فزعتكم يالربع كلتش فتك

[راعي ددسن]

السلام عليكم

انا معي فتك 2008 وطلع في الموتر ريحة كلتش

وش السواة و بكم الكلتش لو بغيت اغيره

[jeep 2001]

قيمة الكلتش كامل من قطع الغيار بي 950
والتركيب ارخص واحد بي 500
ولا تحرص الى الين يخرب مرره
اما اذا كانت ريحة بس بتروح مع الوقت
الله ييسر امورك ويكتب لك الخير

[راعي ددسن]

الله لا يهينك اخوي jeep

وشاكر لك مرورك

[ls1.5700]

عادي اخوي حتى لو طلع ريحه مافيه مشكله
اهم شي الموتر مايفوت يعني يحن وهو مايمشي
وعزمه زين يادعست له يفز قومته حلوه ويعشق مظبوط
خلاص امورك طيبه
ماله داعي تغيره
نصيحه لا تفتف للموتر وهو معشق بنمره فضه ثم دوس على كيفك
ولا تقوم الموتر اذا غرز بالنفود الا بدبل ثقيل على اساس ماتحرق الكلتش
هذا والله اعلم
ارجو اني افدتك

[mekshaat]

نصيحه كان مبلغ التصليح متوفر معك الآن
صلحه لاتهمله عشان مايسبب لك مشاكل ثانيه.

[راعي ددسن]

لا الحمدلله ما افوت معي شاكر لك مرورك
اخوي ls1

[راعي ددسن]

المبلغ الا الحين ما توفر قاعد اجمعه تخبر مكافئات الكليات
وشاكر لك مرورك اخوي

Mekshaat