تسجيل الدخول

مشاهدة النسخة كاملة : هل الساكتون مقاس 27 تذبح الضب ؟؟


الماجدي
17/07/2006, 03:21 AM
السلام عليكم

هل الساكتون مقاس 27 تذبح الضب انا سمعت لازم تكون الضربه براسه ؟؟ واذا كانت الأجابه لا اي مقاس يذبحه
شبح الصحراء
17/07/2006, 03:31 AM
الـ 27 للبريعصيات وش جابها للضبان ، بصراحة انا بالأول كنت اشك انها تذبحه بس قابلت شخصين قالو انهم ذبحو ضبان بهن واحد منهم عنده محل صيانة أسلحة ولكن تصوب على الراس ومن مكان قريب .
فتى الجنوبيه
17/07/2006, 04:43 AM
السلام عليكم ورحمة الله


اخوي شبح الصحراء ولايهون اخوي الماجدي الساكتون 27 تذبح الضب لازم تكون يا براسه ولا برقبته انا عندي ساكتون 24 ماركة ديانه تذبح الضب براسه ومشكورين
الماجدي
17/07/2006, 06:11 AM
مشكور يا شبح الصحراء ومشكور يافتى الجنوبيه
لا تستهين بالسكتون 27 ياشبح الصحراء ترا اللأربع والعشرين تذبحه مثل ماقالك اخونا فتى الجنوبيه
kaaaatm
17/07/2006, 08:16 AM
Yes, it kills Mr.tab

when you shoot it with head


thank you
عاشق النحم
17/07/2006, 11:06 AM
والله يا جماعة اجل الي رميته انا امس دينصور مهب ظب ههههه
رميته يمكن على بعد 10 متر وجت برقبته ما قال اي وترا البندق 45 ديانا 4.5
ابوعـــابد
17/07/2006, 11:37 AM
السلام عليكم ورحمة الله


اخوي شبح الصحراء ولايهون اخوي الماجدي الساكتون 27 تذبح الضب لازم تكون يا براسه ولا برقبته انا عندي ساكتون 24 ماركة ديانه تذبح الضب براسه ومشكورين



<!-- / message --><!-- sig -->
__________________

انا مع اخوي فتى الجنوبيه صح 27تذبح الضب براسه ولابرقبته حتا 24 :no2: :no2: :no2: لاتستهين فيها اخوي وحش الصحراء تذبح الضب من الراس
الماجدي
17/07/2006, 12:23 PM
مشكورين على المرور ياشباب
محب الرمنغتون
17/07/2006, 12:42 PM
يا الماجدي وأن كنت من أهل ثادق أقول لك يا الناصري , عليك بالخرازة للضب, وخل 27 الديانا للدخل 0
الماجدي
17/07/2006, 02:08 PM
ما لك لوا انامن القصيم يا

محب الرمنغتون (http://www.mekshat.com/vb/member.php?u=4722) وشكرا على مرورك لكن بالوقت الحالي صعب تلقى خرازة على الكيف
محب الرمنغتون
17/07/2006, 10:00 PM
صعب تلقى خرازة على الكيف 00 وبالقصيم بعد !!

كاااااااااااايدة
خيال الغلبا
17/07/2006, 10:15 PM
ان كانت براسه ...خذها مني انها تذبحه
ابرق العزاف
17/07/2006, 10:38 PM
خوي اذا صابت في الراس مكانه ميتحرك حتى النبيطه اذا صقعته

في الراس على طول قتيه والاعصا اوحجر من يدك المهم في الراس
والضربه قويه ما يحتاج الراس حساس عند الضب 0000000 تحيلتى
عمار السفينه
17/07/2006, 11:09 PM
أنا مجرب , بساكتون المانيه (85) , على بعد 25 متر تقريباُ , ضربته مع الرأس طاح من فوق الحصاة فقط ,, ثم هج للجحر ,,,(الضب صماني ):D
فيـ27ـروخ
17/07/2006, 11:24 PM
السلام عليكم ورحمة الله وبركاته
يا شباب يقول المثل اسال مجرب ولا تسال طبيب.
الساكتون تذبح ولاكن لازم قريب ومع الراس هذا اذا كنت قناص لا وبعد اذ صار الضب عند جحره صعبه باساكتون لانك اذا قربت لمه دخل
والساكتون من بعيد ما تذبح ولو كانت 85 لان الهوا بيلعب بارصاص لانها خفيفه فأنا انصح بالخرازه خلك باسياره واقنصه مع الراس لانك لو قنصته مع غير الراس يتحرك ويدخل اذا كان اقريب ............. والله اعلم.
(محبكم اخوكم فيـ27ـروخ )(الزلفي zulfi)
الماجدي
18/07/2006, 07:38 AM
مشكوورين ياشباب على المرور والتعليق
يعني صعبه تذبحه السكتون و لازم براسه
فتى شنه
21/07/2006, 06:12 AM
قال رقع يامرقع قال شي يرقع وشي ماينترقع المهم الزبده :D :D


شباب السنه هاذي والسنوات السابقه قنصت ضبان والله العظيم شوفوكم ماحلفتوني غير هالسنه ماشفت

تعرفون الرصاص ابو ارنب اللي عبروده احمر المتفجر والله ان فيه ضبان عفوا قصدي تماسيح :D رميناها فاجرين الروس ان احيانا

مانمسكه اللي كان جحره فيه لفه يدقر وبعضها نحصل قبعه راسه وجحر ولا مسكناه

من مسافه 50 متر وحول

وانت تقول هوائيه وتفقع راسه بعد:confused: الى ان كانت سحاليه

والهوائيه والخرازه بعد يلعبها الهواء فالمعقول معقول

الهوائيه حقت دخل قميري تنهضم اما ضبان ماتوقع
ذيب999
21/07/2006, 02:16 PM
ما اظن الساكتون تطرحه بالخرازه ويمالي عمره يدخل والا ما يدخل وهي في راسه وشلون تبي تفقع راسه ب27 بيمسك الصتمه ويوقلك وش تبي ما ظنيت يمكن تجرحه وتسبب عليه يموت في جحره بس اذا كان ضب صغير اظن بيمدي عليه اما اذا كان من الضبان الي انت خابر ما اظن بتأثر
عبدالرحمن
31/07/2006, 12:41 PM
السلام عليكم

لا احد يستهين او يقلل من قوه الصتمه وزي ما قالوا اخواني جبها في راسه لو من مسافه مهيب قريبه و تجيب خبره لكن بشرط ما يكون وجهه جهة الجحر لانه احيانا بالخرازه تفجر راسه ويدخل والسبب موهب في قوه البندق او دقه الرميه لكن السبب في ان الضب نفسه طبيعته ياخذ فتره عشان توقف حركته بعد طلوع روحه او قتله الزبده انه بعد ما تقص راسه يتحرك كم دقيقه و تعقيب على كلام اخوي فتى شنه لو كان يشوف كان ما صدم في لفه الجحر .( لو كانت الضربه في الرقبه )

واللي يقلل من قوه الصتمه ويقول بعها واشتر لك شوزن والا خرازه خله يوقف على مسافه 15 متر واطلق عليه من الصتمه
اما يقتنع والا تقتنع انت وتبيعها ;)

حصلت 3 اصابات في عائلتنا بسبب الاستهتار بالصتمه من بينها ولد خالتي الى الحين الرصاصه في ركبته قالوا الدكاتره انها عميقه والتلفيات من استخراجها اكثر من ضررها اتركوها مكانها . (3 سم داخل العظم) البندق كانت هنتر اسبانيه

وراس الضب كله ما يجي 8سم في الغالب يعني الرصاصه بتوقف في وسط مخه :p
س ط ص006
02/08/2006, 01:07 AM
اذا كانت 27ديانا ركبله سستة 85ديانا سسته قصيره وتذبح الادمي
أبوسالم2006
02/08/2006, 01:17 AM
في راسه بجيب خبره لو بنبالة خذ العلم....................... وشكرا
الماجدي
02/08/2006, 08:02 AM
ماقصرتو ياشباب الصكه بالراس يعني
نيشان502
19/07/2011, 08:18 AM
هاهههههههه اقول با85وبالياله :confused:وشلووووون27
الهنتر
19/07/2011, 04:47 PM
انا مجرب بالاسبانيه كوميتا 85 من مسافه تقريباً 30 متر متحرك مكانه
جت بالرقبه ورحت يمه ومسكته والله ياخون محله متحرك المهم يوم ذكيته وتطيح الصتمه من رقبته بس ترا مذكيته ذكاه وانا اذكر قبل الخرازات كان الناس يقنصون بالساكتون مقاس 27 ويجيبون على عشرين واكثر
بس كانا يقربن مو زي الحين يبغالك بلجيك عشان تجيبه
قانوص قديم
20/07/2011, 05:36 PM
السلام عليكم عسى الله يوفقكم ويبارك فيكم والله اني اقرى الردود واضحك ما اضحك على الردود لا والله ابد لاكن اضحك على التخطيط لقتل الضب باي طريقة كانت والله لو يفهم الضب ويقرى هل الموضوع ماعاد طلع من جحره ابدددددددددددددددددددددددددددد لو يموت جوع ههههههههههههههههههههه الكل يبي راسه هل المسكين :D
سعد الخرجي
21/07/2011, 12:02 PM
والله على حسب المسافه ولكن على حسب علمي ان الــ 27 حدها الطيور والحمام فقط لا غير
والله يوفقك
ابوطيف2
22/07/2011, 02:32 PM
بالساكتون تذبحة لكن صعبة جدا الحين الضب بالشوزن يالله يموت هههههه ابو سبع ارواح