد أولا من عدم وجود التهريب للفريون ... وثانيا نوع الفرين !!! يوجد نوعين أمريكي وصيني ... أستعمل الأمريكي ... أذا أستمر الحال كما كان ... الله يكون في العون ...عليك بواحد متخصص مكيفات موثوق به ... ولا تبخل بتغيير فلتر الفريون حتى لو قال لك أنه يعمل ولا زال فيه عافية . وبالله التوفيق .

[mekshaat]

فيه ورشه بالرياض عندهم فريون الجنترون الأمريكي يعبون الفورد
فاضي 180 ريال.

[علوش1]

بعد اذن صاحب الموضوع ..

هل تتم التعبئة والدبة مقلوبة على رأسها ام تكون في وضعها الطبيعي ؟

[حب لاينتهي]

رفيع المقام

كيف اكتشف اذا كان فيه تهريب ولالا

وانا اشوف ماسورة المكيف الي يتم التعبيه منها كأن عليها زيت ناشف

هل هذا يعتبر تهريب ولا لا

بارك الله بك

[حب لاينتهي]

كموص

كيف افرق بين الأمريكي والصيني انت تعرف التلاعب كبير

وفلتر الفريون الفكتوريا بكم

ووين يوجد شكله صعب بالتركيب

[حب لاينتهي]

فيه ورشه بالرياض عندهم فريون الجنترون الأمريكي يعبون الفورد
فاضي 180 ريال.



وينها فيه

ياليت الوصف بارك الله بك

[حب لاينتهي]

علوش

خذ راحتك

انا شفتهم يعبون وهم قالبين الدربه مدري عاد صحيح ولا لا

مشكور

[رفيع المقام]

رفيع المقام

كيف اكتشف اذا كان فيه تهريب ولالا

وانا اشوف ماسورة المكيف الي يتم التعبيه منها كأن عليها زيت ناشف

هل هذا يعتبر تهريب ولا لا

بارك الله بك
بالنسبه لمعرفة التهريب اوالتنسيم ..
يعبي الاديتر بالهوا ثم يستخدم اسفنج وفيري ويمررها على مواصير التبريد وعلى بلف التعبيه .. ايضاً اذا فيه تهريب بتلاحظ عداد او ساعة الضغط اللي يستخدمها الفني امبيرها ما هوب ثابت وينزل ..
وبالنسبه للماصوره اللي عليها زيت ناشف كما ذكرت حاول أن يحط حولها فيري ايضاً طبعاً بتلاحظ فيه فقاعات اذا كان هناك تنسيم والفني الامين والجيد هو اللي يسوي هالطريقه قبل التعبئه ، أما اللي همه كسب المال فقط هو اللي يعبيلك الفريون ويقولك شغل وامش ..

[mekshaat]

لك رساله على الخاص والفريون يجيبه راعي الورشه مهندس سعودي يشرف
على شغله ولاعنده غش بالفريون مايجيب الا جنترون امريكي أصلي ويعتبر
ارخص واحد في أسعار الفريون لجميع أنواع السيارات.

[ls1.5700]

لو عبيته رايح يفضي عليك
يعبيه هوى مو فريون ويحط مقاس بالساعه
حقة التعبيه وحفظ الرقم الي هو عليه
وبعدين ارجع له بعد من بكرى وشوف هو تغير
عن المقاس السابق ولا لا احيان التهريب مايبين الا مع الوقت
اذا تغير خله يحط رقوه على جميع المواسير وعلى البلف حق التعبئه قد تكون
الربله فيها تنسيم والكمرسر دايم يصير فيه تهريب
وشيك على مواسير الثلاجه اذا كان موترك فيه ثلاجه
هذا والله اعلم
ارجو من الله اافدتك

[حب لاينتهي]

رفيع المقام

بارك الله بك الف شكر

[حب لاينتهي]

لك رساله على الخاص والفريون يجيبه راعي الورشه مهندس سعودي يشرف
على شغله ولاعنده غش بالفريون مايجيب الا جنترون امريكي أصلي ويعتبر
ارخص واحد في أسعار الفريون لجميع أنواع السيارات.


تسلم أخي الكريم

الف شكر

[حب لاينتهي]

لو عبيته رايح يفضي عليك
يعبيه هوى مو فريون ويحط مقاس بالساعه
حقة التعبيه وحفظ الرقم الي هو عليه
وبعدين ارجع له بعد من بكرى وشوف هو تغير
عن المقاس السابق ولا لا احيان التهريب مايبين الا مع الوقت
اذا تغير خله يحط رقوه على جميع المواسير وعلى البلف حق التعبئه قد تكون
الربله فيها تنسيم والكمرسر دايم يصير فيه تهريب
وشيك على مواسير الثلاجه اذا كان موترك فيه ثلاجه
هذا والله اعلم
ارجو من الله اافدتك

بارك الله فيك

مشكور سلمك الله