مشروع ترميم باترول م94

[king 4 ever]

السلام عليكم ورحمة الله وبركاتة

اخواني الاعزاء بدأة في عملية ترميم الباترول م94 فل لون ذهبي مائل للبني داخلية بني

قلت خلني ابداء باللون موعاجبني واسلقه وصملت على الابيض

وبداء الشغل وتم عمل حرق للبوية كامل للسيارة

السؤال اللي يسدح نفسة الابيض لقيت له اكثر من لون فما خاب من استشار

كم رقم اللون المناسب للباترول؟

وهل فية نصائح واراء قبل عمل البوية وبعد؟

الله لايحرمني منكم

وراح ازودكم بالتقرير بالصور واللي مايشارك ماراح ياخذ دورة :D

[عبدالرحمن1411]

والله ما عندي علم لكن انصحك بالابيض اللؤلوي
وانت لم تروح لمحل البوية قله اللون نفس لون الابيض اللي على الموتر الفلاني

[king 4 ever]

مرحبا اخوي عبدالرحمن نورة الموضوع

المشكلة اني ابي الابيض اللؤلؤي لكن فية شي يكون مناسب عليه وشي مايليق

الاخ خبايا انسان جزاة الله خير نصحني برقم 070 شفة انه لؤلؤي نفس لون الكامري 2012

ومحتاااار

[خبايا انسان]

حياك الله اخوي ,, انا شايف ددسن موديل 85 رقم البويه 070 ضبطت البويه عليه وطلع شيخ ,, الموتر شايف له صور هنا ف المنتدى لاكن والله مادري وين الموضوع لانه قديم شوي

لاكن انا اشور لك شور بيفيدك ,, رح تمشى ف الورش يمكن تلقى موتر نفس الي عندك ويشتغلون عليه لون ابيض ,, شف يعجبك اللون او لا , واذا عجبك اسال عن رقم البويه ,,, وهكذا وهكذا لأكثر من ورشة لين ترسى على بر وتختار الرقم الي يناسبك ,,


واذا تبيني ادلك على ورشة ف الرياض شغلهم ممتاز ف البويه والسمكره وعن خبره فوق ال 15 سنه واسعارهم حلوه مقارنه بمثيلاتها ,, انا حاضر

[king 4 ever]

حياك الله اخوي ,, انا شايف ددسن موديل 85 رقم البويه 070 ضبطت البويه عليه وطلع شيخ ,, الموتر شايف له صور هنا ف المنتدى لاكن والله مادري وين الموضوع لانه قديم شوي

لاكن انا اشور لك شور بيفيدك ,, رح تمشى ف الورش يمكن تلقى موتر نفس الي عندك ويشتغلون عليه لون ابيض ,, شف يعجبك اللون او لا , واذا عجبك اسال عن رقم البويه ,,, وهكذا وهكذا لأكثر من ورشة لين ترسى على بر وتختار الرقم الي يناسبك ,,


واذا تبيني ادلك على ورشة ف الرياض شغلهم ممتاز ف البويه والسمكره وعن خبره فوق ال 15 سنه واسعارهم حلوه مقارنه بمثيلاتها ,, انا حاضر

بيض الله وجهك اخوي خبايا انسان دائما سباق لاكن انا بالقصيم

واباخذ في نصيحتك وابمر الورش واشوف

[الأحوذ]

الابيض ممتاز و تقدر تراجع الوكاله بألوان السيارة ، و أذكر هذا الموديل يجي أبيض و ليس أبيض لؤلؤي ، لكن اللؤلؤي جميل مثل اللي ينزل على الفتك ، وفقك الله...

[حزم الفيضه]

مساء الخير اقول نفس لونه احلى وانت بكيفك

[الفلاني فلان]

من بعد ازان صاحب الاعلان و رايكم بالوان الذهبي ناوي اغير لوان موتري الى ذهبي كامل

[خبايا انسان]

بيض الله وجهك اخوي خبايا انسان دائما سباق لاكن انا بالقصيم

واباخذ في نصيحتك وابمر الورش واشوف
مريت محل اصباغ السيارات وسالت لك عن اللون 070 وفعلا مثل ماقلت طلع لون الكامري اللؤلؤي ..

لاكن فيه درجات كثير للون هذا فيه لؤلؤي افالون , وفيه لؤلؤي لكزس ,, وفيه ابيض هونداي مثل النترا وسوناتا , وفيه ابيض ساده << هذا بايخ جدا الابيض ساده كانه من المواتر القديمه ,, وعموما بامكانك تتخير في محلات الاصباغ الدرجه الي تبيها ,,

عندك بعنيزة ورشة ابو فهد ,, باكستاني , شف ياكثر الجيوب الي عنده , مر وتفرج

[king 4 ever]

مرحبا اخوي خبايا انساان

اشكرك على حرصك الاخوي ولا يهونون الباقين اخذت بنصيحتك ومريت على ابوفهد بس ماحصلت باترول ابد ولاكن مريت على الورش الثانيه قالو لي حنا بالعادة نصبغ ابيض بس اذا تبي 070 شف ال gxr الجديد والكامري ابيض لؤلؤي اما بالنسبة للفتك يجي صبغتة غير اسمها اوكس (ماني متأكد من الأسم) وتجي ابيض لؤلؤي يميل للاصفر
ورحت للورشة اللي اشتغلت عندها عطاني معلومه حيرتني زيادة

قال: الكامري الجديد اصبغها مرتين ابيض و3 مرات لؤلؤي فسيارتك ابعطيها رشتين ابيض او 3 ومرتين لؤلؤي

فما خاب من استشار وش رايكم اخواني

[يكفيني نظرة]

نصيحتي لك دامك خسران خسران رح للوكاله واسأل عن بوية الوكاله البيضاء العاديه اذكر واحد من العيال رش ددسن 82 وطلعت تكرم النعمه لان بويتها مايله للاصفر وهو حط بيضا والعيال قامو يعيرونه ان السيارة مرشوشه بلبن :D:D وغدت تحوم التسبد حتى هو عافها..

[خبايا انسان]

مرحبا اخوي خبايا انساان

اشكرك على حرصك الاخوي ولا يهونون الباقين اخذت بنصيحتك ومريت على ابوفهد بس ماحصلت باترول ابد ولاكن مريت على الورش الثانيه قالو لي حنا بالعادة نصبغ ابيض بس اذا تبي 070 شف ال gxr الجديد والكامري ابيض لؤلؤي اما بالنسبة للفتك يجي صبغتة غير اسمها اوكس (ماني متأكد من الأسم) وتجي ابيض لؤلؤي يميل للاصفر
ورحت للورشة اللي اشتغلت عندها عطاني معلومه حيرتني زيادة

قال: الكامري الجديد اصبغها مرتين ابيض و3 مرات لؤلؤي فسيارتك ابعطيها رشتين ابيض او 3 ومرتين لؤلؤي

فما خاب من استشار وش رايكم اخواني

والله حتى انا احترت مثلك ,, لاكن عليك بالاستخارة

[سلطان الغدرا]

ننتظر تقارير مشروعك

[king 4 ever]

تشكرون يا اخون كلاً باسمة على المرور والنصيحة

فعلا شي يحير لكني ماوصلت لشي وزااااادة الحيره

مريت الورش لقيت الوان ثانية غير الابيض واصحاب محلات السمكرة يقولون الؤلؤي مايصلح واالله شي يحيرررر

اما بالنسبة لتقرير ابشرووو بالتقرير بس خلني اخلص

ولكم مني تقرير مزود بالتكلفة والصور من الى

[خبايا انسان]

تشكرون يا اخون كلاً باسمة على المرور والنصيحة



فعلا شي يحير لكني ماوصلت لشي وزااااادة الحيره


مريت الورش لقيت الوان ثانية غير الابيض واصحاب محلات السمكرة يقولون الؤلؤي مايصلح واالله شي يحيرررر


اما بالنسبة لتقرير ابشرووو بالتقرير بس خلني اخلص



ولكم مني تقرير مزود بالتكلفة والصور من الى

بالانتظار التقرير الدسم المفصل :D << يعني لا اوصيك ,,

وعلى فكره دامك بتحرق وبترش من جديد ,, غير الربلات وجلد الزجاج والمساطر مره وحده ,, بس الله يعينك مكلفة !!

[ابن بريده]

الفضي مناسب

[ابوسند9]

الله يكون بعونك
لا كن انا اشوف الباترول ابيض مو ذاك الزود
والدليل انه احيانا جديد وابيض وشبه مخزن ولا يلفت نظرك بعكس الالوان الثانيه
كا الذهبي كامل
او اللونين سواء عنابي نازل على الابواب واسفل ذهبي
او الكبدي لونين
وانت عاد حر با اختيارك وفرفر النت وشوف قبل تقدم

[خبايا انسان]

لولا اختلاف الاذواق لبارت الاسواق ,, والنفس وماتهوى ,, والله يوفقك في مشروعك وننتظرك جديدك

[راعي المسرى]

السلام عليكم

تبي نصيحة أخوية

لا تقرب اللؤلوي ولا يقربك
أولا: القديمات ما جاء فيها لؤلوي وشكله بيبين إنه مرشوش على طول .
وثانيا وهو الأهم: لو جاء مخش بسيط لا سمح الله -الله يستر علينا وعليك وعلى المسلمين- تضطر لرش المكان كامل لصعوبة ركوب البوية على البوية ..... بعكس الأبيض العادي يقبل الرش بسهولة وتركب البوية على البوية

خذ النصيحة شف أي باترول أبيض شد بلد وخذ رقم البوية منه تلقاها في اللوحة السوداء اللي داخل الكبوت يم جهة الغمارة

[king 4 ever]

السلام عليكم ورحمة الله وبركاته

من لم يشكر الناس لا يشكر الله

اشكر كل الاخوة اللي تكرمو بالرد على الموضوع

واخص بالذكر اخي العزيز خبايا انسان

تم اختيار اللون ابيض لون ال97 والآن شغال بالتنجيد والكهرب

وبعدها راح ابداء بالسيارة من تحت والله لايحرمنا من نصايحكم ابي ورشة تستلم السيارة وتنفضها لي من تحت كامل مع تربيط مع العلم اني بالقصيم

[المسروحي]

السلام عليكم ورحمة الله وبركاتة ...
شف وانا أخوك تبي الموتر سكبه ونصبه ومنضره يجمل راعيه (( لاتلبسه ثوب ماهو ثوبه ))
عليك يألوان موديله وبلاده من موديل 97 وتحت
وابا أرشحلك لونين على حسب خبرتي ونضرتي للسيارات إذا كان موترك سوبر فعليك بالذهبي أو الأبيض من ألوان( 97 )وإذاكان موتر من النوع السياحي فالأبيض أفضل
وإحدا الونين الي ذكرتلك إذا لقيت واحد يشتغل صح
يطلع على السوبر 100% خاصة لكملت وحطيت خطوط الـ97

وأتمنالك التوفق ,,,,,,,,

[خبايا انسان]

السلام عليكم ورحمة الله وبركاته



من لم يشكر الناس لا يشكر الله


اشكر كل الاخوة اللي تكرمو بالرد على الموضوع


واخص بالذكر اخي العزيز خبايا انسان


تم اختيار اللون ابيض لون ال97 والآن شغال بالتنجيد والكهرب


وبعدها راح ابداء بالسيارة من تحت والله لايحرمنا من نصايحكم ابي ورشة تستلم السيارة وتنفضها لي من تحت كامل مع تربيط مع العلم اني بالقصيم

العفو ياخوي ماسويت الا الواجب ومانرجي الا الدعاء ,, وياليت تذكر رقم البوية حقت ال 97 ( ابيض ) ,,

وبالنسبة للتربيط ف القصيم ما اعرف شي صراحه ,, بس ف الرياض عندك مركز النويصر مجرب ل اكثر من سيارة , وخصوصا الباترول القديم ,, انا جربت اكثر من باترول لاخوياي من موديل 88 الى 97 كلهم مربطين عند النويصر ,, صراحه الموتر يطلع من عندهم مليان ومتماسك ويرجع شباب من بعد ماكان عجوز ,, بالاضافه الى تماسك الديكورات الداخليه وبالاضافه ايضا الى عزل صوت الهواء فهو ممتاز جدا بنسبة 80% ,, طبعا الاسعار تختلف من باترول الى باترول ,, المتفكك بالحيل يمكن يوصل السعر ل 3800 مع قطع الغيار ,, اما اذا كان نص ونص اكيد دون السعر هذا ,, واي مساعدة حاضرين ,, والله اعلم

[قناص مزاجي]

النويصر غالي


رحت ورش التربيط ب 600 ريال ونت نازل وعندك ورشة " العتيبي " ممدوح الكردي شغله افضل من النويصر ورخص



وفيه ورش جنب الكردي شغلهم حلو


ترى الدعوه كله كبس مخرطه هو فقط فك وتركيب


والموتر يوم تقول يطلع مليان انت مركب ربلات جديده يعني


شي طبيعي بيطلع الموتر مليان

القطع كامله تحت الموتر ب 800 ريال وكاله اصلي

[king 4 ever]

اخوي المسروحي لك كل الشكر كانت السيارة سوبر سفاري بس اني خليته سياحي وحطيته ابيض وراح تشوف التقرير اذا خلصت من السيارة بس اللحين استراحة محارب الى بعد العيد

[king 4 ever]

اخوي خبايا انسان دايم تحرجنا باهتمامك فكل الشكر

الرياض بعيد علي

مع العلم اني افكر اروح الرياض واسوي التنجيد عند وضاح اللي بالصناعية القديمة

واركب خط 97 بس الشغله مكلفه شوي لاني كنت مسوي ميزانية محدده وتجاوزة الميزانيه

[king 4 ever]

الاخ قناص مزاجي

لك كل الشكر على مرورك الكريم لكن الورش اللي تكلمت عنها بالرياض ومتعبه روحة الرياض

[خبايا انسان]

النويصر غالي



رحت ورش التربيط ب 600 ريال ونت نازل وعندك ورشة " العتيبي " ممدوح الكردي شغله افضل من النويصر ورخص



وفيه ورش جنب الكردي شغلهم حلو


ترى الدعوه كله كبس مخرطه هو فقط فك وتركيب


والموتر يوم تقول يطلع مليان انت مركب ربلات جديده يعني


شي طبيعي بيطلع الموتر مليان



القطع كامله تحت الموتر ب 800 ريال وكاله اصلي


والله ياليت ,, فعلا السعر غالي جدا عند النويصر ونبي واحد مجرب ومربط ف ورشة غير النويصر

[خبايا انسان]

اخوي خبايا انسان دايم تحرجنا باهتمامك فكل الشكر



الرياض بعيد علي


مع العلم اني افكر اروح الرياض واسوي التنجيد عند وضاح اللي بالصناعية القديمة


واركب خط 97 بس الشغله مكلفه شوي لاني كنت مسوي ميزانية محدده وتجاوزة الميزانيه





الوضاح غالي جدا , لاكن شغله حلو ,,


وبالنسبه لخط ال 97 ,, انا ركبت تجاري ب 150 ريال وله 3 سنوات توه يقلب لونه

[السومر]

ننتظر التقرير

[قناص مزاجي]

والله ياليت ,, فعلا السعر غالي جدا عند النويصر ونبي واحد مجرب ومربط ف ورشة غير النويصر




انا مربط عند العتيبي " ورشة ممدوح الكردي " ب 600 ريال شغل يد والمخرطه ب 100-او 120 ريال

قطع غيار كامله جميع الجلد السفلى اصلي ب 800 ريال




النويصر جيته قال ب 1800 ريال شغل يد قلت لبو يمن صاحي انت ولا مخزن

[خبايا انسان]

انا مربط عند العتيبي " ورشة ممدوح الكردي " ب 600 ريال شغل يد والمخرطه ب 100-او 120 ريال


قطع غيار كامله جميع الجلد السفلى اصلي ب 800 ريال






النويصر جيته قال ب 1800 ريال شغل يد قلت لبو يمن صاحي انت ولا مخزن

ياليت تذكر الجلد الي تحتاج للتغيير ,,

وهل ربط بطن السيارة فقط ؟ ؟ ولا حتى الديكورات والبيبان والكبلوت والرفارف .. والموتر وشو ربع ولا صالون ؟

[قناص مزاجي]

صالون اربع ابواب
8 جلب ربط خلف اصلي = 400 ريال
4جلب ربط امامي اصلي= 200 ريال
4جلد مواضح الخط لكن سعرها = 100 ريال
2مسمار توازن اصلي 120 ريال
4 جلد مسمار توازن =20 ريال
2جلده عامود توازن50 ريال

القطع اصلي شغل يد الورشه 600 ريال وشغلهم لا يعلى عليه

قال لي المهندس جب جلد بدي اركبها لك سئلت عنها قالو ب 800 ريال اصلي من ضمن الشغل يركبها لي
لكن طلبت منه ان يركب جلد من عنده افضل وامتن واخذ علي سعر 150 ريال
ركبت مساعدات من ضمن الشغل + يايات استرالي
وتربيط الموتر من الاسفل كامل
واشكر الورشه حقيقه على شغلهم الرائع

ونت عليك الحساب

النويصر جيته قابلت يماني قال لي تاخذ عليك 1800 ريال وشفت عمالتها التي تشتغل عنده صراحه شغلهم لم يعجبني

والناس تجيب السياره متفككه وتغير قطع جديده ويقلون شغل الورشه ممتاز الممتاز والله القطع التي احضرتوموها شي طبيعي ان بيتغير الموتر عليك بعد تركيب القطع عند اي ورشه

للمعلوميه الورش الان بدائة تحط اعلان في المنتدايات لانهم وجدو ان المكاسب اكثر عن طريق المنتديات ولا ينفاوضون معهم بالسعر بحكم انهم مشهورين

تحياتي

[خبايا انسان]

طيب ياخوي بالنسبه لتربيط الديكورات وتضمين السيارة كامله ,, هل يسوونها مثل النويصر ؟

وكذلك تنسيم الهواء وعزله

[الحر النداوي1]

وين موقع ورشة الكردي

[ربع نيسان91]

نفس الاستفسار لا هنت وين ورشة الكردي وياليت رقم لهم اذا سمحت

[VTC KSA]

النويصر غالي


رحت ورش التربيط ب 600 ريال ونت نازل وعندك ورشة " العتيبي " ممدوح الكردي شغله افضل من النويصر ورخص



وفيه ورش جنب الكردي شغلهم حلو


ترى الدعوه كله كبس مخرطه هو فقط فك وتركيب


والموتر يوم تقول يطلع مليان انت مركب ربلات جديده يعني


شي طبيعي بيطلع الموتر مليان

القطع كامله تحت الموتر ب 800 ريال وكاله اصلي

يالغالي ياليت توصف لنا مكان الورشة او رقم جوال المهندس
لاني من الشرقيه ولي نزله قريبه للرياض

[خبايا انسان]

بشرنا ياخوي ,, وش صار على تجديد الموتر

[king 4 ever]

بشرنا ياخوي ,, وش صار على تجديد الموتر

هلا فيك اخوي دايم على البال السيارة شبة جاهزة بس يبي لها تنجيد وتربيط

وانشالله عن قريب